Klaksvíkar Sjónleikarafelag bjóðar tær vælkomin til satiru fyri allar pengarnir - har tú kemur at krympa tær í eina góða tíma.

Showið "Buldralig Jól" minnir um tað góða gamla Norðoyastevnu Teitið, sum norðoyingar kenna seg gott - bara hetta showið er eitt sindur frekari enn Norðoyastevnu Teitið.

Síðsta bar showið navni Syndarlig Jól og varð tað sera væl móttikið og varð tað útselt uppá sera stutta tíð, sum vit eisini rokna við, at hetta showið verður.

Tað verður borðreitt við sangi, skemti og gaman, har høvuðsendamálið er at tú kemur at hugna tær saman við nógvum góðum fólki.

Vit gleða okkum at síggja teg og vit skula minna teg á, at tað er avmarkað atgongd til showið - so tað er skunda sær at keypa billett á www.atgongumerki.fo

JáH (y) 28.11.2017

Herfyri skipaði frítíðarskúlin Snjallabjalla fyri teknikapping. Vinnandi tekningin fer at myndprýða jólakortini hjá kommununi í ár, og allar tekningarnar hanga nú uppi í Býráðshúsinum.

Tá ið Klaksvíkar kommuna í ár sendir út jólakort til starvsfólk og onnur, verður tað við jólatekning úr Snjallubjallu sum myndprýði. Herfyri skipaði frítíðarskúlin nevniliga fyri teknikapping, og vinnarin gjørdist Elisabeth Jacobsen, sum gongur í 2.A á Skúlatrøð. 

Kommunan hevur í hesum sambandi gjørt av at brúka tekningina hjá Elisabeth at myndprýða tey á leið 500 jólakortini, sum Klaksvíkar kommuna sendir út í desember, og í samband við avdúkingina lat Snjallabjalla eisini Elisabeth eina gávu, sum var ein tekniblokkur og ein breið vifta av litblýantum. 

Allar tekningarnar úr Snjallubjallu eru nú komnar upp at hanga í Býráðshúsinum á Nólsoyar Pálsgøtu, so har kunnu øll koma framvið og síggja allar tekningarnar.

Klaksvíkar kommuna takkar frítíðarskúlanum fyri allar tekningarnar og ynskir Elisabeth hjartaliga til lukku.

Kelda: www.klaksvik.fo

​SáH

Fyrr í hesum mánaðinum hevur P.B. Consult sent øllum kunoyingum eitt bræv, at arbeiðið uppá Kunoyar tunnil ikki verður liðugt fyrr enn umleið 15. januar 2018.

J & K Petersen byrjaði at arbeiða uppá Kunoyar Tunnil fyrst í juli mánað og ymiskir trupuleikar hava eisini verið á vegnum, tá teir hava arbeitt uppá tunnilin - eitt nú kann nevnast hørð hella og trupuleikar við veitan av tilfari, sum J & K Petersen nú hevur fingið greiðu á.

Í brævinum skrivar P.B. Consult eisini, at íbúgvarnir úr Kunoy hava verið sera tolnir - tí sleppast kann ikki undan nógvum órógvi, tá slík stór arbeiði skal gerast. Tað verður annars framvegis koyrandi ímillum Kunoyar Tunnil sunnukvøld - hóskvøld kl. 22 - Kl. 06.00, har tað er møguligt at koyra ímillum Kl. 24.00, 02.00 og Kl. 04.00.

Tá ið arbeiðið hjá P.B. Consult er liðugt umleið tann 15. januar - skal asvalterast og nýggj endurskin setast upp, men slíkt arbeiðið plagar ikki at taka so langa tíð.

JáH (y) 26.11.2017

Bíðitíðin fyri ein "hvalbing" er 13 - 15 mánaðir í Noregi, veit BT at siga frá.

Og tað er dupult so leingi at bíða í Svøríki, har ein triðingur velur at gjalda fyri privatan skurð.

Um tað er bíðitíð eisini í Føroyum - vita vit ikki á Norðoya Portali - men vit vita, at fleiri fólk, sum hava fingið sær ein "hvalbing" hava fingið trupuleikar við tí og hava ilt við at fóta sær eftir ein slíkan skurð.

Trupuleikin kann standast av, at fólkini ikki fylgja við ráðunum frá skurðlæknunum, sum siga at tú einans kanst eta ein fingurbolla eftir skurðin. Og etur tú meira enn ráðiligt er eftir skurðin, so kann hetta fáa lívshættisligar fylgir fyri teg.

JáH (y) 26.11.2017

So er Würth kaldendarin fyri 2018 komin. Her kunnu tit síggja hann, klikk her "Wurt 2018"


Niðanfyri síggja tit hvussu kalendarin verður gjørdir, sjá filmsklipp herundir.

Kultleiðarin Charles Manson er deyður. Hann doyði sunnudagin 83 ára gamal og er mest kendur fyri Tate/LaBianca morðini, sum hann fekk sínar kultfjepparar at fremja í 1969.

Les eisini: Søgan um Charles Manson

Sjálvur vildi Charles Manson ongantíð ganga við til, at hann hevði dripið nakran sum helst. 

JáH (y) 21.11.2017

Í kuldanum í morgun varð brúgvin sett upp tvørturum áarmunnan, har Ósáin rennur út á Vágna.

Stórar broytingar síggjast í hvørjum í miðbýarøkinum, tí nógv ferð er á byggingini og nógvar verkætlanir hittast í økinum fyri tíðina. 

Íbúðarbyggingin nærkast alsamt málinum, og íbúðirnar á Biskupstorgi verða lyklaklárar tíðliga í komandi ári. Brúgvin sambindir júst íbúðarøkið við økið eystanfyri ánna og er partur av heildini, sum skal gera miðbýin gonguvinarligan og hugnaligan.

Harafturat verður pumpihúsið til sjóhitaskipanina bygt vestanfyri íbúðarbygningin, har vekslarin til sjóhitan verður staðsettur. Pumpihúsið verður bygt í fleiri hæddum og gevur sostatt fjølbroyttar nýtslumøguleikar í miðbýarhjartanum í framtíðini.

Sjálv sjóhitaskipanin er eisini á trappuni, í løtuni verður grivið fyri at sambinda rørini millum kappróðrarneystið og Betesda við pumpuhúsið, har sjógvurin skal takast inn í vekslaran. Sjóhitaskipanin verður klár til nýtslu umleið somu tíð sum íbúðirnar verða lidnar á Biskupstorgi, og sostatt koma fleiri miðbýarverkætlanir á mál innanfyri komandi mánaðarnar, umframt at fleiri aðrar eru í gongd og ávegis.

Kelda: www.klaksvik.fo

​SáH

Í myrku tíðunum koma endurskin væl við, og tí fáa tey ferðandi við bussleiðini í hesum døgum ókeypis endurskin frá kommununi.

Nógv børn ferðast í og úr skúla við bussleiðini, og hesa ársins tíð er ofta myrkt, tá ið tey ganga til og frá bussinum. Tí kunnu tey nú fáa endurskin frá bussføraranum fyri at betra um ferðslutrygdina. 

Endurskinini liggja somuleiðis frammi í Miðlan saman við koyriætlanini fyri kommunalu bussleiðina.

​Her koyriplanin, klikk her "Koyriætlan"

Kelda: www.klaksvik.fo

SáH

Triðja árið á rað bjóðar Klaksvíkar kommuna øllum vælkomnum á Norðurjól - eitt uttandura tiltak fyri alla familjuna, har jólahugnin er í hásæti.

Tiltakið verður í Vágstúni og kring jólatræið í Klaksvík leygardagin 2. desember frá kl. 10.00- 17.00. Á skránni verður livandi tónleikur, undirhald til børn og vaksin, forkunnugar sølubúðir, piparkøkuhúsakapping og jólabitar úr heimsins heraðshornum. 

Sølubásarnir bjóða sniðgivnar vørur, føroyska framleiðslu og serstakar vørur úr Norðoyggjum. Eisini verður heit súpan, nýkókaðar kleynur og annað gott at fáa. 

Á pallinum verður kórsangur og ymiskar framførslur – eitt nú frá Hans Andrias og Bubu, sum sjálvsagt verður í jólahýri. 

Jólatræið verður tendrað kl. 15.30, og tá spælir Klaksvíkar Hornorkestur. 

Tá ið jólatræið er tendrað, trínur Hallur Joensen á pall við við eini serstakari jólaframførslu.

Myndaboks er við, so góður møguleiki er at ogna sær eina jólamynd saman við familju, vinum, makanum osfr. 

Piparkøkuhúsakappingin, sum fyrstu ferð varð hildin í samband við Norðurjól í fjør, eydnaðist so væl, at hon verður endurtikin í ár. 

Skrá og nærri kunning um piparkøkuhúsakappingina kemur seinni.

Kelda: www.klaksvik.fo

​SáH

​Koalitionen mod ISIL er ved at have overtaget. Strategiske byer er blevet fravristet ISIL’s jerngreb, så hverdagen kan vende tilbage for de hårdt prøvede indbyggere. I Irak er mere end 95 % af det samlede område, som ISIL tidligere har kontrolleret, nu befriet.
Danmark har hele vejen ydet markante bidrag til at nedkæmpe terrororganisationen. Både med folk på jorden og F-16-kampfly i luften. Jeg har ved selvsyn oplevet den professionelle indsats, vores udsendte har ydet hver eneste dag. Det aftvinger stor respekt.
Regeringen vil imødekomme en anmodning fra den amerikanske forsvarsminister om yderligere bidrag og sende 30 soldater, 12 lægefaglige personer og et C-130 transportfly til Irak. Regeringen vil snart fremsætte et beslutningsforslag, som jeg håber, at et bredt flertal i Folketinget vil bakke op om.
Samtidig skal der lyde en dyb tak til alle vores udsendte i uniform, der hver dag siger ja til at kæmpe for vores fred, frihed og fælles sikkerhed langt fra familie og venner i Danmark. I gør Danmark ære!

Kelda: Facebook, Lars Løkke Rasmussen