Innvígan av nýggjari urgu og konsert við Trio Ovis

Innvígan av nýggjari urgu og konsert við Trio Ovis – Mikudagin 29. juni kl 17.00.

TrioOvis, við tí heldur óvanligu samansetingina av ljóðførunum; trumpet, trombon ogsaxofon, fer at framføra fýra nýggj føroysk verk í Kunoyar Kirkju.

Tað serstaka við TrioOvis er blandingin av træblásara og messingljóðførum. Við hesari nýggju samanseting ber til at finna fram til nýggj ljóð, og arbeiðir trioin við at finna síni egnu livandi ljómaløg. Áhoyrarin kann tí vænta at fáa eina heilt øðrvísi uppliving.

Stórur dentur verður lagdur á at spæla norðurlenskan tónleik, serliga føroyskan, sum eisini sæst í skránni, ið er samansett av verkum hjá E. Grieg, C. Nielsen, H. J. Højgaard, O. Waagstein við fleiri.

---

Av tí at talan ikki er um eina siðbundna samanseting av ljóðførum, var einki upprunaverk at spæla, tá ið trioin byrjaði sína yrkisleið heystið 2015. Næstan allur tónleikurin er tískil útsettur av limunum sjálvum umframt at Atli K. Petersen, Kári Bæk og Kristian Blak hava útsett hvør teirra verk.

Til Summartónar hevur bólkurin harafturat fingið fýra føroysk tónaskøld at skriva nýggj verk. Tað eru Kim Kristensen, Heðin Ziska Davidsen, Arnold Ludvig og Sámal Jákup Jakobsen, ið hava smíðjað hvør teirra verk til júst hesa samansetingina.

---

Trio Ovis byrjaði á Jyska Musikkonservatoriinum í Aarhus, tá íð tríggir tónleikarar vildu finna nýggjar leiðir innanfyri klassiska kamartónleikin. Tær, ið manna Trio Ovis, eru: Kristina Thede Johansen á saksofon, Maria Wang Reinert á trombon og Sofie Brems Sørensen á trumpet. Meginparturin av Trio Ovis er úr Føroyum (Kristina og Maria) og er tað tí einki undarligt at trioin hevur fingið júst navnið Trio Ovis. Ovis er latín og merkir seyður.

Ì hesum sambandi, verður nýggja urgan í Kunoyar Kirkju innvígd og tikin í nýtslu. Marjun Lómaklett vígur urguna. Eftir konsertina og innvígan av urguni, verður ein drekkamunnur í forkirkjuni.

Øll eru hjartaliga vælkomin

Kelda: Kunoyar Kommuna

---