Verturin hjá MSNBC, Rachel Maddow skrivar á Twitter, at tey hava fingið fatur í teim nógv umtalaðu skattaviðurskiftini hjá Forsetanum Donald J. Trump frá 2005.

Í skattauppgerðini hjá Trump stendur nevniliga, at Trump konsernin tjenti yvir eina milliardir í 2005.

Spurningurin er nevniliga um hetta fer at hava eina neiliga ávirkan á Donald J. Trump, Forseta. Ella um søgan hjá Maddow bert fer at detta ímillum allar hinar skandalurnar, sum Forsetin úr Amerika longu er komin í.

JáH (y) 15.03.2017

Forsetin úr Amerika hevur tí seinastu tíðina ákært fyrrverandi Forsetan úr Amerika, Barack Obama fyri at avlurta hansara telefon úr tí Hvíta Húsinum.

Men hesum vil Obama ikki hava standandi á sær og krevur at Forsetin reinsar seg ella finnur bevísir uppá, at hann er blivin avlurtaður.

Donald J. Trump hevði til ígjár, at bevísa at so er - men hava hansara fólk ikki funnið nakað bevís og biður hann ikki um orsaka til fyrrverandi Forsetan Obama, so kann hetta fáa ógvusligar fylgir fyri Trumpin.

Kanska onkur av teim høgu í tí Hvíta Húsinum burdi sletta konto'ina hjá Trump, áðrenn hann aftur fer at gera seg og Amerika fyri skommum ..?

JáH (y) 14.03.2017

Eftir at hava runnið undan løgregluni í samfull 10 ár - hevur tað endiliga eydnast løgregluni at fingið fatur í mafiubossin Giulio Perrone.

Giulio Perrone hevur verið eftirlýstir av løgregluni úr Italia í samfull 10 ár og bleiv herfyri handtikin í Meksiko og útleveraður til Italia, har hann kann rokna við, at fáa ein sera harðan dóm fyri sínar fyrrverandi syndir.

JáH (y) 11.03.2017

Ein nýggj kanning gjørd av Quinnipiac University vísur á, at tveir av trimum úr Amerika hata meira, hava meiri gýðingahatur og hava fleiri fórdómar - eftir at Donald J. Trump tók við sum Forseti.

Eitt av lyftunum, sum Donald lovaði varð annars at samaneina tjóðina betri, men tað lyftið megnar hann nokk ikki at halda.

JáH (y) 10.03.2017

Sum tú kanska hevur funnið útat, so er Norðoya Portalurin gjørdur eitt sindur meira brúkaravinarligur og hava vit lagt oddagreinarnar soleiðis í myndarøð - so at tú sjálv/ur kanst bestemma hvat tú hevur hug til at lesa.

Flytur tú músina á tann teigin á myndarøðini, so kanst tú trýsta á pílarnir til vinstru ella høgru og harvið lesa tað, sum tú sjálv/ur heldur vera áhugavert.

Hetta er tó ikki endaliga loysnin hjá Norðoya Portali - tí vit arbeiða allatíðina við onkrum nýggjum, so at okkara portalur ikki bara fánast vekk ímillum teir mongu portalarnir vit longu hava í Føroyum.

JáH (y) 09.03.2017

Filmatisering av apuni King Kong hevur verið nakrar ferðir eftir hondini - fyrstu ferð varð í 1933 og so eisini versiónin hjá Peter Jackson (sum vit best kenna frá Lord of the Rings) í 2005.

Filmurin Kong: Skull Island gongur fyri seg í 70'inum (um tað er inspirerað av, at ein King Kong filmur eisini kom út í 1976 við Jessica Lange í høvuðsrolluni, skula vit ikki vera harrar at døma um á Norðoya Portali) og skal tað vera action fyri allar pengarnar og absalutt nakað, sum ein ikki hevur upplivað fyrr í King Kong saga'ini - siga also filmkritikarar.

Instruktørurin aftanfyri henda film er tann ókendi Jordan Vogt-Roberts og longu nú byrjar tað at líkast einum komandi hitti og vita eftir um, tað ikki fer at vera eitt navn, sum vit koma at hoyra nógv meira um í nærmastu framtíð.

Sjá trail'ara niðanfyri:

JáH (y) 09.03.2017

Landsstýriskvinnan í mentamálum, Rigmor Dam, hevur gjørt av at lata 20 verkætlanum stuðul til filmsgerð av stuðulsjáttanini til film. Stuðulin fevnir um hugskotsmenning/undanframleiðslu, framleiðslu, eftirframleiðslu og útbreiðslu. Talan er um dokumentarfilmar, stuttfilmar, novellufilm, animatiónsfilm, skemtirøð, listafilm, spælifilmar og pilotframleiðslu.

Játtanin til føroyska filmsframleiðslu er tvær milliónir krónur í 2017. Tá freistin at søkja til fyrra útbýtingarumfar var úti 1. februar, vóru 29 umsóknir komnar inn. Eftir tilmæli frá filmsráðgevunum, sum í hesum umfari eru Vár B. Jacobsen og Birgir Kruse, eru kr. 1.442.900 krónur býttar út í hesum umfari.

Fýra verkætlanir hava fingið 100.000 krónur ella meira í stuðli. Hesar eru “Enter the Kitchen – Cook Rising” hjá Gudmundi Helmsdal/ETK Films, sum hevur fingið kr. 250.000, “Eitt sindur um hvussu vit elska” hjá Anton Petersen/Cinema Polaris við Pæturi Marjunarson Dahl sum framleiðara, sum hevur fingið kr. 200.000, “Nina” hjá Mariu Winther Olsen/Toka Film, sum hevur fingið kr. 141.000, og “Søgan um Ruth” hjá Árna Nicolajsen, sum hevur fingið 100.000 krónur.

Hesi 20 fingu stuðul í fyrra umfari:

1. Gunrid Hansen/Dagstovnurin á Velbastað, “Børn í grønum umhvørvi”, kr. 17.000
2. Jón Hammer/KYK Myndir, til útbreiðslu av “Dalur” og “Skuld” hjá Heiðriki á Heygum, kr. 35.000
3. Ingun í Skrivarastovu/ Fish & Film, til útbreiðslu av “Dreymar við havið” hjá Sakaris Stórá, kr. 50.000
4. Anton Petersen/ Cinema Polaris, framleiðari Pætur M. Dahl, “Eitt sindur um hvussu vit elska”, kr. 200.000
5. Gudmund Helmsdal/ETK Films, “Enter the Kitchen – Cook Rising”, kr. 250.000
6. Sakaris Stórá, einki heiti, kr. 45.000
7. Annika á Lofti/Rogviper, “Góða Mary”, kr. 97.000
8. Eir í Ólavsstovu/Hugmynd, “Havið”, kr. 85.000
9. Franklin Henriksen/Levende Film, uttan heiti, kr.28.000
10. Eir í Ólavsstovu/Hugmynd, “Í og rundanum eina dupultsong”, kr. 25.000
11. Hans Kristian Eyðunsson Hansen/Green Animation Studios, “Marra 2 – Ránsmenn”, kr. 30.000
12. Maria Winther Olsen/Toka Film, “Nina”, kr. 141.000
13. Julia í Kálvalíð Jacobsen, “Omman”, kr. 86.500
14. Franklin Henriksen/Levende Film, “Story Music”, kr. 55.400
15. Árni Nicolajsen, “Søgan um Ruth”, kr. 100.000
16. Jónfinn Stenberg, “Til barnaføðingardagar og jarðarferðir”, kr. 30.000
17. Gudmund Helmsdal/ETK Films, “Trøllabeiggjar”, kr. 50.000
18. Anita Hermansen, “Tummas”, kr. 84.000
19. John Jacobsen, “Undrið”, kr. 20.000
20. Rói Davidsen, “Uttan vón”, kr.14.000

Umsøkjararnir hava fingið umsóknarsvar við grundgevingunum frá ráðgevunum, og teimum stendur eisini í boði at hitta ráðgevarnar á fundi í Mentamálaráðnum, har tey kunnu fáa persónliga ráðgeving um umsóknirnar og filmsverkætlanirnar.

557.100 krónur eru nú eftir til seinna útbýtingarumfar í 2017, sum verður lýst í summar við freist 1. september.

JáH (y) 08.03.2017
Kelda: Løgtingið 07.03.2017

Ein kvinna hevði bestilt sær eina Hawaii pizza, sum flest kunnugt hevur ananas uppi á sær.

Men kvinnan fekk eitt sjokk, tá ið hon opnaði pizza bakkan, tí har varð nevniliga ongin ananas uppi á - men ein seðil, har skrivað stóð:

​Fekk ikki meg sjálvan til at koyra ananas á tína pizza. Tað er vemmiligt. Orsaka.

Umframt at Pizzamaðurin ikki vildi koyra ananas uppá hennara pizza, so varð maðurin flinkur nokk, at geva henni peningin aftur, sum hon hevði goldið fyri hennara pizza, skrivar The Sun.

Søgan gongur nú viralt kring netið og er deild fleiri túsund ferðir - eftir at kvinnan tók mynd av tí heldur skemtingarsomu søguni.

Men hvat heldur tú: Ananas uppá pizza ..? Gott hugskot ella simpulten vemmiligt ..?

JáH (y) 08.03.2017

Eftir at sjónleikarin Arnold Schwarzenegger tók við rolluna eftir Donald J. Trump í sendirøðini The Apprentice við heitinum: The Celebrity Apprentice - hevur røðin ikki fingið góð ummælir.

Sjálvur Forsetin Donald J. Trump hevur kallað røðina fyri eina "joke" og sjónleikarin Arnold Schwarsenegger legði eisini eftir Forsetanum.

Nú hevur Arnold so blakað handklæði í ringin og hevur alment boða frá, at hann gevst við røðini - eftir nógvan ágang og neiliga framferð.

JáH (y) 04.03.2017

Ja, ein skuldi ikki trúð tí - men tað er so satt sum tað er skrivað: Ein kann gott doyggja av porno ..!

Ein 50 ára gamal maður úr Japan, sum hevur fingið navni Joji av fjølmiðlunum doyði herfyri - eftir at ein stakki av pornobløðum datt niðuryvir hann. Og hetta varð ein ordiligur stakki av pornobløðum, sum datt niðuryvir hann - tí talan varð nevniliga um 6 tons av pornobløðum, sum maðurin átti.

Tað gingu heili 6 mánaðir áðrenn maðurin bleiv funnin undir pornobløðunum og løgreglan hevur roynt sum frægast at arbeitt við sakini, so at familjan hjá manninum ikki skuldi fáa tað við, at maðurin átti eina samling av porno uppá 6 tons.

Og tit fingu tað at vita fyrst her, folkens - at ja, tú kanst nevniliga gott doyggja av porno. Hvar aðrastaðnis enn á Norðoya Portali ..?

JáH (y) 04.03.2017