Hevur tú eitt gott hugskot um navn, sum fellur væl og annars er hóskandi, send so inn.

Mentanarhúsið, sum hevur verið eitt arbeiðsheitið, er gamla Posthúsið, ið bygt varð í 1967 og ein stór høll, verður bygd aftuat.

Húsið skal eftir ætlan standa liðugt komandi summar, har tað kunnu sita 380 fólk inni í høllini. Tað er Grunnurin, Mentanarhús í Klaksvík, sum eigur, byggir og skal reka húsið.

Endamálið við húsinum er at vera karmur um mentanarliga virksemið í býnum, við sjónleik, kvøldsetum, upplestri, sangi, tónleiki, fundum, framsýningum, ráðstevnum og ymiskum øðrum.

Dentur verður lagdur á, at virksemið verður so fjølbroytt sum gjørligt, og at virksemið tekur støði í føroyskum mentanararvi, í tí mentan her býr og við tign, sum sømir seg einum mentaðum fólki.

Bygningurin er ikoniskur í skapi og brúki og kann lata endaveggin á pallinum upp oman móti og Vágsbøi.

Høllin hevur í skapi verið kallað eitt “tíðarbrot” – brot úr klokkuni. Ein steinur ella skrín, ið liggur í lendinum, sum letur seg upp í myrkrinum, har alskyns leikur spretta úr og spæl er inni har.

Í bygninginum, har umframt stóru høllina eisini er ein kafé, smærri spælistøð, verkstøð, skrivstovur, framsýningarstøð og ein býarsalur, skulu øll kenna seg væl og vera vælkomin – ein spennandi bygningur við einum vøkrum navni, sum tú setur á.

Soleiðis luttekur tú:
Uppskotið skal latast inn í tveimum aftulatnum brævbjálvum:
• Ein brævbjálvi við uppskotinum sjálvum saman við frágreiðing um hugskotið og grundgeving fyri, hví tú velur hetta heitið ella navnið. Merk brævbjálvan “Navnakapping Mentanarhúsið”.

• Ein brævbjálvi við uppskotinum sjálvum saman við navni á uppskotsstillara. Hetta fyri at nevndin ikki skal síggja navnið á viðkomandi undir viðgerðini. Merk brævbjálvan ”Luttakari og uppskot”.
 
Uppskot skulu sendast til: 
Grunnur, Mentanarhús í Klaksvík
Nólsoyar Pálsgøta 32
Postsmoga 2
FO-710 Klaksvík 

og verða grunninum í hendi í seinasta lagi 3. november 2021 kl. 12:00.

Dómsnevndini, sum endaliga velur navnið, er stýrið fyri Grunnur, Mentanarhús í Klaksvík.

Stýrið skilar sær rætt til frítt at velja millum innkomnu uppskotini.

Vinnarin fær í virðislønin fyri vinnandi uppskotið kr. 10.000,-

Spurningar kunnu stílast til [email protected]

Grunnur, Mentanarhús í Klaksvík

Klaksvíkar Kommuna

Lív Ejdesgaard hevur málningaframsýning í Glarsmiðjuni  12. - 29. oktober.

Opið er soleiðis:
Týsd.- friggjad. 11.00 – 17.00

Málningarnir kunnu eisini síggjast á Facebook / Glarsmiðjan

Fríggjadagin tann 24 septembur gav Danny Baldursson enn einaferð eitt fangandi og rytmiskt staklag út. Sangurin sum ber heiti Nervous viðgerð eitt heldur álvarsligt evni, nevnliga sálarheilsu. Soleiðis greiðir Danny Baldursson frá sanginum:

– “Nervous” er um ein, sum følir seg sárbaran, ein sum setur órealistiskar vónir til sín sjálvan. Sangurin er um ein sum ikki vil vísa eina ávísa síðu fram av sær sjálvum, eina síðu sum viðkomandi skammar seg yvir, eina síðu av sær sjálvum sum viðkomandi als ikki vil vísa tá tað kemur til ýggj parløg/vinabond.

Spurdur um hvat gav Danny Baldursson íblástur til at skriva sangin sigur hann, at hann gjarna vildi seta fokus á maskulinitet og tær væntanir sum samfelagið hevur av mansligu kynsrolluni. Hann vil vera við, at líknandi væntanir og normar hava álvarsligar avleiðingar fyri sálarheilsu og at hetta evnið skal meira fram í samfelagnum soleiðis, at samfelagsliga stigmatiseringin av sálarheilsu og mansligu kynsrolluni verður viðgjørd og normalisera.

Sangurin sum kom út á Spotify, og øðrum tónleikapallum, í síðstu viku hevur longu fingið
fleiri enn 10.000 spælingar.

Sangurin er framleiddur í studio hjá Símun Dam, Óli Poulsen hevur miksa og mastera sangin
og sjónbandalagið er framleitt av Jákup Skovgaard Thøgersen og Pætur Høj hjá Raclip.
Sjónbandalagið til sangin er at finna á Youtube við at trýsta her.

Eru tit áhugaði í at fylgja við hvat Danny Baldursson kemur út við í næstum ber tað til at
fylgja honum á sosialu miðlunum her:
● www.instagram.com/dannybaldursson
● www.facebook.com/dannybaldurssonmusic
● www.tiktok.com/@dannybaldursson