Í øllum førum tvey met manglaðu í rúgvuni, nú vit gjørdu upp aftaná FM á langgeil 2016. Nevniliga at tær fýra Signhild Joensen, Jana B. Thomsen, Barbara Debes og Ásbjørg Hjelm sunnudagin við tíðini var 4:06.78 settu føroyskt juniormet í 4x100 frí, afturat at HS kvinnur settu føroyskt met, og at tær fýra úr Ægir við tíðini 8:55.15 eisini settu juniormet leygardagin, afturat at tann tíðin var stórt føroyskt met.

Ægir kvinnurnar stóðu seg sera væl í FM á langgeil. Norðoya Portalurin ynskir teimum hjartaliga tillukku.

Kelda: www.svimjing.com

SáH

Signhild kláraði akkurát at sláa føroyska juniormeti við 0,04 sek. í FM í Vági fríggjadagin. Sighild vann við tíðini 30.64, gamla metið átti Birita Debes við tíðini 30.68 og var tað metið 6 ára gamalt. Nummar tvey gjørdist Barbara Debes frá Ægir og nummar trý Maria Antoft frá Havnar Svimjifelag. ​Stórt tillukku.

SáH

Maverick Barr og Bláa Bylgjan hava endurnýggjað samstarvsavtaluna. Hetta hendi áðrenn dystin ímillum KÍ - NSÍ sunnudagin. 

Tað vóru teir báðir, Martin formaðurin í Bláa Bylgju og dagligu leiðarin í Maverick og Grilluni hjá Símun, Símun á Høvdanum, sum skrivaði undir avtaluna.

Avtalan er sera góð fyri fjepparnir hjá KÍ.  Til landskappingar dyst og dyst í steypakappingini fáa gjaldandi limir hjá Bláu Bylgjuni góð tilboð frá Maverick, við at vísa limakort fram, frá tveimum tímum áðrenn dystar byrjan og fram til ein tíma eftir, at dysturin er liðugur.

Sjálv avtalan er óbroytt í mun til avtaluna í 2015.

Nú er at vóna at KÍ ferð at klára seg væl, okkara partur, Maverick Barr, Grillin hjá Símun og Bláa Bylgjan skal ikki liggja eftir. Vit skulu gera akkara allerbesta, at stuðla okkara monnum og kvinnum.

Grønland ger um seg í Artic Winter Games 2016 - har tey eru vertir í løtuni í Nuuk og hava vunnið heili 81 medaljur.

Og tað eru 18 fleiri medaljur enn Fairbanks vann fyri tveimum árum síðani, veit KNR at siga frá.

Norðoya Portalur fer at skriva lítlar tíðindastubbar úr Grønlandi, Íslandi, Noregi, Danmark og aðrastaðnis - og fer hetta at vera nakað, sum fer at gera okkara portal nógv meiri fjølbroyttan.

Les meira um Artic Winter Games HER

JáH (y) 15.03.2016
Kelda: KNR

Alvi Hjelm vann sannførandi 100 metur rygg í føroyameistaraskapinum í Vági leygardagin. Hann var meira enn 4 sekund frammanfyri nummar tvey og vann við tíðini 1.01.69.

Tillukku við FM heitinum Alvi.

Her nakrar myndir.

​SáH

Heilt óvæntað vann Signhild Joensen í 100 metur rygg og hon gjørdi tað við manér í Pálshøll leygardagin. Hon fekk eina knasandi góða tíð og  hon settið eisini flott føroyskt met við tíðini 1:04:67 og tók næstan eitt sekund av gamla metinum,

Hjartaliga tillukku við føroyameistaraheitinum og føroyska metinum.

Her filmsklipp, har KVF tosar við Signhild Joensen, sjá filmsklipp herundir, klikk mynd:

SáH

Tað gjørdust SÍ dreingir 16, sum blivu Føroyameistarar eftir sigur á Fleyr.

Fyrsta setið vann SÍ 25 – 19, meðan annað settið gjørdist munandi javnari. Fleyr førdi móti endanum 23-21, men SÍ kempaði seg inn í dystin aftur, og liðini skiftust um at vera frammanfyri, til SÍ at enda dróg longra stráðið og vann settið 33-31. Eitt spennandi og vælleikt sett av báðum pørtum. 

Seinasta settið endaði 25 – 20 til SÍ, og harvið gjørdist SÍ í dreingjum 16 føroyameistari.

Kelda: www.fbf.fo

SáH

Komandi vikuskifti verður FøroyaMeistarastevnan á langgeil 2016 hildin í Pálshøll í Vági, sum er fyrsta FøroyaMeistarastevna nakrantíð í 50 metra langum svimjihyli. Tað sum eisini verður kallað fyri olympisk stødd.

Suðuroyingar hava veruliga spílað seg út, so at Pálshøll skuldi verða klár til hesa fyrstu meistarastevnu. Neyðugt var at keypa 12 nýggjar eltíðtakingarplátur umframt 2 at hava eyka, fyri tilsamans 300.000 krónur sum Suðuroyar Svimjifelag fekk góðar stuðlar at keypa. Hetta tí at tær gomlu vóru ov smalar til nýggju standard-breiddina sum Pálshøll hevur.

Afturat hesum hevur serliga nýggja svimjinevndin hjá Svimjisambandinum verið íðin, at fyrireika stevnuna so væl sum gjørligt, til at taka seg væl út í nýggju umstøðunum í Vági.

Tíðarætlanin er hendan:
Fríggjadag 11. mars - Innleiðandi riðlar frá kl 09:30 og finalur frá kl 16:30
Leygardag  12. mars - Innleiðandi riðlar frá kl 09:30 og finalur frá kl 16:30
Sunnudag   13. mars - Innleiðandi riðlar frá kl 08:30 og finalur frá kl 14:00

Startlistar og beinleiðis úrslit fara at kunna síggjast her á livetiming.se:
http://www.livetiming.se/index.php?cid=2737

Tíverri fær Pál Joensen ikki luttikið á hesi fyrstu føroyameistarastevnu á langgeil, av tí at hann sama vikuskifti skal luttaka á Edinburgh International 2016 í Skotlandi, sum liður í fyrireikingini til kvalifikatión og vónandi luttøku á Olympisku Leikum í Rio de Janeiro.

Men har verða nógvir aðrir áhugaverdir svimjarar á stevnuni, so sum lokala stjørnuskotið Sára Ryggshamar Nysted, ið væl møguligt kundi funnið uppá at sett okkurt føroyskt met, sum einstaklingur ella saman við sínum liði.

Stevnan er eftir ætlan eisini úttøkastevna til EM í London, sum verður í mai mánaða.

Kelda: www.svimjing.com

SáH

Evropeiska svimjisambandið LEN váttaði í telduposti til Svimjisamband Føroya og restina av evropeisku svimjitjóðunum í gjár, at Dann Hjelm er úttikin sum dómari til Evropeisku Meistarastevnuni í svimjing 2016, sum verður í London frá 16. til 22. mai. Hetta eftir at Svimjisambandið hevði nominerað hann til uppgávuna.

Hetta verður størsta uppgávan hjá Dann sum altjóða dómari, eftir at hann hevur dømt eisini á Norðurlendsku JuniorMeistarastevnuni og Meistarastevnuni í Føroyum, á Norðurlendsku Meistarastevuni fyri Masters,  á Evropeisku Meistarastevnuni á stuttgeil í Herning 2013, og á Evropeisku Leikum / Evropeisku JuniorMeistarastevnuni  í Baku 2015.

EM 2016 verður í stórsligna London Aquatics Centre í Queen Elizabeth Olympic Park, har svimjistevnan á OL í London 2012 eisini varð hildin, klikk link her ella á myndina herundir: Sí euroaquatics2016.london

Kelda: Svimjing.com

​SáH