
52 ára gamli John Lunceford, sum dagliga koyrir børnini til skúla, gjørdi ikki mætari enn at hann gav tí frysta smádronginum einar handskar at fara í, so at smádrongurin kundi fáa hita í hendurnar aftur.
Foreldrini at smádronginum, ið eru fátøk - høvdu ikki ráð at geva dronginun hanskar og tað helt buss-sjafførurin, at hann mátti gera okkurt við. Hann fór tískil oman í ein klædnahandil og keypti 10 pør av hanskum og 10 húgvir og síðan koyrdi hann yvir til skúla, har hann gav tí frysta dronginum eina húgva afturat og øðrum fátøkum børnum í skúlanum í Kennewick, Amerika hanskar & húgvur at hita sær við.
Foreldrini at smádronginum vóru ovurfegin fyri gávuna og skúlin í Kennewick hevur eisini gjørt av, at heiðra buss-sjafførin, sum heldur lítil latin sigur soleiðis um tað heila:
- Eg eri sjálvur abbi og ynski ikki at eitt barn skal vera í slíkari neyð, sigur 52 ára gamli John við heimasíðuna hjá Kennewick skúlanum.
JáH (y) 18.12.2016