Enn einaferð hevði Jóhan Eli Poulsen eina góða røðu á tingsins røðarapallinum og hesaferð var tað um privatan stuðul til politiskar flokkar, løgtingslimir og valevni, har hann var als ikki samdur við at andstøðuni um hetta uppskotið og fór hann at stemma ímóti og ynski uppskoti har pipari grør.

Hann helt at orðið Christian Andreasen er blivi so ofta nevnt av Tjóðveldinum, at hann tók feil av navninum, tá ið hann bað sítt Faðir Vár, at hann nevndi Christian Andreasen fyrst.

Høgni Hoydal upplýsti honum, at øll okkara grannalond hava hetta uppiskot og hvør spurdi Jóhan Eli, hvør hevði øst hetta málið upp, men til tað svaraði Jóhan Eli, at bara um lúsin er útlendskt, so er alt fínt. Bara okkara grannalondum hava gjørt onkrar býttar lógir, skulu vit so gera tað sama og hvør hevur øst málið upp, tað kundi hann væl siga Høgna Hoydal og tað er Kristina Háfoss, sum frá fyrsta degi av nevndi Christian Andeasen og tí er tað tit sum eiga Apuna.

Formaðurin tók orðið og visti ikki hvør var apa ella ikki og gav orðið víðari til næsta tingmann.

SáH

Í sambandi við at samstarvsráðharrarnir hittust á fundi í gjár, varð frágreiðingin “State of the Nordic Region 2020”, løgd fram í Keypmannahavn. Frágreiðingin er gjørd av norðurlendska granskingardeplinum Nordregio.

Visjónin hjá Norðurlandaráðharraráðnum er, at Norðurlond skulu verða burðardyggasta og mest samansjóðaða øki í heiminum innan 2030. Frágreiðingin gevur eitt umfatandi yvirlit yvir sosiobúskaparligum viðurskiftum í Norðurlondum, og hyggur nærri eftir gongdini, við fokus á tí regionala og kommunali støðinum.

Frágreiðingin vísir, at talið av barnsburðum er fallandi í Norðurlondum. Tað er einans í Føroyum at árliga talið av føddum børnum er hægri enn árliga talið av deyðum, og Føroyar hava eisini tey hægstu burðatølini í Norðurlondum, 2,5 barn pr. kvinnu. Burðatølini í Norðurlondum eru tó samlað sæð hægri enn í ES. Frágreiðingin sigur tó eisini, at átøkini við longdum barnsburðarfarloyvi og góðum barnaansingartilboðum ikki hava stórvegis árin á burðatølini.

Føroyar liggja nr. 16 av 66 regiónum í Norðurlondum, tá talan er um sokallaða Regional Potential Index, sum gevur eina meting av, í hvønn mun økini eru í menning ella hava avbjóðingar. Hetta er 7 pláss hægri enn í frágreiðingini í 2018, og hetta skyldast í størsta mun tí dynamisku arbeiðsmegini. Føroyar hava hægsta arbeiðsfjøld, og lægsta abeiðsloysi í Norðurlondum, eisini tá talan eru um ung fólk.

“Innan norðurlandasamstarvið verður arbeitt av øllum alvi fyri at útinna nýggju visiónina um, at Norðurlond skulu verða heimsins mest burðardygga og best samansjóðaða øki í 2030. Hetta var høvuðsevnið á samstarvsráðharrafundinum, og frágreiðingin um støðuna í Norðurlondum fer at verða eitt amboð, sum vit fara at venda aftur til, og meta okkum upp ímóti, í tí víðari arbeiðinum tey næstu árini. Tað er sera jaligt at síggja, at góða gongdin í føroyska samfelagnum eisini er við til at varpa ljós á okkara land á tí norðurlendska pallinum”, sigur Kaj Leo Holm Johannesen, samstarvsráðharri.

Heilsumálaráðið

Fyrsti uppstillingarfundur til kommunuval 10. november 2020, verður í Gamla Seglhúsinum, Klaksvíksvegur 48 – mánadagin 24. februar 2020 klokkan 19:00.

Norðoya Fólkafloksfelag

Elsebeth Mercedis Gunnleygsdóttur, landsstýriskvinna í almannamálum, sum eisini er landsstýriskvinna í familjumálum, hevur gjørt av at broyta vígslusskjølini, frá maki 1 og maki 2, til maður og kvinna.

Og hjá samkyndum frá maki 1 og maki 2 til kvinna og kvinna ella maður og maður.

Tað er Familjufyrisitingin, um fer at umsita skjølini, og vígslumyndugleikar kring landið skulu tí venda sær til Familjufyrisitingina, tá brúk er fyri fleiri eintøkum av vígsluskjølum.

Vígsluskjølini umfata m.a. Hjúnalagsváttan, Eftirkanningarbók, Vígslubræv og Altjóða Hjúnabandsváttan.

Almannamálaráðið

Kaj Leo Holm Johannesen, samstarvsráðharri, setti í dag evnisráðstevnu hjá Útnorðurráðnum, sum verður hildin í Norðurlandahúsinum. Evnið á ráðstevnuni er mál í útnorði.

Kaj Leo Holm Johannesen varpaði ljós á týdningin av, at vit í norðurlondum og útnorði halda fast um okkara málmenning, og at vit geva okkum far um, at tilflytarar hava avbjóðingar við at fella til og trívast í okkara londum, um teir ikki fáa munadygga málundirvísing.

Kaj Leo Holm Johannesen vísti á, at arbeiðið innan norðurlandasamstarvið í stóran mun hevur verið grundað á tankan um, at vit hava felags virðisgrundarlag, í stóran mun av tí at vit skilja málið hjá hvør øðrum.

”Tað er gleðiligt at Útnorðurráðið varpar ljós á støðuna hjá okkara smáu málum í útnorði, og serliga í mun til børn og ung. Vit hava tørv á at viðgera hetta evnið, fyri at kunna fylgja við í altjóðagerðini, og verða kappingarfør og kunna bjóða áhugaverdar karmar til okkara borgarar”, sigur

Kaj Leo Holm Johannesen.

Røðan kann lesast her

Heilsumálaráðið