|
|
 Na Na Na eitur nýggja lagið hjá Jóhonnu Norðberg Niclasen, sum kom út leygarnáttina ... sjá video niðanfyri. - Vit mangla, at føroyingar framleiða mainstream popp-tónleik, sigur Jóhanna Norðberg Niclasen. Hoyr meira HER Kelda: KVF  Eitt sindur seinkað grein, sum skrivað er av Annbjørg á Høvdanum - men tó, so vilja vit so gjarna hava hesa grein í Norðoya Portal, tá ið hon hevur gjørt sær ómak, at skriva ummæli av Summar Festivalinum ...
Dagurin í gjár var sera góður, bæði hvat viðvíkur veðri, og hvat viðvíkur tónleiki. Highasakite høvdu eina stak góða framførðslu við tónleikinum á høgum støði, og tá onkur sangur var, sum fólki kendi, so sungu tey eisini við, men teir vóru bara ikki so nógvir. Fyri mítt viðkomandi, so var Boyzlife konsertin klárt tann besta, fylgd av konsertini hjá 200 inni í teltinum. Hesar báar høvdu góðan tónleik, men eisini sangir sum fjøldin kendi og tí kundu syngja við. Vit fingu tíanverri ikki serliga nógv við av Sámali Ravnsfjall, hóast hann altíð er góður, og uttan iva, eisini var tað í gjárkvøldið. Boyzlife megnaðu veruliga at fáa fjøldina upp á kók. Teir tóktust eisini minst líka glaðir og væl nøgdir fyri lurtandi fjøldina, sum fjøldin var fyri teir. Fólk dansaðu og sungu við, og hesa løtuna føldi man veruliga festival hýrin. Vónandi skifta veðurgudarnir meining í dag, so at vit eisini kunna fáa ein rýmuliga turran dag, nú vit fara í gongd við síðsta dagin av summarfestivalinum, men um ikki, so er bara at lata seg í eftir veðrinum. Góðan summarfestival víðari ..!  Summarfestivalurin tykist ikki at hava havt líka nógv vitjandi í ár, sum undanfarnu árini.
Køðirnar hava verði styttri og tað hevur ikki verið líka tætt pakkað inni á økinum í ár, sum fleiri av undanfarnu árum. Hettar hevur tó fyri flestu gestirnar bara veri eitt pluss. Helst eiga broyttu kamping viðurskiftini sín part av leiklutinum í hesum. Okkum er fortalt, at fólk, sum stóðu tætt uppá nummar 100 á bíðilistanum til kamping øki, sluppu framat allíkavæl, so nógvar avlýsingar muga hava verið. Ein kann eisini freistast at hugsa, at lýsingarátøkini við høvuðsnavninum kanska hevur verið ov smøl, tá vit meta, at fyri tað unga ættarliði kundu baði Highasakite, Boyzlife og Hermes House Band selt líka væl, ella betur sum høvuðsnøvn. NP 11.08.2016  Summarfestivalurin 2016 er liðugur og her nakrar myndir, sjá niðanfyri. SáH  Norðoya Portalurin kom eitt sindur seint til konsertina hjá Cliff Richard hóskvøldið og fingu klipsa nakrar myndir í kassan, men tá ið tríggir sangir vóru spældir, so kom ein sum spældi "Bodyguard", sjálvandi frá Tórshavn og blakaði pressuna út. Jú, jú, ein 75 ára gamal sangari og so spæla stórir uppá tað. Pressan mátti øll út aftanfyri stóra pall og so bleiv ikki tikið meira myndir tað kvøldið. Ná her myndirnar frá konsertini uppá 1½ sang hóskvøldið á Summarfestivalinum 2016. SáH  Navia hevur gjørt nýggjar troyggjur til Summar Festivalin
Aftur í ár ber til at ogna sær snøggar troyggjur, sum eru gjørdur til Summar Festivalin. Í ár er tað Navia, sum hevur framleitt løttu troyggjurnar, ið fáast bæði til kvinnur og menn. Troyggjan til kvinnur er at fáa í svørtum og hvítum og kostar 599 krónur. Troyggjan til menn er at fáa í svørtum og ljósagráum og kostar 699 krónur. Eisini fæst ein Summarfestival húgva í svørtum fyri 299 krónur. Summarfestival troyggjurnar og húgvan eru at fáa í básinum hjá Navia á Summar Festivalinum. Básurin stendur við Norðoya Sparikassa oman móti tjaldøkinum. Kelda: Summarfestivalurin  Tað er ein Cliff Richard í toppformi og sera góðum hýri, sum er komin til Føroya í dag. Cliff lendi í privatflogfari í Vágum seinnapartin, og í kvøld tekur hann sær av løttum.
- Tað er deiligt at vera í Føroya. Umsíðir fái eg møguleikan at vitja tykkara vakra land, og eg gleði meg sera nógv til at spæla konsert her, sigur Cliff Richard. - Fólk kenna nógvar av mínum sangum, og eg haldi, at mann skyldar fólki at spæla kendar sangir á slíkari konsert, so eg ætli mær at spæla nógvar av mínum bestu sangum fyri føroyingum, sigur Cliff Richard. Cliff Richard hevur verið virkin sum tónleikari síðani 1950’ini, og hann hevur spælt ymisk sløg av tónleiki – popp, rock ’n roll og eisini gospel. Hann ætlar sær at tríva í sangir frá teimum ymsu tíðarskeiðunum. - Eg havi hoyrt, at føroyingar syngja væl við á konsertum, og tað dámar mær sera væl, sigur Cliff Richard. Nógvir føroyingar kenna væl gospelsangirnar hjá Cliff Richard, og hóast hann vanliga ikki spælir gospelsangir á slíkum konsertum, ger hann eitt undantak í Føroyum, tí hann hevur fingið áheitan um tað. Sum tað skilst á lagnum, fer Cliff Richard at syngja vakra sangin Millennium Prayer á konsertini á Summar Festivalinum. Konsertin við Cliff Richard verður á Vágsbøi í Klaksvík hóskvøldið kl 22:00. Kelda: www.sf.fo SáH  Myndaánari: Karstin Danielsen Facebook Karstin Danielsen hevur skapt sær sítt heilt egna ljóð innan country og fer tað eisini at seta sín dám á, tá ið Karstin Danielsen skal spæla í Torginum á Summarfestivalinum, beint fyri navnframa Cliff Richard. Á Youtube hava fleiri av hansara løgum fingið fleiri túsund hits og undirritaði veit, at í mongum ballum vera hansara frálíku sangir eisini spældir. Vit á Norðoya Portali gleða okkum, at hoyra Karstin spæla hóskvøldið kl. 21.00 á Torginum. JáH (y) 03.08.2016  Myndin til vinstru er tikin á morgni ígjár og sum tú sær á myndini, sum er tikin beint við Svimjihøllina - so eru kampingvognarnir byrjaðir at koma kring alla Klaksvíkina.
Hóast tað ikki verður beint aftanfyri pallin á Summarfestivalinum í ár, so hava kampingvognarnir fingið pláss ymsa staðnis kring Klaksvík - og lítil ivi er í, at kampingfólkini ikki fara at hava tað minst líka stuttligt sum tey fyrru árini. JáH (y) 03.08.2016  Eingin pallur í Føroyum kann samanberast við stóra pall á Summar Festivalinum.
Summar Festivalurin hevur seinnu árini hýst teimum størstu konsertunum her á landi, og til tað krevst pallur og útgerð á altjóða stigi. Nú er vanligt at tosa um stóra pall til tey ymisku tiltøkini í Føroyum, men eingin annar pallur í Føroyum kann samanlíknast við stóra pall á Vágsbøi. Pallurin er risastórur, og hann er á tremur við nýggjastu ljóð- og ljósútgerð. Ljóðtøkni er veitari av ljóði og ljósi til Summar Festivalin, og fyritøkan letur gjøgnum útlendskar og føroyskar samstarvspartar alla neyðuga útgerð og vitan til pallarnar. Krøvini frá teimum útlendsku bólkunum kunnu verða krevjandi, men Summar Festivalurin setur stóra heiður í at veita bólkunum tað, sum teir biða um. Tað er eisini hetta, sum ger tað gjørligt hjá Summar Festivalinum at leggja pall til konsertir við heimsstjørnum sum Cliff Richard, The Scorpions, Westlife, Roxette Lukas Graham og øðrm. Uttan ein pall á altjóða stigi, høvdu hesar konsertir ongantíð verið veruleiki. Stóri pallur á Vágsbøi skal komandi vikuskiftið hýsa konsertum við eitt nú Cliff Richard, HighasaKite, Hermes House Band, Boyzlife, Kristinu Bærendsen og Signar í Homrum. Kelda: SF.fo |
Greinar
August 2022
|
RSS Feed
