​⭐️RASMUS BJERG SYNGUR JOHN MOGENSEN⭐️
Rasmus Bjerg kemur við bólki sínum á Summar Festivalin at framføra teir bestu sangirnar hjá legenduni John Mogensen – »Så længe jeg lever«, »Der er noget galt i Danmark«, »To mennesker på en strand«, »Fut i fejemøget« og aðrar. ✌️🇩🇰⭐️

Hetta eru sangir, sum føroyingar hava lurtað sera nógv eftir, og nú kunnu teir upplivast live við einum framúr góðum bólki og einum fantastiskum sjónleikara og sangara í leiklutinum sum John Mogensen.👏😆

Rasmus Bjerg spældi John Mogensen í sera væl umtókta filminum »Så længe jeg lever«, og síðani hevur Rasmus Bjerg framført sum John Mogensen á festivalum og konsertum – og ummælini hava verið framúr góð.👍😀

Fólkakæri John Mogensen var hittsangari av teimum heilt stóru. Hann útgav bestseljandi plátur, og sangirnir liva væl, nú 45 ár eftir at John Mogensen doyði alt ov ungur í 1977. Føroyingar hava eisini lurtað nógv eftir tónleikinum hjá John Mogensen, og fleiri sangir eru týddir til føroyskt og útgivnir her.✌️😆🇫🇴

​Summar Festivalurin

Norðingur hevur í gjár lagt ein nýggjan slagsang út á YouTube og tað var eisini í gjár, at teir vóru um reppi at vinna á klaksvíkingi.

Her sangurin og niðanfyri er teksturin, um tit ynskja at syngja við.

Sera vakur sangur og man hann ikki blíva spældur, tá ið Norðingur fer at vinna einaferð í framtíðini.

SáH

Norðingur

Vit hava hoyrt søgur um norðingin.
Í 60unum við øllum sigrunum
Á bógnum sterki maðurin.
Um landið víðagitin.

Niðurlag:
Norðingur, gerið tykkar allarbesta.
Norðingur, vit stuðla tykkum fram á mál.
Norðingur, mítt róðrarhjarta um at bresta
Norðingur, tú fyrstur vart á mál.

Menn draga út nýtt 10-mannafar
Nú leita sær aftur til árarnar.
Á Norðoyastevnu prógvaðu
At enn í dag tit megna tað.

Í bygdunum er høgur spenningur.
Her standa vit saman um kappróður
Nú aftur skriva søgur um
At sigurin fór norðurum.

Orð: Hallgerð Akurstein & Hans Fuglø Christiansen
Lag: Hans Fuglø Christiansen
Solo rødd: Hans Fuglø Christiansen
Kór og bakgrundsrøddir: Hans Fuglø Christiansen, Sigmar Sørensen og Kristoffer Mørkøre, Molakóri, bátsmanning & Suni Merkistein.

Frammleiðsla, upptøka & ljóðblandað: Kristoffer Mørkøre

Norðingur

Í dag gevur Elinborg staklag út. Staklagið er av komandi útgávu hennara ‘Vera’, sum verður útgivin í Septembur. Lagið ber heitið ‘’Sjórok’’ og snýr seg um mistan kærleika.

Elinborg sigur sjálv: ‘’Eg havi roynt at sett orð á, hvussu hart tað kann kennast, at sleppa einum man elskar’’. Lagið hevur Elinborg framleitt saman við Eivør Pálsdóttir og Tróndur Bogason, sum eisini hava arbeitt saman við Hergeir Staksberg og Hallur Jonson. Aftaná 4 ár er Elinborg endiliga aftur klár, við nýggjum tónleiki. Eisini er kungjørt á heimasíðuni hjá Eivør, at Elinborg er við á konsertferðini í Septembur. 

Hoyr lagið her: 
https://open.spotify.com/track/0v73bx12l3gEyij36YyBAV?si=a68ae7da8eaf44cb 
 
Sjónbandalagið sæst her: