77 ára gamli Country sangarin Kenny Rogers hevur nú boða frá, at hann ikki ynskir at ferðast meira við sínum tónleiki og ístaðin so ynskir hann at brúka meiri tíð saman við konuni Wandu og hansara synum.

"Í bókini hjá mær skrivaði eg, at tað er ein fín linja ímillum at dríva á og at vera ein egoist. Og eg fekk ongatíð stundir at brúka tíð saman við mínum eldru synum - og tað angri eg nú". sigur Rogers.

Men 77 ára gamli Kenny Rogers fer at ferðast enn eina ferð næsta ár og verður hetta sostatt ein farvæl-tour kring allan heim. Hvørji støð hann fer at spæla - veit ongin, men kanska Summarfestivalurin ella Country Festivalurin fara at royna at fáa hann henda vegin til Føroyar fyri allerseinstastu ferð ..? Ja, hvør veit ..!

JáH (y) 29.09.2015

Whitney Houston doyði tann 11. februar 2012 - men heilt stutt eftir, so doyði dóttir hennara Bobbi Kristina Brown. Hon doyði nevniliga tann 3. august 2015.

Løgreglan í LA vil ikki út við, hví tey ikki hava lagt lok á sakina enn - tí tey royna at samla so nógv prógv saman sum gjørligt, áðrenn teir fara at almenna kunngera hví dóttir sangarnir Whithey Houston og Bobby Brown lá lívleys í einum baðikari - júst sum mamma hennara gjørdi í 2012.

JáH (y) 29.09.2015

Ein spildurnýggjur sangur, sum Johnny Hansen hevur skrivað orð og lag til. Framleitt sangin hevur Tórir Mikkelsen og Kristleif Zachariasen.

Sangurin hittar nú á Youtube og ongin annar enn Jógvan á Høvdanum (yngri) hevur lagt myndir til sangin.

Hygg/Hoyr sangin niðanfyri:

NP 20.09.2015

Fríggjakvøldið 11. septembur verður eitt nýtt tiltak, ið avloysir traditionellu pisuveitsluna, men sum samstundis gevur høvi at bjóða nýggjum fólki, ið eru komin til býin vælkomnum. Harafturat er tað ein gyltur møguleika fyri eini samanrenning millum nýggju og "gomlu" føroyingarnar í býnum, ja, at knýta vinarbond millum føroyingarnar í býnum. 

Hetta verður eitt kvøld við altíð vælupplagda, og fantastiska vælsyngjandi Jens Marna Hansen v/bólki. Møguleiki verður fyri at hoyra góðan live tónleik, at dansa til beinini ikki orka meira, at fáa nógv góð prát, og sjálvandi eisini at fáa eina føroyska kalda úr barrini. Barrin serverar alt frá thé/kaffi til tað heilt sterka. Viðmerkjast skal tó, at við keyp av øl, vín ella sterkum er neyðugt at verða limur í Føroyingafelagnum í Aarhus. Hetta kann gerast á staðnum og kostar 100 kr árliga ella 25 kr fyri eitt kvøld.

Tiltakið kostar 100 kr fyri limir og 150 kr fyri ikki limir.

Adressan er Hermodsvej 3A, Åbyhøj.

Tiltakið byrjar kl 22.00 og endar kl 04.00.

Vónandi taka nýflytararnir og "gomlu" føroyingar í býnum væl ímóti tiltakinum. Vit gleða okkum at síggja tykkum.


Vinarliga,

Nevndin í Føroyingafelagnum í Aarhus

Her myndir av honum á Summarfestivalinum 2015

SáH