Tá ið eg fann útav - at tónleikara-skaldið Ennio Morricone skuldi hava hansara seinastu konsertferð við hansara gigantiska orkestri, so varð onki annað at gera uttan at keypa sær eina billett.

Konsertin vardi í góðar 3 tímar - og føldist tað sum um, at einglarnir spældu fyri tær. Gott 20.000 áhoyrarar vóru til konsertina hjá Ennio Morricone í O2 arena'uni í London - og tað varð púra kvirt ímeðan spæld vóru tey ymisku vøkru løgini, sum Ennio hevur gjørt í góð 60 ár.

Og tað er kanska heldur ikki so løgið - at hetta er seinasta konsertferðin hjá Ennio Morricone, tí maðurin er 90 ára gamal og at standa uppi á einum palli og venja 200 tónleikarar uppá eingang - krevur sín mann og eitt heilt ótrúligt áhaldni, sum Morricone so meistaraliga vísti ígjár - á eini tí bestu konsertini, sum undirritaði hevur upplivað.

Temalagið frá The Good, The Bad and The Ugly bleiv sjálvandi spælt - umframt lagið The Man With The Harmonica frá filminum Once Upon A Time In The West (1968).

Skal eg geva konsertini nakrar stjørnur - so vil eg geva konsertini ígjár 6 útav 6 stjørnum. Bravo, sigi eg bara.

JáH (y) 27.11.2018 

​Her kunnu tit síggja filmsklippi frá tá ið Søren Ryge var í Føroyum og vitjaði. Filmurin bleiv vístir í DR1 tann 8. november, klikk her ella á myndina, "Søren Ryge: Sandheden om misikken og 12 væddere på Færøerne".

SáH

Skemtarin og tónleikarin Victor Borge (1909 - 2000) hevur mangan fingið smíli framm hjá føroyingum og her er ein framførsla av honum og Anton Kontra, sum er ótrúliga væl gjøgnumførd.

Tey vilja vera við til - at Borge enntá improvoseraði hetta stykki ..!

Sjá klippi niðanfyri:

JáH (y) 08.11.2018
​Kelda: Youtube

Tíðindaskriv:

Mánadagin 5. november eru 100 ár liðin síðani sangarin, tónaskaldið og skaldið Regin Dahl var føddur.

Í 2005 stóð Plátufelagið Tutl fyri útgávuni av bokssettinum Atlantsløg, ið inniheldur savnaðu upptøkurnar av løgum Regin Dahls. Nú hevur Tutl tikið stig til at fáa øll tey 439 atlantsløgini útgivin talgilt.

Regin Dahl fór blaðungur niður á Sorø Akademi at lesa. Tá Danmark var hersett í 1940 endaði Dahl í útlegd í Keypmannahavn, og hann fluttaði ongantíð heim aftur. Hóast Regin Dahl hevði lívlanga tilveru í Danmark, var hann alt lívið merktur av einum djúpum longsuli eftir Føroyum. Henda longsul setti hann í orð og tónar í sínum rúgvusmikla listarliga verkið. 

Tónleikaligi parturin er skjalfestur í umfatandi Atlantsløg útgávuni. Snotiliga boksin inniheldur heili
439 løg á 25 fløgum. Meginparturin av tilfarinum stavar frá upptøkum, ið Mentunargrunnur
Studentafelagsins við Niels á Velbastað á odda tók stig til í tíðarskeiðnum 1973-1977

Nú eru Atlantsløg so við eitt vorðin øllum heiminum tøk í tí talgilda!

JáH (y) 05.11.2018