​Leingi er tað í væl skal vera, men enn er Garðavegurin ikki liðugt gjørdir.

Hendan samgongan hevur hildu Garðafólk fyri turran spott alla setuna ígjøgnum og eftir at undirritaði hevur skrivað fleiri greinar um hetta vandamikla strekkið, so var farið íholt við Garðavegin, men enn er hann ikki liðugur. 

Síðsta greinin eg skrivaði um Garðavegin varð tann 1.10.2015, sjá grein niðanfyri. Tí sigi eg við tykkum Garðafólk, farið á val 8. november, so skal eg lova tykkum, sum ein gamal Garðafrensur, at Garðvegurin verður gjørdir liðugur og sum eitt av mínum slagorðum til hetta valið er og sum eg standi inn fyri "so verður tað gjørt".

Símun á Høvdanum 

Grein um Garðavegin tann 01.10.2015, klikk her "Hví verður Garðavegur ikki gjørdir liðugur"

​Eitt tað fyrsta eg farið í holt við, um eg fái tykkara stemmu tann 8. november og eg verið valdur inn í Klaksvíkar Býráð, er at vit fara í holt við at rudda økið norðuri í Buchwald. 

Havi ikki sett meg ordiliga inn í, hvat hendan samgongan vil við økinum har norðuri, men tað er stór skomm, at tað verður brúkt til órudd og er hetta tað fyrsta okkara ferðafólk síggja, tá ið ferðamannaskipini leggja at bryggju í Norðhavini, sjá filmsklipp niðanfyri.

KVF tók spurninginum upp fyri mánaðum síðani, men hetta Býráðið hevur einki gjørt við økið, heldur tvørturímóti hava tey dálka Buchwald enn meira. Hetta kann ikki góðtakast longur og tí er tað neyðugt at eg fái tykkara stemmu, so hetta økið verður brúkt til betri endamál.

Økið kundi væl verið brúkt til kampingpláss, tí tað er ein mangulvøra í okkara býi og økið er sera vakurt.

Símun á Høvdanum,
Eg vil okkara býi best

​Seinasta leygardag koyrdi eg ein biltúr runt í Klaksvík og hugdi eftir, havt eg skuldi fara íholt við, um eg bleiv valdur inn í Klaksvíkar Býráð tann 8. november. Var á Buchwald og so var eg eisini norðuri á Strond har snøggu neystini eru og har sær reint út sagt ræðuligt út. Tað er næstan ikki koyrandi við vanligum bili har og mín jeepur hevði ilt við at koyra ígjøgnum stóru hyljarnir sum vóru á vegnum.

Neystaeigarnir hava ongan góðan átt í 4 ár og tískil er tað umráðandi hjá tykkum har norðuri, at Símun á Høvdanum verður valdur inn í Klaksvíkar Býráð, so eg kann fáa skil á óskilinum har norðuri og at tit kunnu fáa tíðarhóskandi veg til tykkara neyst skjótast gjørligt.

Hetta ætli eg mær at arbeiða fyri. um eg fái tykkara stemmu tann 8. november.

Símun á Høvdanum

Sven Dahl og Svein Rógvi Ljósstein eru tvey kend nøvn í býráðspolitiskum høpi í Klaksvík og báðir verða teir at finna á Sjálvstýrislistanum til kommunuvalið í november.

Sven hevur fleiri ferðir áður stillað upp fyri Sjálvstýri, og hevur havt álitisnevndarsessir vegna býráðið í eitt nú Skúlastýrinum. Umframt politisku royndirnar hevur hann eisini royndir sum sjálvstøðugur vinnurekandi í Klaksvík. Sven er útbúgvin bilsmiðjur, og arbeiðir dagliga innan hesa grein. Hann ynskir at leggja dent á fleiri vinnuøkir, og at styrkja um samanlagda skúlan, ið stendur fyri stórum broytingum. 

- Tað hevur verið sera spennandi at sitið í skúlastýrinum hesi seinastu fýra árini. Samanleggingin og byggingin av nýggja skúlanum hava fylt nógv, og hevur tað stóran týdning, at býráðið raðfestir hetta høgt komandi árini, so vit fáa ein vælvirkandi skúla, har børnini fáa bestu fortreytir at mennast, sigur Sven.

Svein Rógvi er leiðari á Magn-støðini í Klaksvík, men tey flestu kenna hann helst frá ítrotti, har hann bæði eigur óteljandi gullmerkir í kappróðri og hondbólti, umframt at hann er maðurin aftanfyri FullPower-venjingarnar. Svein Rógvi hevur eisini fyrr stillað upp fyri Sjálvstýri og til komandi býráðsval vil hann leggja dent á at fremja trivnaðin millum ungdómin í kommununi. 

- Ein býur sum Klaksvík eigur at bjóða ungu borgarunum fjølbroyttar møguleikar í frítíðini, tað verið seg á ítrottarøkinum so væl sum í náttarlívinum, og hesum vil eg virka fyri, sigur Svein Rógvi, sum eisini vil, at býráðið raðfestir heilsupolitikk nógv hægri í framtíðini.

Góðir og royndir menn

Jógvan Skorheim, borgarstjóri og floksformaður fegnast um, at Sven og Svein Rógvi hava gjørt av at stilla upp til býráðsvalið. 

- Sven og Svein Rógvi eru royndir menn, bæði í vinnuligum og politiskum høpi, og so hava teir góðar og væl blandaðar dygdir, sum styrkja um sjálvstýrislistan. Tí hevur tað stóran týdning, at teir hava játtað seg klárar til val fyri Sjálvstýri, sigur Jógvan Skorheim.

Føroyingar keypa alsamt fleiri talgildar nettænastur til stroyming av tónleiki og filmum, so sum Netflix, Spotify, Viaplay o.l.. Meirvirðisgjaldið av hesum tænastum fer tó ikki í føroyska landskassan, men í danska statskassan. Orsøkin til hetta er, at 1. januar 2015 komu nýggjar ásetingar um meirvirðisgjald á talgildum tænastum í gildi í ES, sum inniber, at meirvirðisgjald verður roknað eftir brúkaralandinum. Men av tí at Føroyar ikki eru limir í ES, eru Føroyar ikki partur av hesum samstarvi.
 
Talan er um pening, ið eigur at koma føroyska landskassanum til góðar, tí hevur Sjúrður Skaale, fólkatingsmaður fyri javnaðarflokkin, sett danska skattamálaráðharranum, Karsten Lauritzen, fyrispurning um hvussu stóra upphædd talan er um.
 
Spurningurin er soljóðandi:
Ministeren bedes oplyse det samlede provenu af moms på salg af elektroniske ydelser m.v. (elektroniske ydelser, radio- og tv-spredningstjenester og teleydelser) til forbrugere på Færøerne. Provenuet ønskes angivet dels samlet, dels specificeret på de enkelte ydelser.
 
Danski skattamálaráðharrin hevur 4 vikur at svara føroyska fólkatingsmanninum.

​Elsebeth Mercedis Gunnleygsdóttur
løgtingsmaður
 
Munnligur fyrispurningur
 til
 Eyðgunn Samuelsen, landsstýrismann í almannamálum

Viðvíkjandi fyritíðarpensjónistum
 
1.  Hvørja upphædd fær ein fyritíðarpenjónistur, sum er giftur, útgoldið?
2. Hvørja upphædd fær ein fyritíðarpenjónistur, sum er ógiftur, men livir saman við makanum, útgoldið? 
3. Hvussu høga upphædd kann  makin, ávíkavist giftur ella ógiftur, hjá einum fyritíðarpenjónisti forvinna,   áðrenn brennistudningurin fellur burtur?
 Viðmerkingar:
Sum tað er í dag, loysir tað seg fíggjarliga hjá fyritíðarpenjónistum at búgva saman uttan at vera giftir. 
 
Hetta kann ikki vera rætt,  tí  lóggávan kann ikki diskriminerað tey, sum hava valt at liva í hjúnabandi.
 
 Á Løgtingi, 19. september 2016
 
Elsebeth Mercedis Gunnleygsdóttur

So er listin hjá Norðoya Fólkafloksfelag klárur til kommunustýrisval 2016.

Triðji og seinasti uppstillingarfundurin var mánakvøldið á Skúlatrøð.

Valevnir eru 11 í tali:
Jan Gardar, Hallstein Eivindarsonur Jacobsen, Eyðstein Poulsen Herfrí Sørensen, Beinir Johannesen, Gunvá Við Keldu, Símun á Høvdanum, Erling Petersen, Atli S. Justinussen,  Oddmar Á Lakjuni og Óli Reinert Á Geilini.

Stóri stemmuslúgarin seinasta Býráðsval var Gunnvá við Keldu við 302 stemmu, so spennandi verður tann 8. november, um Fólkaflokkurin fær leisðluna í Klaksvíkar Kommunu aftur.

SáH

Fyrst í vikuni hevði javnaðarflokkurin í Klaksvík triðja og seinasta uppstillingarfundin áðrenn Býráðsvalið tann 8. november.

Valevnini eru hesi:

Petur Martin Hansen
Sólarn Isaksen
Gunnvá Tróndardóttir Joensen
Signhild V. Johannesen
Tummas Lervig
Terja Ósá
Finnbjørn Vang
Hedvig Waagstein

Javnaðarflokkurin hevur eitt umboð í Klaksvíkar Býráð og tað er Signhild V. Johannesen.

SáH

Nú tað stundar í Kommunuvalinum, so fara vit á Norðoya Portali eisini bjóða okkum ÚT til tey, sum vilja sleppa INN.

Til tíðir hevur Norðoya Portalur yvir 160.000 vitjarnir um vikuna, sum svarar til áleið 22.800 vitjarnir um dagin, tó hetta tal kann vera nokkso svikaligt - tí seint so síðsta mánað - høvdu vit yvir 30.000 vitjarnir um dagin.

Men tað merkir ikki tað, at vit seta lýsingarprísin hjá okkum UPP, tí vit vilja so gjarna at okkara prísur er kappingarførir við hinar portalarnir í Føroyum og tískil, so fáa politikara henda prís frá okkum:

100 kr (pluss MVG) pr. grein, tíðindaskriv ella lesarabrøv innan politikk og kann hesin prísur (nærum) ikki vera minni. Fyri at vita meira um okkara lýsingarprísir nú tað fyri alvor stundar til Kommunuvalið 2016, so eru tygum meira enn vælkomin at ringja ella skriva til okkum.

Nærri upplýsingar HER

​JáH (y) 11.09.2016