Innvígan av nýggjari urgu og konsert við Trio Ovis – Mikudagin 29. juni kl 17.00.

TrioOvis, við tí heldur óvanligu samansetingina av ljóðførunum; trumpet, trombon ogsaxofon, fer at framføra fýra nýggj føroysk verk í Kunoyar Kirkju.

Tað serstaka við TrioOvis er blandingin av træblásara og messingljóðførum. Við hesari nýggju samanseting ber til at finna fram til nýggj ljóð, og arbeiðir trioin við at finna síni egnu livandi ljómaløg. Áhoyrarin kann tí vænta at fáa eina heilt øðrvísi uppliving.

Stórur dentur verður lagdur á at spæla norðurlenskan tónleik, serliga føroyskan, sum eisini sæst í skránni, ið er samansett av verkum hjá E. Grieg, C. Nielsen, H. J. Højgaard, O. Waagstein við fleiri.

Av tí at talan ikki er um eina siðbundna samanseting av ljóðførum, var einki upprunaverk at spæla, tá ið trioin byrjaði sína yrkisleið heystið 2015. Næstan allur tónleikurin er tískil útsettur av limunum sjálvum umframt at Atli K. Petersen, Kári Bæk og Kristian Blak hava útsett hvør teirra verk.

Til Summartónar hevur bólkurin harafturat fingið fýra føroysk tónaskøld at skriva nýggj verk. Tað eru Kim Kristensen, Heðin Ziska Davidsen, Arnold Ludvig og Sámal Jákup Jakobsen, ið hava smíðjað hvør teirra verk til júst hesa samansetingina.

Amerikanski tónleikarin Chris Brown er aftur ákærdur fyri vold - hesa ferð hevur hansara fyriskipari, Mike G. meldað Chris. Sjálvur sigur Chris, at Mike G. bert er eftir hansara pengum - har Mike G. upprunaliga varð ansettur av Chris í 2012 fyri at reinsað hansara image - eftir at sangarindan Rihanna meldaði Chris Brown fyri vold í 2009. Tá slapp Chris undan geglinum, men hansara umdømið og fløgusøla fór í knús ..!

JáH (y) 26.06.2016

Tónleikarin Neil Young er troyttur av at hoyra um Donald Trump og hevur eisini biðið Trump latið vera við at brúka sangin hjá honum "Rocking In The Free World" í kampagn'ini hjá Trump.

70 ára gamli Young sigur á Facebook, at hann er passaliga troyttur av Trump og at hann ikki forstendur hví Donaldurin er komin so langt, sum hann í veruleikanum er komin. Sjálvur sigur Trump, at honum dámar væl tónleikin hjá Young og er harmur í, at Young ikki dámar seg so væl, sum honum dámar hann.

JáH (y) 12.06.2016

​Í síðstu løtu hevur tað eydnast at fáa Shamrock á skránna. Shamrock hevur sín uppruna úr Miðvági og kunnu vit kanska kalla teir fyri teir føroysku Dubliners. Teir í mannað bólkin eru Henrik Børgesen sang/guitar, Marner Hansen bass/sang og Petur Bærensten mandolin/sang.

Vit halda at tað passar væl at byrja leygardagin við írskum fólkatónleiki, so Shamrock fer á lítla pall, leygardagin kl. 17.00.

Kelda: www.country.fo

​SáH

​Kendi country kennarin, Birgir Kruse, kemur at verða gesta DJ leygardagin 11. juni. 

Birgir kenna vit sum útvarpsvertur á sendingum sum Náttarravnarnir, 15 teir bestu og Rót og Rútmu og nógvum øðrum góðum útvarpssendingum. 

​Vit eru í øllum førum takksom fyri, at Birgir Kruse hevur sagt ja til at leiða okkum eina løtu við góðum tónleiki inni í Wild West.

Popparin Prince doyði av eini yvirdosis - og ikki vita tey enn, hvat fyri stoffir hann er deyður av.

Hann doyði einans 57 ára gamal, har hann bleiv funnin lívleysur í heiminum hjá sær í Minniapolis tann 21. apríl í ár.

Mangan spekulatiónir hava verið rundan um Prince, sum tí seinastu tíðina - livdi eitt sera stressandi lív. AP veit at siga frá, at Prince doyði av eini yvirdosis av opiat (opiumhavin svøvnráð) og at Prince, sum annars varð ímóti royking, drukk og banning - skal hava verið á læknavitjan, dagin fyri, at hann doyði.

JáH (y) 02.06.2016