Maverick letur upp klokkan 16:00 í morgin, har vit fara at hita upp til stór dystin KÍ - Slovan Bratislava kl. 17:45.
Kom og heppa KÍ til sigurs, her skráin:
Kl. 15:30 FC Astana - Dinamo Zagreb
Kl. 17:45 KÍ - Slovan Bratislava
Kl. 17:45 AEK Athen - Brighton
Kl. 20:00 Liverpool - Lask
Kl. 20:00 FC Nordsjælland - Fenerbahce
Lat okkum øll vera blá í morgin. Koyr á KÍ

​Maverick Barr

Ægir Open verður hildin nú leygardag og sunnudagin. News.fo og Norðoya Portalurin vóru og tóku nakrar myndir av okkara svimjarum.

Tað eru 5 feløg frá øllum Føroyum sum luttaka og kláraði Ægir seg væl.

Kappast var tvær ferðir í gjár og í dag byrjar kappingin klokkan 14:00

Her kunnu tit síggja startsligar og úrslit.
á LiveTiming: startlistar, beinleiðis úrslit og avgreidd úrslit
á Swimify: startlistar, beinleiðis úrslit og avgreidd úrslit
​
SáH

ÍSF hevur sett Katrina Dam á Neystabø í fast starv sum ítróttaráðgeva við høvuðsábyrgd fyri breiddarítrótti

- Felagsskapurin er eitt av aðalendamálunum við ítróttinum, og tí fer ÍSF nú at styrkja enn meira um breiddarítróttin. Í hesum sambandi hava vit sett Katrina Dam á Neystabø í fast starv, og hon fer at standa fyri hesi uppgávuni, sigur Elin H. Joensen, forseti í ÍSF. 

- Koronatíðarskeiðið vísti okkum ovurstóra týdningin av felagsskapinum og hevði hetta stóra ávirkan á strategiiarbeiði 2022-2026, sigur Elin H. Joensen.

Í 2022-2026 strategiini hjá ÍSF undir heitinum “Í felag fram ímóti felags málum”, stendur um felagsskapin:

“Felagsskapurin er grundarlagið undir øllum skipaðum ítrótti. Í felagsskapinum verða vit knýtt saman, hildin uppi og hildin til. Her verða vit stuðlað og ment, og her samgleðast vit um stórar og smáar sigrar. Felagsskapurin er størsta styrki okkara og fortreytin fyri góðum úrslitum.”

Katrin Dam á Neystabø hevur seinastu tvey árini verið í verkætlanarstarvið hjá ÍSF, har hon hevur arbeitt við breiddarítrótti, samsvarandi 2022-2026 strategiini hjá ÍSF. Ein av hesum verkætlanum er Skúlaleikir, sum hava slagorðið “felagsskapur og rørslugleði fyri øll”. 

Verkætlanin hevur koyrt seinastu tvey árini í 4, 5 og 6 flokki í skúlunum kring Føroyar, og afturmeldingarnar hava verið sera góðar. Í ár er verkætlanin víðkað við rørsluátakinum PULS á Glasi. Eydnast verkætlanin sum ætlað, fáa restina av miðnámsskúlunum boði at verða við næsta skúlaár. Afturat hesum er eisini ætlanin, at seta fokus á rørsluátøk innan dagstovnaøkið í nærmastu framtíð.

Katrin Dam á Neystabø umboðar eisini ÍSF í umráðandi barnaverkætlanini, sum Barna- og útbúgvingarmálaráðið, Heilsumálaráðið, Almanna- og mentamálaráðið, Løgmálaráðið og Kommunufelagið standa fyri.

Slóð til Skúlaleikir: https://skulaleikir.fo/
Slóð til rørsluátakið PULS: https://isf.fo/nytt-rorslukskeid-fyri-naemingum-a-glasi/

Ítróttarsamband Føroya

Týskvøldið hevði Bláa Bylgjan aðalfund og har gjørdist greitt at tað verður Thormundur Danielsen sum verður nýggjur formaðurin, eftir at Jaspur Jakobsen hevur verið formaður í nógv ár, vit takka Jaspur fyri eitt serstakliga gott arbeiðið fyri Bláu Bylgju.

Í nevndina komu, Kristian Mikkjalson, Høgni L. Poulsen, Tormundur Danielsen, Bjørg Jónsdóttir, Anni Absalonsen, Selma F. Danielsen og Eydna Festurstein.

Nýggja nevndin er longu farin til verka og gjørdi tey sítt til at KÍ fekk ein javnleik móti Sheriff Tiraspol í gjárskvøldið, har stemmingurin var í topp og tey flestu vóru blá og hvít. 

Her samrøða við nýggja formannin, sum Klaksvíkar Ítróttarfelag hevur tikið upp.

SáH

Nevnd og stjóri í Flogbóltssamband Føroya gjørdu herfyri av at seta Poulinu Øregaard Isaksen í starv sum skrivstovufólk og samskipara. Poulina byrjaði í starvinum hjá FBF mánadagin 14. august.

Hetta hendir í sambandi við, at Jana Jacobsen 1. september fer í annað starv. 

Poulina er úr Klaksvík. Síni ungdómsár leikti Poulina flogbólt við Mjølni og síðani við besta kvinnuliðnum, har hon gavst í 2012.

Tað verða so frameftir Ian Dam, stjóri, og Poulina, sum fara at hava dagliga virksemið hjá FBF um hendi.

Fyrstu stóru uppgávurnar verða at leggja allar lands- og steypakappingarnar til rættis, fáa gongd á flogbóltsskúlan aftur eftir summarsteðgin og at skipa NEVZA kappingarnar fyri U17 og U19 í oktober.

Flogbóltssamband Føroya

​KÍ skal møta tí sterkasta liðnum í fyrsta umfarinum og tað var Ferencvárosi TC úr Ungarn, teir høvdu hægsta styrkistal av øllum í hesum bólkinum.

KÍ fekk heimavøll fyrst og dysturin skal leikast 11. ella 12. juli.

Vit vóna tað best og koyr á KÍ.

SáH

​Hetta vikuskifti hevur Ægir luttikið til Juniormeistaraskapið og Føroyameistaraskapið á Langgeil, sum bleiv hildin í Pálshøll í Vági 16-18 juni 2023.
 
Tey, sum umboðaðu Ægir vóru hesi: 
- Heini Mohr Askham (2006)
- Durita Mohr Askham (2008)
- Líggjas Joensen (2008)
- Jonna Joensen (2005)
- Ragnhild Jacobsen (2008)
- Rebecca Jacobsen (2011)
- Róa Trygvadóttir (2008)
- Lea Osberg Højsted (2008)
- Lea Petersen (2009)

Ægir var mest vinnandi felag í kappingini um Juniormeistaraskapið við tilsamans 65 heiðursmerkjum - 42 gull, 17 silvur og 6 bronsu. Í kappingini um Føroyameistaraheitini bleiv Ægir nr. 2, og fingu tilsamans 39 heiðursmerkir - 13 gull, 16 silvur og 10 bronsu. 

Sostatt fingu okkara røsku og treystu svimjarar yvir 100 heiðursmerkir norð aftur við.
 
Harumframt setti Ægir stórt nýtt føroyskt Juniormet í 4x100 frí fyri mix-lið við tíðini 03.55.61. Undanfarna metið var 04.02.38, og átti Ægir eisini tað við somu manning frá Atlantic Open, apríl 2022. Tey sum svumu fyri Ægir vóru
Líggjas Joensen, Heini M. Askham, Lea O. Højsted og Róa Trygvadóttir. 

Nógv nýggj persónlig met vóru sett og Líggjas Joensen bleiv heiðraður fyri hægsta stigatal hjá monnum við 690 FINA stigum, og beint í hølinum á honum kom Heini M. Askham við 687 FINA stigum. 

Samanumtikið ein sera góð og væleydna kapping hjá Ægir.

Kelda og mynd: Ægir

Last days in Faroe Islands 

Unfortunately the pandemic 😷 had changed everything and everyone but I was lucky to have the opportunity to moved to Faroe Islands, which was a completely unknown place for me in that moment.

Throughout these three years I met wonderful people (volleyball players, managing director, volunteers, supporters). Thank you kindly to all of you 🤗

From now on, Faroe Island has a place in my heart ❤️ It was not only the country which made my transition from professional volleyball player to coach much more enjoyable and easier but also the place where I decided to finish my career (after more than 27 years) as a volleyball player.

I have the best memories from Faroes 🇫🇴

Now it’s time to move and take new challenges.

Thank you Mjølnir - Menn og kvinnur, and Flogbóltssamband Føroya to trust in my work and give me the freedom to work as I wanted.

And a big thank you to the big boss of Mjølnir, Jóhann Lützen, he was the person who made all of these possible

Gracias! Thank you! Takk fyri! 

Cristian Imhoff

Klaksvíkar Róðrarfelag er sera høgt flúgvandi í løtuni. Eftir at hava vunnið 5 sigrar á Norðoaystevnu, so gjørdi KRF ikki mætari enn at vinna 6 sigrar á Sundalagsstevnuni í Hósvík.

Tað er met, KRF hevur ongantíð fyrr vunnið so nógvar róðrar í somu stevnu.

Stórt móttøku var í Klaksvík, fyrst bleiv koyrt rekkjukoyring runt allan býin og so bjóðaði KRF øllum inn í snotuligu húsini á Biskupstø til heita suppu og annað gott.

Stórt tillukku og her filmsklipp og nakrar myndir, tá ið bátarnir komu aftur til Klaksvík og móttøkuni á Biskupstø.

SáH

​

Stórur dystur á Djúpumýru í dag. Kvinnurnar hjá okkum skulu leika fyrru semifinalu móti B36 klokkan 14:00.

Í tí sambandinum letur Maverick upp klokkan 14:00 og klokkan 15:00 spæla AB - ÍF í Betri deildini, so tað er bara at koma forbí Maverick og heppa okkara kvinnur til sigurs.

Koyr á KÍ.

​SáH