Aftur í ár hevur undirtøkan fyri Ung í Arbeiði verið heilt góð; nógv ungfólk millum 14 og 16 ár hava verið runt í býnum og arbeitt á ymsum arbeiðsplássum, eitt nú hjá Klaksvíkar Havn og ymsu ansingarstovnunum í býnum.
Paulina Solmunde (14 ár) og Fríðjohn Elltør (15 ár) hava verið í Ung og Arbeiði her í býráðsumsitingini.
Paulina hevur fyri tað mesta hjálpt Bjarmu í køkinum; hon hevur vaskað upp, keypt inn, sett á borðið, og eisini hevur hon dustsogið. Hon er glað fyri at vera sloppin framat her og følir seg hepna, at hon hevur fingið júst hetta arbeiðið í mun til okkurt annað. Hon heldur tað vera deiligt at fáa nakrar eyka krónur hetta summarið.
Fríðjohn hevur gjørt nógv ymiskt. Hann hevur brekkað, ruddað, vaskað benkur, vaskað vindeygu o.a. Fríðjohn var eisini við Jógvani Ósá (y) uppi við Ánagjógv at gera vatnmátingar og annað. Hann heldur tað vera deiligt at arbeiða í summarferiuni heldur enn bara at sova dagin burtur. Hetta er fyrstu ferð, Fríðjohn roynir arbeiðslívið, og hann heldur, tað hevur verið spennandi, fjølbroytt og stuttligt.
Tað hava verið fleiri aktivitetir, meðan tey bæði hava verið her. Team Rynkeby súkklararnir fóru avstað til París, og har vóru tey við til at gera smyrjibreyð og vóru eisini við, tá ið fráferðin var. Eisini hava tey verið við til at grilla.
Tey bæði siga seg hava havt tað gott her og siga, at tað er gott, at tey ungu kunnu sleppa til arbeiðis við hesum tiltakinum.
Annars kann sigast, at tey bæði hava verið sera ófør og gjørt alt, sum varð kravt av teimum. Tey hava verið hjálpsom og arbeitt fjølbroytt og sjálvstøðugt.
Kelda: Klaksvíkar Kommuna
Paulina Solmunde (14 ár) og Fríðjohn Elltør (15 ár) hava verið í Ung og Arbeiði her í býráðsumsitingini.
Paulina hevur fyri tað mesta hjálpt Bjarmu í køkinum; hon hevur vaskað upp, keypt inn, sett á borðið, og eisini hevur hon dustsogið. Hon er glað fyri at vera sloppin framat her og følir seg hepna, at hon hevur fingið júst hetta arbeiðið í mun til okkurt annað. Hon heldur tað vera deiligt at fáa nakrar eyka krónur hetta summarið.
Fríðjohn hevur gjørt nógv ymiskt. Hann hevur brekkað, ruddað, vaskað benkur, vaskað vindeygu o.a. Fríðjohn var eisini við Jógvani Ósá (y) uppi við Ánagjógv at gera vatnmátingar og annað. Hann heldur tað vera deiligt at arbeiða í summarferiuni heldur enn bara at sova dagin burtur. Hetta er fyrstu ferð, Fríðjohn roynir arbeiðslívið, og hann heldur, tað hevur verið spennandi, fjølbroytt og stuttligt.
Tað hava verið fleiri aktivitetir, meðan tey bæði hava verið her. Team Rynkeby súkklararnir fóru avstað til París, og har vóru tey við til at gera smyrjibreyð og vóru eisini við, tá ið fráferðin var. Eisini hava tey verið við til at grilla.
Tey bæði siga seg hava havt tað gott her og siga, at tað er gott, at tey ungu kunnu sleppa til arbeiðis við hesum tiltakinum.
Annars kann sigast, at tey bæði hava verið sera ófør og gjørt alt, sum varð kravt av teimum. Tey hava verið hjálpsom og arbeitt fjølbroytt og sjálvstøðugt.
Kelda: Klaksvíkar Kommuna
RSS Feed
