Leygarnáttina á Summarfestivalinum var ein super konsert í Tjaldinum, har Karl Martin Samuelsen og rockhetjurnar fingu allar áskoðarnar at kókað, við sangum sum Alla Nátt, Breaking My Heart og aðrar sangir. 

Tjaldið var skít fult av fólki og tey fingu valuta fyri allar pengarnar.
Flott, flott.....

Her myndir frá konsertini.

SáH

Tónleikabólkurin Týr hevði eina góða framførðslu í Tjaldinum leygarnáttina.

Tjaldið var smekk fult av ungum fólkum, men sjálvir haldi eg, at tónleikurin var alt ov hart spældir, men tað er jú teirra vørumerkið. 

Tey sum stóðu fremst mátti halda sær fyri oyrini og eg sum myndamaður, var næstan blástir umkoll av harða tónleikinum, so hjá mær var at sleppa sær burtur frá fremsti røð. 

Her nakrar myndir frá konsertini.

SáH

Summar Festivalurin heitir á fólk um at fáa sær armband uppá áðrenn festivalin

Øll tey mongu túsund fólkini, ið ætla sær á Summar Festivalin um vikuskiftið, skulu hava armband upp á handliðið. Atgongumerkini, sum eru keypt í forsølu, skulu býtast um við persónligt armband, ið skal brúkast fyri at sleppa inn á festivaløkið.

Longu nú ber til at fáa armband uppá. Hetta kann gerast á Torginum í SMS í Havn, í Telebúðini í Klaksvík og í deildunum hjá Norðoya Sparikassa í Klaksvík og Fuglafirði. Armbond fáast á hesum støðum í vanligum upplatingartíðum hjá teimum fram til hósdagin. Eftir tað verða armbond koyrd uppá við inngongdina til festivalin.

Summar Festivalurin heitir á fólk um at fáa sær armband uppá áðrenn festivalin, tí vandi er fyri longum bíðirøðum við inngongdina, um ov nógv fólk skulu armband uppá, tá ið festivalurin byrjar. Royndirnar vísa, at serliga áðrenn stóru konsertirnar, koma bíðirøðir, tí tá vilja so nógv fólk inn á festivaløkið samastundis, og nógv teirra hava ikki armband. 

- Tað er lættari fyri allar partar, um so nógv fólk sum gjørligt fáa sær armband uppá áðrenn festivalin, siga fyrireikararnir.

Kelda: www.sf.fo

SáH