Norðoya Portalurin vil við hesum ynskja tykkum øllum eini Gleðilig Jól og eitt Eydnuberandi Nýggjár - við tøkk fyri tað brátt farna.

Vit hava ment bæði Norðoya Portal og eisini er News.fo blivin ein partur av okkara portali. 

Framtíðin hevur sera nógv spennandi at bjóða uppá - og eftirsum vit einans eru tveir, sum stýra Norðoya Portal - so verður hetta bæði ein mennandi & spennandi tíð fyri framman. Undirritaði fer aftur til Londons at læra, men mangar eru løturnar - har skrivað verður greinar fyri bæði Norðoya Portal og News.fo. Hetta verður í hvørtfall spennandi - tí um skamma stund, so skal Løgtingsval vera aftur og tá verða tað ivaleyst nógvar politiskar meiningar, sum skula finna vegin framm í okkara lítla & lokala portali.

Vit eru til dystin fús og gleða okkum til eitt nýtt spennandi ár í 2019, folkens - so tað er bara at fylgja við.

JáH (y) 24.12.2018
- Skrivari á Norðoya Portali

Sjálvt um Jólini kunna virka sera hugnalig - har pør ganga hond í hond og virka so forelskaði, so er tað júst Jólamánaðin, sum hevur skuldina av - at flest pør velja, at fara frá hvørjum øðrum.

Ein kanning vísur á at tað jólini taka dygt uppá hjúnarbandi, tí í veruleikanum - so eru jólini sera stressandi fyri pør og serliga um tað eru børn uppi í leikinum eisini.

Har verður skeldað út frá báðum pørtum og mamman heldur, at pápin ger ov lítið og pápin heldur, at mamman ger alt ov nógv av. Peningur, sum ein ikki eigur - verður fýrdur av álíkavæl og tað er ein endaleys træta, sum ger tað - at Jólaaftan er sum so og kanska bleiv gjørt ov nógv av báðum pørtum. Kanska og bara kanska - burdi báðir partarnir slappa eitt sindur meiri av og hugsa um, at eftir jól - so kemur sku' januar.

Les meira um grundgevingar HER

Og tá ið so jólini eru liðug - so er tað nýggja árið, sum skal byrjast og hvat er betri at byrja eitt nýtt ár við einum skilnaði ..? Tað følist rætt, at tað skal vera januar - har tú velur at geva makanum sekkin og tú kanst byrja uppá eitt nýtt ár heilt fyri teg sjálvan.

​JáH (y) 23.12.2018

TMZ og Deadline vita at siga frá, at tey møguliga fara í holt við Beverly Hills 90210 aftur við teim orginalu limunum frá vælumtóktu røðini frá 90'unum - sum forrestin undirritaði fylgdi væl við á sinni. Røðin vardi í heili 10 ár - og hevði 293 partar eftir sær.

​Les eisini grein frá 2014 her: Beverly Hills 90210: Hvar eru tey í dag ?!?

Fimm av stjørnunum frá røðini, Jennie Garth, Tori Spelling, Ian Ziering, Brian Austin Green og Jason Priestley vóru nevniliga og ótu saman í Sunset Boulevard í Hollywood - har sagt verður frá, at tey vóru til forhandlingar av einari nýggjari versión av røðini.

Men hvat røðin so skuldi handla um - er so ein annar spurningur. Eru tey nú blivin vaksin og foreldur, har tey síðani fara at minnast á góðar gamlar dagar ..? Ella hvussu fer Hollywood, at megna at oyðileggja tey góðu tannáringa-minnir man nú einaferð hevði ..?

JáH (y) 23.12.2018

Desembur mánaður er fyri nógv ein hugnaligur mánaður við jólum, nýggjári og ikki minst øllum veitslunum, konsertunum o.ø., ið fólk fara til.

Spyrt tú ungdómin, so siga nógv, at 2. jólakvøld er størsta ballingarkvøld í árinum. Tað er feria, og fólk vilja hugna sær við at fara ein túr í býin, hava tað stuttligt og møta vinum og kenningum. Afturat hesum veitslukvøldinum eru ofta fleiri jólaborðhald og so sjálvandi nýggjárið. Desembur mánaður er tí ein mánaður, har nógv verið drukkið, tí nógv er at feira. Tí hevur tað týdning, at tú sum foreldur tosar við títt barn um rúsdrekka og rúsevnir.

5 góð ráð

1. Hvat heldur tú?

Hugsa um tínar meiningar og hugburð til rúsdrekka og rúsevnir. Besta fyribyrgingin fyri at ung ikki koma illa fyri orsakað av rúsdrekka er, at foreldur hava greiðar meiningar og greinsur, og at tað verður tosað við ungdómin um hetta í einum jaligum og opnum samskifti. Tað finnast nógvar ymiskar fatanir av, hvat tað besta er at gera, og tað kann vera torført at vita, hvat er tað rætta. Her kanst tú lesa um ymsar meiningar, ið ofta vera hoyrdar í samfelagnum, og hvat gransking sigur: https://www.livlivid.fo/foreldur/mytir_um_rus/

2. Samtalan

Tosa við tann unga um rúsdrekka og rúsevnir, og um hvørjar meiningar tú hevur, og reglur tú setur. Spyr tann unga um hansara ella hennara upplivingar, og hvat tey halda, men ver greiður í, hvar tú stendur. Tað hevur týdning, at tey kenna seg hoyrd og vird. Til eina tílíka samtalu hevur tað týdning, at tú fyrireikar teg til spurningar, ið møguliga kunnu koma. Les meira her: https://www.livlivid.fo/foreldur/ung-og-rusur/

3. Avtalur

Ger avtalur við tann unga. Góðar avtalur eru t.d. eitt tíðspunkt nær tey skulu vera heima; at tey kunnu ringja, um eitthvørt er; ringja fyri at vera avheintaði; siga frá, um ballið flytur stað; ringja, um tey gerast ov full, o.s.fr. Her kanst tú lesa hent ráð, um hvat tú kanst gera:
https://www.livlivid.fo/foreldur/hvat-kann-eg-gera/

4. Um tey fara í býin

Um tann ungi hevur avgjørt at fara í býin, hevur tað týdning at tosa við tey um nøgdirnar, ið
tey drekka og at minna tey á at drekka vatn.

5. “Ansið eftir”

Vegleið tey ungu at ansa eftir sær sjálvum og hvørjum øðrum, og ikki at fara frá drykkinum. Tað hava verið nakrar sakir í ár, har fólk hava upplivað, at teirra drykkur er blivin spike’aður (útalaðast speikaður), t.v.s. at onkur hevur koyrt okkurt rúsevni í. Hetta kann vera sera vandamikið, tí tú veit ikki hvat evnið er, og tí ikki hvørja ávirkan tað hevur. Um tú ivast, um tú hevur drukkið okkurt, ið var spike’a, so hevur tað týdning, at tú kemur undir læknahond og samstundis boðar løgregluni frá, hvat er hent, og at tú heldur, at onkur hevur koyrt okkurt í drykkin hjá tær. Tað hevur týdning, at boða løgregluni frá, so at røttu royndirnar kunnu verða tiknar, ið kunnu nýtast, um málið verður meldað.

Nógv rúsevnir í Føroyum í løtuni

Sambært løgregluni eru í løtuni nógv rúsevnir á marknaðinum og tí er tað lætt at fáa fatur á
– serliga er nógv av hasj og frímerkjum (LSD). Frímerkini kunnu síggja so óskyldug út, men
kunnu hava sterka og vandamikla ávirkan. Løgreglan veit at siga, at ung eksperimentera við
hesum evninum og fáa vinir at halda vakt, so onkur er at ringja 112, um tað gongur galið.
Um tú googlar LSD frimærker kanst tú síggja, hvussu tey síggja út.
Um tú ivast í, um títt barn ella um ein vinur tekur rúsevnir, so kanst tú lesa um hvørji
eyðkennir eru her: https://www.datung.fo/alarmklokkur/hvorjum-teknum-skal-eg-hava-
eyga-vid/.

JáH (y) 23.12.2018
Kelda: Blái Krossur Føroyar

Tað er mong, sum eru kristin, ið meta - at tað er náttin ímillum 24. desember og 25. desember - at Jesus bleiv føddur. Vit í Føroyum hava Jólaaftan tann 24. desember og 1. Jóladag tann 25. desember.

Men er tað nú veruliga soleiðis ..? Søgufrøðingar meta nevniliga - at tað finst onki dato í Bíblini, sum sigur frá, nær Jesus veruliga er føddur. Illustreret Videnskab skrivar eisini eina grein um tað HER

Les meira um tað HER - har DR gjørdi eina gransking um sama evni í 2015.

Tað eru nevniliga ongar nágreiniligar meiningar frá teim serkønu, sum veruliga kunna staðfesta, at Jesus bleiv føddur tann 25. desember, tí tað bleiv nemiliga ikki kannað nærri NÆR Jesus bleiv føddur fyrr enn 70 ár seinni, at hann bleiv føddur og tað eru somikið nógvar meiningar um NÆR tað skuldi vera, at Jesus saktans kundi verið føddur hvønn mánað í árinum.

Men hatta varð nú bert fyri at seta tankarnir hjá tykkum í sving - at tað bleiv kannað eitt sindur nærri NÆR Jesus veruliga varð føddur, tí hattar er sikkurt ein spurningur, sum vit í dag IKKI fáa nakað nærri at vita um og tískil so er tað sikkurt eisini fínasta slag, at hann bleiv føddur tann 24. desember.

Ak ja - vit eru í Jólahýri, so lat okkum bara siga tað: Gleðilig Jól, tit ... og tillukku til tín, Jesus (also tá tú einaferð hevur føðingardag).

JáH (y) 22.12.2018
Kelda: DR.dk

Í farni viku komu svar uppá fleiri umsóknir um stuðul frá ES-skránni Horizon 2020. Í hesum umfarinum varð stuðul játtaður til tvær verkætlanir við føroyskari luttøku.

Onnur játtanin er latin frá skránni, kallað SME Instrument fasa 1, til eina fyritøku. Játtanin er uppá 50.000 evrur, sum svarar til góðar 370.000 kr.

Hin játtanin er væl størri, til eina verkætlan kallað AquaVitae.

Les meira HER

JáH (y) 19.12.2018
Kelda: Gransking.fo

​Fríggjadagin 14. desember vardi Hans Jákup Jacobsen ph.d.-ritgerð sína um enzymviðgerð av laksafóðri við Universitetet i Bergen. Ritgerðin kallast: ”Development and application of solid state fermentation enzymes in soy-based Atlantic salmon feeds”.

Talan er um eina vinnu ph.d.-verkætlan. Hans Jákup Jacobsen hevur arbeitt á fyritøkuni Alltech og hevur verið innskrivaður á Universitetet i Bergen. Arbeiðið er gjørt í samstarvi við Nofima.

Les meira HER

JáH (y) 19.12.2018
Kelda: Gransking.fo

Jólini nærkast í hvørjum og tað eru ivaleyst nøkur, sum ynskja jólini har pipari grør - ímeðan tað eru onnur, sum simpulten ikki kunna fáa nokk av jólum.

Men er so ein video gjørd til tín yvir 10 ymisk fakta, sum tú ivaleyst IKKI visti um jólini.

Perfekt til tín, sum ætlar sær á Jólaquizz í onkrari lokalari barr í Føroyum.

JáH (y) 14.12.2018

223 túsund menniskjur fylgja henni á Instagram og hon er populer ímillum serliga mannfólk. Men hóast tað - so fær henda spanska modellin deyðshóttarnir nærum dagliga frá serliga kvinnum - grundað av hennara nátúrligu útsjónd.

35 ára gamla Jessica Gonzales Garcia frá Madrid er vorðin heimskend - grundað av hennara stóru formum, sum prýtt hava mong mannfólkabløð í Spania.

Men hon hevur ikki altíð hava tað so nemt. Hon fekk nevniliga skisofreni, tá ið 21 ára gamla systir hennara doyði av lungakrabba í apríl 2012. Og tað tók henni mong ár, at koma yvir lagnuni hjá hennara systir:

- Eg eri blivin hótt fleiri ferðir við lívinum og onkuntíð, so havi eg veruliga verið bangin. Men beint nú so føli eg meg sterka og eri ikki bangin.

Ringasta viðmerking eg havi fingið um mína nátúrligu útstjónd er, at eg burdi verið deyð líkasum systir mín. Eg haldi, at tann sosiala median kann vera ræðulig til tíðir, segði Garcia við tíðarritið Media Drum World.

Jessica Gonzales Garcia, sum í dag er singul (tí hon er troytt av eks. sjeikum fullir av øvundsjúku) - er farin í filmsheimin at royna seg og skal eitt nú spæla við hennara debut filmi Abashed, sum hon vónir fer at seta eitt meiri jaligt fokus á kvinnur við stórum formum.

Fylg við henni á Instagram her: www.instagram.com/jessicagonzalezoficcial

JáH (y) 14.12.2018