​Føroyskir myndugleikar veita øllum føroyingum og vitjandi í Føroyum ókeypis tónleikalæru við Meludia

Í dag hava Føroyar gjørt trý ára samstarvssáttmála við franska netmiðilin Meludia, sum er eitt amboð at læra tónleik. Fleiri enn 600 royndir eru í tónleikaskipanini, sum Nám hevur samskipað.

Les meira um tað her.

JáH (y) 11.04.2018
Kelda: Løgtingið

Íslenski komponisturin Johann Helgason hevur skrivað lagið You raise me up, sum hann heldur at Rolf Løvland hevur stolið frá sær. Hann hevur nevniliga skrivað sangin Søknudur, sum minnur um You raise me up.

Nú ætlar hann at fara í rættin við tí - eftir at hava hótt við tí sama í góð 10 ár. 

You raise me up stendur til at vera skrivaður av Rolf Løvland og bleiv fyrst framførdir av Secret Garden í 2001. Síðan hava Josh Garden og Westlife gjørt sangin heimskendan.

JáH (y) 05.04.2018

Tá ið virði á Spotify skuldi gerast upp - har fólk kundu keypa sær partabrøv týsdagin, so kom virði á Spotify uppá góðar 160 milliardir krónir. So tað má sigast, at vera eitt ordans HITT - í sær sjálvum.

Spotify hevur brúkt sína orku uppá, at fólk kunna steyma tónleik haðani - har tónleikarin eisini fær eitt oyra fyri, hvussu nógv tónleikurin hjá viðkomandi verður spældur.

Nógvir tónleikarar úr Føroyum eru eisini í Spotify, men tað eru also ikki teir stóru pengarnir teir fáa við at vera partur av Spotify. Ein skal nevniliga vera spældir fleiri milliónir ferðir, áðrenn tað yvirhøvur loysir seg, at vera ein partur av Spotify, vilja summir føroyskir tónleikarar vera við til.

JáH (y) 04.04.2018

Kaos, er ein trýlanda trio úr Íslandi, Danmark og Týsklandi. Tey hava verið á tónleikaferð í Týsklandi, Hollandi, Danmark síðani á várið 2017 og hava nú eina konsert í Spaniastovu.
 
Tey sum mannað bólkin eru Siggi Bjørns, Íslandi, Franziska Gunther, Týsklandi, og Esben Langkniv, Danmark.

Tey hava útgivið eina upptøku frá konsertini í Kastens Landhaus í Norðurtýsklandi í 2017. 

Tónleikaferðin er komin í lag í samstarvi við Heima, klikk her: "KAOS - ein trýlanda trio"

Atgongumerki til konsertina 2.apríl kl 21 kunnu keypast á www.atgongumerki.fo og í Leikalund.

Siggi Bjørns er ein íslendsk legenda. Sum ungur tók hann sær frí frá sjómanslívinum fyri at syngja og spæla gitar. Nú 30 ár seinri hevur hann framvegis frí frá sjómanslívinum. Siggi býr í Berlin, og ferðast runt í Týsklandi og framførir. Hann hevur somuleiðis undirhildið fyri summargestum seinastu 25 árini á Bakkerøgeriet í Åkirkeby á Bornholm. Siggi hevur útgivið fleiri fløgur og í mong ár skriva sangir saman við Esben Langkniv.

Franziska Gunther fekk íblástur til at spæla gitar og skriva sangir, tá hon sum ung hoyrdi Siggi Bjørns framføra á Bornholm. Seinri, tá tey 3 fóru at spæla saman og stovnaðu tónleikabólkin Kaos, kom tað púra óvænta á Siggi og Esbern at Franziska dugdi fleiri av sangum teirra betri enn teir sjálvir. Franziska gav út sína fyrstu fløgu í 2016 við heitinum “Franziska Gunther”. Ein tónleikaútgáva, sum hon hevur fingið góð ummælið fyri. 

Esben Langkniv hevur frá ungdómsárum verið við í fleiri orkestrum. Í ár 2000 valdi hann tó at seta elbassin, og fara at ferðast sum trubadur og forteljari. Eftir hetta kom hann víða um í Europa og USA. Serstakliga framførsla hansara av søguni Jens Langkniv er sera væl umtóktar. Hon er eisini orsøkin til at hann fekk sær navni Langkniv. Upprunaliga æt hann Esben Bøgh Laursen. 
​
Esben hevur útgivið 6 fløgur.Hin seinasta fløgan “I dissen tider”, 2016, hevur fingið góð ummælið.