- Eg var 26 ár og yngsti maður í “reiðarínum”, tá eg byrjaði í 1975, og nú eri eg 67 ár og elstur maður í reiðarínum, tað sigur Ellintur Abrahamsen, skiparin á vaktar – og bjargingarskipinum Tjaldrinum.
Í 1975 byrjaði hann við Dagstjørnuni, sum tá var vaktarskip. Skipið hoyrdi undir Strandferðsluni, tí stovnurin “Vaktar- og Bjargingartænastan”, sum nú kallast Vørn, var ikki til tá.
So fór hann við Ólavi Halga og hevur so síðstu mongu árini siglt við Tjaldrinum.
Ellintur hevur eisini siglt við avloysaraskipunum Nim og Gorm, sum Vaktartænastan leiðaði.
- Eg havi verið og eri støðugt fegin um at kunna sigla hjá Vaktartænastuni, og tí eru árini vorðin so mong. Eg eri tó keddur um, at fíggjarliga játtanin til Vørn ikki skal vera størri, tí so kundu tvær manningar siglt við Tjaldrinum og skipið var í vinnu alt árið, sigur Ellintur.
Nú er bara ein manning, og tí liggur Tjaldrið mannleyst við bryggju helvtina av árinum. Tað harmar eisini Ellint, at tað ikki er nóg mikið av játtan til, at skipið kann haldast ordiliga við líka. Tá manningin fór umborð í síðstu viku, kom sjómanstrúboðarin við jólapakkum. Tað var um døgurðatíð, so onkur helt skemtandi fyri, at hann passaði sær tíðina væl.
Aftaná døgurðan komu sangheftini fram. Nakrir sangir vórðu sungnir, trúboðarin hevði eitt bíbliuorð og Ellintur endaði við bøn.
Teimum og sjófólkinum annars verður ynskt Guds signing og varðveitslu.
Kelda: Føroyska Sjómansmissiónin á Facebook
Í 1975 byrjaði hann við Dagstjørnuni, sum tá var vaktarskip. Skipið hoyrdi undir Strandferðsluni, tí stovnurin “Vaktar- og Bjargingartænastan”, sum nú kallast Vørn, var ikki til tá.
So fór hann við Ólavi Halga og hevur so síðstu mongu árini siglt við Tjaldrinum.
Ellintur hevur eisini siglt við avloysaraskipunum Nim og Gorm, sum Vaktartænastan leiðaði.
- Eg havi verið og eri støðugt fegin um at kunna sigla hjá Vaktartænastuni, og tí eru árini vorðin so mong. Eg eri tó keddur um, at fíggjarliga játtanin til Vørn ikki skal vera størri, tí so kundu tvær manningar siglt við Tjaldrinum og skipið var í vinnu alt árið, sigur Ellintur.
Nú er bara ein manning, og tí liggur Tjaldrið mannleyst við bryggju helvtina av árinum. Tað harmar eisini Ellint, at tað ikki er nóg mikið av játtan til, at skipið kann haldast ordiliga við líka. Tá manningin fór umborð í síðstu viku, kom sjómanstrúboðarin við jólapakkum. Tað var um døgurðatíð, so onkur helt skemtandi fyri, at hann passaði sær tíðina væl.
Aftaná døgurðan komu sangheftini fram. Nakrir sangir vórðu sungnir, trúboðarin hevði eitt bíbliuorð og Ellintur endaði við bøn.
Teimum og sjófólkinum annars verður ynskt Guds signing og varðveitslu.
Kelda: Føroyska Sjómansmissiónin á Facebook
RSS Feed
