Arbeiðið, at betra um spillivatnsskipanina og kloakkviðurskiftini við Heygavegin, er vorðið meira umfatandi enn áður mett. Arbeiðstøkan, sum umfatar 63 bygningar, er deild upp í fimm økir, sum eftir ætlan verður liðugt seinni í ár.

Tá arbeiðið fór í gongd í november, sást, at verandi spillvatn- og kloakkskipan var sera slitin. Eisini var vegurin og undirlagið undir vegnum í sera ringum standi, umframt at partar av undirlagnum innihelt mógv, sum nú er grivið upp og burturbeint.

– Arbeiðið hevur verið umfatandi og kravt neyva samskipan, har bæði kommunan, SEV og Føroya Tele hava gjørt ymiskt arbeiði. Harumframt er arbeiðið eisini seinka av nógva kavanum sum lá í januar og februar, sigur Kristoffur Olsen, leiðari á kloakk og Vegadeildini.

Hetta merkir, at øll breiddin av vegnum verður bygd upp av nýggjum, og nýggir vegbrunnar lagdir í. Nú er arbeiðið í sjálvum vegkassanum um at vera liðugt, og roknað verður við, at klárt verður at asfaltera fyrstu 100 metrarnar eftir páskir, umframt at nýggir kantsteinar skulu leggjast.

Nevnast kann eisini at kaðalarbeiðið hjá SEV, sum liggur frá Varmakeldueiði, umvegis Leirvíkstunnilin og Norðoyatunnilin, er um at vera liðugt. Kaðalin er nú lagdur og skjótt verður klárt at tendra fyri nýggju el-veitingar leiðini.

Nú tað skjótt verður koyrandi eftir Heygavegnum aftur, so er kloakkarbeiðið í økinum ikki heilt liðugt enn. Tá verandi arbeiðið er liðugt, verður tað eftir ætlan hildið áfram við kloakkskipanini á Eiðinum, sum helst er eins gomul sum tann á Heygavegnum.

Klaksvíkar Kommuna

Her filmsklipp og myndir, har eg gerið vart við trupuleikarnar á økinum.

Í hesari tingsetu hevur Landsstýrið lagt tilsamans 85 mál fyri Løgtingið, men onki mál  er komi fram um at “TAÐ SKAL VERA ÓKEYPIST AT KOYRA ÍGJØGNUM NORÐOYATUNNILIN” og nú gongur ikki meira at draga hetta málið út. Tíðin er komin at Fólkaflokkurin heldur síni vallyftir.

Veit ikki um FÓLKAFLOKKURIN æltar at brúka Norðoyatunnilin til valagn aftur til næsta Løgtingsval, men heldur ikki Fólkaflokkurin ikki síni vallyftir, so kann væntast, at vit bert fáa 1 tingmann/kvinnu í Norðoyggjum næstu ferð val verður.

Landi sparir nógvar milliónir í umsiting við at tað verður ókeypist at koyra ígjønum Norðoyatunnilin, eisini sparir landi nógvar pengar í leigu og nevndarsamsýningum, so tað er ongantíð ov skjótt at gera tað.

Fyri okkara vinnulív her norðuri hevur tað stóran týdning, vinnulívið verður meira kappingarført og sparir milliónir í tunnilsgjaldið.

SO VERÐUR TAÐ GJØRT.

SáH

Í dag varð fyrsta flagið til nýggja sambýlið, sum skal byggjast á Mýrini í Hoyvík, loyst. Tað var Elsebeth Mercedis Gunnleygsdóttur, landsstýriskvinna í almannamálum, ið loysti flagið. 

Í hesum sambandi var hátíðarhald á staðnum, og nógv fólk var komið saman. Elsebeth Mercedis Gunnleygsdóttur, landsstýriskvinna bar fram røðu:

Góðan dag og vælkomin øll somul!

Í dag er ein stórur dagur, tí at í dag verður spakin settur í til nýggja sambýlið, sum verður bygt her á Mýrini í Hoyvík. Hetta er byrjanin til eina nýggja tíð.

Henda verkætlanin, sum í dag fer av bakkastokki, hevur ein drúgva søgu. Sum øll vita, stóðu tvey sethús her frammanundan, sum var heimið hjá 11 fólkum við menningartarni. Men hesi húsini vóru í ringum standi, og tí valdi man at taka hesi niður og byggja eitt nýtt sambýli.

Hendan verkætlanin byrjaði at álvara í 2017, tá verklagslógin varð løgd fyri Løgtingið. Tá var ætlanin at byggja tveir vardar bústaðir fyri 58 mió. kr. Men tað vísti seg skjótt, at tann kostnaðarmetingin fór ikki at halda. Tí var broytingaruppskot lagt fyri Løgtingið í desember 2020, og samtykti Løgtingið einmælt at byggja sambýlið á Mýrini í januar í ár. Høvuðsprosjektið verður liðugt um ein mánað, og verða arbeiðstøkurnar bodnar út í mai, og klárt at fara undir at byggja í juni.

Og nú eru vit fleiri, sum eru sera spent og gleðast um, at vit endiliga fara undir at byggja hetta nýggja sambýlið. Hetta fer at broyta umstøðurnar munandi til tað betra. Og tey, sum fara at búgva her, og tey, sum varða av, hava fylgt væl við alla tíðina, og eru øgiliga spent uppá, at nýggja heimið verður liðugt, og tey sleppa at flyta inn.

Nýggja sambýlið verður til 18 fólk við lættari og tyngri menningartarni, og ymsum førleikum at klára seg sjálvi í dagligdegnum. Hetta hevur man tikið hædd fyri í innrættingini, og tí verða tað fleiri ymiskt bútilboð í nýggja sambýlinum.

Tey, sum klára seg sjálvi í dagligdegnum, fara at búgva í sjálvstøðugum íbúðum. Onnur hava í størri mun tørv á sosialt samband við hini búfólkini, og at hava starvsfólk rundan um seg. Hetta hevur man tikið hædd fyri í innrættingini. Stórur dentur er lagdur á at byggja soleiðis, og at tað við innrættingini verður stuðlað undir, at búfólkini kunnu hava ein virknan gerandisdag. Bygginevnd og arkitektar hava lagt seg eftir at skapa eitt heimligt og funktionelt heim, har hædd er tikin fyri øllum hesum týðandi pørtum.

Og umstøðurnar verða munandi betri, enn tær vóru – og tað haldi eg, at vit øll frøast um!

Nú byggingin loksins fer av bakkastokki, er hetta byrjanin til eina nýggja tíð, og síðst í næsta ári, verður klárt at flyta inn í nýggja sambýlið.

Og nú henda byggiverkætlan fer at bakkastokki, fari eg at takka bygginevnd, sum við innliti og royndum hevur gjørt eitt stórt arbeiði, og Landsverk fyri ráðgeving og at hava havt verkætlanarleiðsluna um hendi. MAP arkitektar fyri at hava sniðgivið og teknað ein funktionellan og einfaldan bygning, sum tekur hædd fyri tørvin hjá búfólkum bæði inni og uttanfyri. Og allar samstarvspartnarar hjá MAP, sum prosjektera hesa byggiverkætlan. Og takk til Articon, sum fer at standa fyri jørðarbeiðnum, og ynskja tykkum blíðan byr í arbeiðinum.

Eg fari eisini at takka Løgtinginum og allari teirri politisku skipanini fyri at vísa verkætlanini vælvild, eins og øllum teimum, sum hava havt ein virknan leiklut í gera hesa verkætlan til veruleika.

Við hesum orðum er løtan komin, har eg fari at loysa flagið.

 Takk fyri!

​Elsebeth Mercedis Gunnleygsdóttur, landsstýriskvinna í almannamálum

Fleiri mál vóru á skrá á síðsta býráðsfundi. Niðanfyri sæst skráin og býráðssamtyktirnar frá seinasta býráðsfundi, 25. februar 2021.

Býráðssamtyktin sæst her

BÝRÁÐSSKRÁIN TIL FUNDIN VAR HENDAN:
13/21 20/01188-45 Val av umboðum í umboðsráðið fyri Norðoya Fornminnasavn
14/21 20/01188-46 Val av tiltakslimi í nevndina fyri Sjálvsognarstovnin undir Kráarbrekku
15/21 20/01188-43 Val av formonnum til hvørt fólkatingsvalstað, 2021-2024
16/21 19/00950-42 Uppfylgjan av byggisamtyktarbeiðnum fyri Svínoy
17/21 21/00192-3 Fyrispurningur um sundurbýti av matr.nr. 1580 í Klaksvík
18/21 21/00047-9 Stuðul til dokumentarsending um Læknastríðið - SaxoFilm
19/21 20/00819-14 Áskoðaraskýli við Jógvan Waagsteinsgøtu
20/21 16/00196-102 Spæliland - annullering av sáttmála við arbeiðstakara
21/21 14/00763-51 Liðugtgerð av vælveruøki í Klaksvíkar Svimjihøll
22/21 17/00855-33 Veghæddin Biskupstorg – eykajáttan, fyrra viðgerð
23/21 18/00229-56 Jústabrekka 1 leigast út til AV, meirkostnaður umvæling –eykajáttan, fyrra viðgerð
24/21 21/00009-11 Stovnseting og val av Heilsunevnd sum undirnevnd - seinna viðgerð
25/21 21/00152-1 Broyting í kommunustýrisskipanini - rakstrarstaðið "Frítíðarskúlin (Snjallabjalla)
26/21 20/00840-79 Flyta játtan til stuðulskonturnar á trivnaðarøkinum – seinna viðgerð
27/21 17/01446-7 Talgildu Føroyar - Klaksvíkar kommuna gerast samstarvsfelagi? seinna viðgerð

Klaksvíkar Kommuna 01.03.2021