​
Í samband við Virkið vár, so verður skipað fyri eini listaframsýning, har barnagarðsbørn og børn og ung í skúlaaldri fáa møguleika at mynda okkara býarrúm við teirra hugflogi.

Evnið til listaframsýningina er #míttbýarrúm. Endamálið er at fáa børn og ung at nýta sítt hugflog, og at fáa innlit í, hvussu børn og ung síggja býarrúmið tey ferðast í.

Allar myndirnar verða partur av eini listaframýning á Skúlatrøð á norðoyastevnu, sum verður 5.-6. juni 2021. Harumframt verða tríggjar myndir heiðraðar við einum vinningi, sum borgarstjórin letur.

Øll sum luttaka í kappingini skulu við tunnum blýanti skriva navn á baksíðuna. Tað er eisini ein hjálp, um eitt telefonnummar verður upplýst, so lættliga ber til, at fáa fatur á viðkomandi listafólki. Vinnarin verður funnin á norðoyastevnu.

Í dómsnevndini sita Annika S. Biskopstø, forkvinna í heilsunevndini, Dávur Winther, mentanarleiðari og Armgarð Absalonsen, grafiskur sniðgevi og listarfólk.

Vinningarnir eru:
1.    Faber-Castell kuffert (stórt) við einari rúgvu av litbýantum í alskins litum og tilhoyri.
2.    Faber-Castell litblýantar og tilhoyr.
3.    Faber- Castell litblýantar.

Myndirnar kunnu latast inn í Miðlan. Freistin at lata myndir inn er 31. mai.

Klaksvíkar Kommuna

Bjørt Magnadóttir Husgaard hevur givið eitt lag út. Lagið er at hoyra á Spotify, og kemur seinni á youtube.

Bjørt hevur gingið til sangskriving á Dávavirkinum hjá Hans Edvard Andreasen, og tað er eisini Hans Edvard, ið spælir øll ljóðførini og hann hevur eisini staðið fyri upptøkuni.
Bjørt er 18 ár, og er nýtt stjønuskot á føroyska tónleikahválvinum.

Hetta er fyrsta lag, ið Bjørt gevur alment út, og tað kallast Home Far Away. Umframt at syngja leikar Bjørt eisini klaver á hesum lagnum.

Sum skilst hevur hon fleiri løg liggjandi, og kunnu vit vænta at hoyra meira frá Bjørt seinni í ár.

​