Í vikuni hevur borgarstjórin í Kujalleq kommunu í Grønlandi, Stine Egede, verið og vitjað í Føroyum. Hon legði eisini leiðina framvið Atlantic Fair, har hon hitti umboð fyri Klaksvíkar kommunu.

Karl Johansen, borgarstjóri, vísti Stine Egede runt á messuni, og síðan varð skipað fyri einum fundi á loftinum í KÍ høllini, har tað m.a. varð greitt frá ymiskum viðurskiftum í Klaksvíkar kommunu.

​Theresa Turidardóttir Kreutzmann, leiðari á Visit Norðoy, luttók eisini og greiddi hon frá um ferðavinnu í Norðoyggjum. Eitt nú bleiv tosað um, hvussu meira kann fáast burturúr cruice ferðavinnu. Nógv var at tosa um, og Stine greiddi m.a. frá, at tey hava vitjan av umleið 40 cruise skipum árliga.

Klaksvíkar Kommuna

Í døgunum 9-11 mai verður Keldan í Skálafirði karmur um eitt stórsligið Norðurlendskt sang -og tónleikatiltak, undir heitinum ”Sangur yvir landamørk”. Tiltakið varð fyrstuferð hildið í Vennesla í Noreg í 2022 og varð árið eftir endurtikið, eisini í Vennesla í Noreg.

Hesaferð hava fyrireikararnir valt at halda tiltakið í Føroyum, og verður tað í Kelduni í Skálafirði í døgunum 9 -11 mai, har 2 tiltøk verða hvønn dagin, kl. 16.00 og kl. 20.00. 

23 ymiskir bólkar og einstaklingar úr øllum Norðurlondum koma at luttaka, og nærum 300 fólk úr Noregi og Svøríki vitja í Føroyum, í samband við tiltakið. Í samband við, at so nógv ferðafólk eru í landinum í samband við tiltakið verður eisini skipað fyri útferðum, har høvið verður hjá teimum vitjandi, at síggja ymisk áhugaverd støð í Føroyum. 

Nevndin, ið skipar fyri tiltakinum er mannað av Eyðun Jacobsen úr Føroyum, Aud Halsne og Johan Halsne úr Noreg og Mikael Järlestrand úr Svøríki. Hugskotið til tiltakið bleiv til í 2021, har tosað var um, at skipa eitt kristiligt sang -og tónleikatiltak fyri tilkomin fólk. 

Neyvan man nakað so stórt norðurlendskt kristiligt sang og tónleikatiltak hava verið áður í Føroyum, har so nógv útlendsk vitjandi hava verið. 

Fyrireikararnir vóna at tiltakið fær góða undirtøku, og at nógvir føroyingar fara at nýta høvið at vitja tiltakið í Kelduni, har nógv verður gjørt burtur úr hesar báðar dagarnar.

 Atgongumerki skal keypast til tiltakið, og kann atgongd keypast til hvørja einkulta konsert, eindags atgongemerki ella til allar konsertirnar saman. Atgongumerki kann ognast á billett.fo.

Tað verður eisini høvi hjá teimum vitjandi, at keypa okkurt til matna áðrenn, ímillum og eftir tiltøkini.

Eyðun Jacobsen

Mikukvøldið, 01.maj, fáa vit vitjan av kóri úr Minnesota úr U.S.A - Free Lutheran Bible college choir - . Kórleiðari er Andrew Hanson. Kórið fer at framføra góðan kórtónleik við bæði Scandinaviskum og Americanskum uppruna - alt kristnir sálmar og sangir - m.a. Amazing Grace, Joshua Fit the battle of Jerico, The Lord bless you and keep you, The Glory of the Father, bert fyri at nevna nakrar.

Kórið í Christianskirkjuni luttekur eisini, og konsertin endar við, at bæði kórini í felag syngja á føroyskum "Himnafaðir vár vit biða".

CHURCH CONCERT WEDNESDAY 1TH' OF MAY AT 07.30AM
On Wednesday, 1th' of May, we will have a visit by a choir from Minnesota U.S.A - Free Lutheran Bible college choir - . Choir director is Andrew Hanson. The choir will sing choral and hymns from Scandinavia and Amerika - among other things we will hear the choir sing Amazing Grace, Joshua Fit the battle of Jerico, The Lord bless you and keep you, The Glory of the Father, just to name part of the program.

The Choir in the Christianschurch also participates, and the final song will be sung by both choir together, a Faroese hymn "Himnafaðir vár vit biða".

Christianskirkjan