Í sambandi við, at Anna Danielsen hevur starvast sum dagrøktari hjá Klaksvíkar kommunu í 25 ár, varð mikukvøldið 23. august skipað fyri hátíðarløtu í spælistovuni hjá dagrøktarskipanini.

Sanna Brandal, virkandi dagrøktarleiðari bar fram ein heilsan til Annu og handaði henni gávubræv og eitt blómutyssi frá kommununi.

​Anna hevur starvast í tveimum umførum sum dagrøktari, tað fyrra skeiðið var frá 1986-1992, og tað seinna frá 1997-2017. Fyrst í 90’unum vóru tíðrnar ikki so góðar, tá vóru fá børn vóru í dagrøktarskipanini, og tí boðaði Anna dagrøktarleiðarinum frá, at hon ynskti at halda ein steðg sum dagrøktari. Seinni í 90’unum gjørdust tíðirnar betri og stórur tørvur gjørdist á dagrøktarum. Tá vendi Anna sær aftur til dagrøktarskipanina og meldaði seg kláran aftur, hetta var í 1997.

Nógv er broytt, hesa tíðina Anna hevur verið dagrøktari. Fyrstu árini vóru børnini í aldrinum 0-7 ár. Tá skuldu dagrøktaranir gera døgurða til børnini og sjálvir fara oman á kommununa eftir blæðum til børnini. Í dag eru børnini í dagrøktarskipanini í aldrinum 0-3 ár, og tey hava blæður og matpakka við, tá tey koma í dagrøkt.

Anna er umsorganarfull, arbeiðssom, álítandi og hevur eitt lætt lyndi. Við hesum eginleikunum megnar Anna á sín serstaka hátt at fáa dagrøktarbørnini at fella til, trívast og mennast, samstundis sum foreldrini kenna seg trygg og samstarvið teirra millum gongst væl. Anna er eisini ein avbera góður starvsfelagi.
Anna Danielsen hevur hesi 25 árini havt umleið 70 børn í dagrøkt. Til stuttleika kann nevnast, at hetta talið svarar til ein miðalstóran dagstovn.

Dagrøktarskipanin takkar Annu fyri trúgva og góða tænastu í 25 ár, við vón um framhaldandi gott samstarv.

Kelda: www.klaksvik.fo

SáH

Pokerkappingin hjá Pokerstars heldur áframm í Barcelona og nú eru einans 9 persónar eftir, sum uppá núverandi tíðspunkt eru farnir á ein døgurðasteðg.

Fylg við kappingini á Youtube HER

Hassadi Midjord úr Haraldsundi spældi seg til nummar 82 av 1682 spælarum og fór avstað við einum vinningi uppá góðar 116.000,00 krónir. 

Fyri at vita, hvat hvør einstakur Poker spælari hevur fingið úr kappingini - trýst HER

So er ein lítil steðgur í Barcelona, so at Poker spælaranir kunna fáa sær okkurt til matna - fyri síðan at fara í kríggj aftur.

Okkara Hassadi Midjord stendur væl í tí, sum tit eisini síggja á stigatalvuni niðanfyri - og er hann ímillum favorittarnir hjá vertunum í Poker Stars.

JáH (y) 24.08.2017

Tað koyrir bara hjá Hassadi Midjord - nú einans 149 persónar eru eftir og er bunkin hjá Hassadi yvir 400.000, sum er sera gott - nú tað fyri alvor byrjar at minkað í Barcelona.

Pokerstars puljan úr Barcelona verður annars soleiðis deild út ímillum teir írestandi spælarnir:

1 €1,410,000 (10,4 milliónir krónir)
2 €790,500
3 €554,000
4 €402,000
5 €317,960
6 €252,000

Her fleiri myndir frá Sjóammadøgunum 2017. Sjá niðanfyri:

SáH

Niðanfyri myndir frá leygardegnum á Sjómannadegnum 2017.

Myndatakari Símun á Høvdanum, sjá myndir niðanfyri.

Børnini skulu sjálvi hava tráðu við. Agn verður útflýggjað á bryggjuni.

Silvi vitjar og børn og vaksin fáa kakao, sunkist og góðgæti.

Vinnararnir av sjálvari fiskikappingini verða heiðraðir á stórapalli á Sjómannadegnum leygardagin 20. august.

Tilmelding til fiskikapping og vatnkríggj, er í deildunum hjá Norðoya Sparikassa í Klaksvík. 

​Seinasta freist at melda til er fríggjadagin 19. august kl. 15:00.

Nógv fólk sova alt ov lítið, og tað kann hava álvarsligar avleiðingar
​
Annbjørg á Høvdanum er sálarfrøðingur, og er í holt við sína Phd. um møði, og hvussu hon árvirkar kognitivu funksjónirnar. Hon sigur, at ov lítil svøvnur kann hava álvarsligar avleiðingar.

Hoyr samrøðuna við Annbjørg á Høvdanum HER

JáH (y) 04.08.2017
Kelda: KVF

Fýra verkætlanir hava fingið stuðul til tiltøk, ið skulu stimbra málmenningina hjá børnum. Hetta er evnið, sum Rigmor Dam, landsstýriskvinna í mentamálum, hevur valt at raðfesta av veddingarpengunum í ár og ætlandi eisini komandi ár.

Tær fýra umsóknirnar, sum hava fingið játtandi svar í hesum umsóknarumfari, eru:

Námsvísindadeildin v/ Sjúrð Juul Ravnsfjall: “Forrita á og við teldlum”. (120 tús. kr.)
Talan er um at menna eitt tilboð, har ið farið verður út á skúlar og frítíðartilboð til børn og ung fyri at forrita á og við teldlum.

Føroyska Bíbliufelagið v/ Gunnar K. Nattestad: Nýggja testamenti á gerandisføroyskum. (100 tús. kr.)
Endamálið hjá Bíbliufelagnum við at geva út eitt nýggja testamenti á gerandisføroyskum er fyri fyrstu ferð nakrantíð at geva okkara børnum og ungu eitt nýggjatestamenti úr grundmálinum, sum er orðað júst til teirra, so tey møta Bíbliuni í eygnahædd.

Sundsá v/ Turið Bærentsen úr Konoy: Telduspøl og appir. (90 tús. kr.)
Turið Bærentsen úr Konoy fer at gera telduspøl og appir, ið kunnu menna føroyska málið hjá børnum og ungum í øllum aldri.

Sissal Maria Rasmussen: Foreldrafrágreiðingar um málmenning. (75 tús. kr.)
Foreldrafrágreiðingar um málmenning hjá børnum skulu gerast tøkar fyri almenninginum. Ein foreldrafrágreiðing er eitt spurnarskjal til foreldur um, hvørji orð børn duga. Hetta er eitt háttalag at meta um orðfeingi hjá børnum. Orðfeingi er partur av málmenning hjá børnum, sum hevur stóran týdning innan mál- og lesimenning.

Mentamálaráðið umsitur veddingarpengarnar til verkætlanir til gagns fyri børn og ung innan mentan og list í breiðari merking, upplýsing og fyribyrging, íverksetan og annað, ið hevur týdning fyri menningina hjá børnum. Veddingarpuljan er á 3 mió. kr. í ár, og higartil hava 43 umsóknir fingið stuðul til verkætlanir av ymsum slag. Hesar eru at finna á www.mmr.fo undir “Børn og ung - stuðul”.

Mentamálaráðið lýsir í løtuni eitt eyka stuðulsumfar á 600.000 krónur til barna- og ungdómsarbeiði við høvuðsdenti á málmenning hjá børnum. Freistin at søkja er 20. august 2017. Sí www.mmr.fo.