At ein stórur partur av tí almenna liggur lamið í Washington og aðrastaðnis - er tí at hvørki Demokratarnir ella Republikaranir blivu einigir áðrenn tíðina um teirra fíggjaætlan.

Eitt stórt trýst hevur verið lagt út til Demokratarnir, sum ikki vilja góðtaka tað, at amerikanski forsetin, Donald J. Trump krevur eina rúgvu av peningin til múrin hjá sær. Forsetin hevur sagt - at fær hann ikki pening til múrin, so skrivar hann ikki undir uppá nakað sum helst. Og tískil so kann roknast við - at partar av amerikanska stýrinum fer at liggja lamið eina tíð afturat - og ávirkar hetta runt rokna eini 800.000 menniskjur í Amerika.

JáH (y) 27.12.2018

Amerikanski forsetin, Donald Trump skrivar á Twitter - at hann hevur tosað við forsetan í Turklandi, Recep T. Erdogan og at hann hevur fingið lovað, at Turkland fer at útrudda IS í Sýria.

- Hann er ein maður, sum er í stand til at gera og Turkland er jú beint við síðurnar av. Okkara herur skal also heim, skrivar Trump bestemtur á Twitter.

JáH (y) 24.12.2018

Sum einari eftirfylgu av deilvísa "shutdown" av Amerika - so hevur amerikanski forsetin bestemma seg til, at vera verandi í Washington D.C. á jólum - tað skrivar CNN eftir úttalilsum frá talskvinnuni hjá forsetanum, Sarah Sanders.

Kona hansara, Melania Trump kemur aftur úr Florida og fer parið at feira jólini saman.

JáH (y) 23.12.2018

Stýrið í Amerika fer møguliga steingja ein stóran part av tí almenna sektorinum niður í kvøld - um semja ikki fæst fyri fíggjaræltan fyri 2019.

Høvuðsgrundin siga teir kønu er, at forsetin Donald J. Trump vil hava góðar 33 milliardir krónir til múrin hjá sær í 2019.

Hvørki Umboðshúsið ella Senati eru einig hvar tey skula finna peningin til projekti og forsetin noktar at skriva undir, um hetta ikki liggur í teirra fíggjarætlan.

Verður ikki ein semja funnin í dag Kl. 19.00 (lokal tíð í Amerika), so verður ivaleyst ein stórur partur av tí almenna sektorinum stongdur í Amerika.

JáH (y) 22.12.2018

Hoyr taluna hjá Páll á Reynatúgvu beinleiðis her og hvat stemmaði Páll á Reynatúgvu, jú hann atkvøddi ímóti misálitisváttanini og á tann hátt gongur hann eisini inn fyri, at heimdilarloysið kann gerast á Føroya landi og ongin kann ábyrgdast fyri nakað sum helst, heldur ikki Rigmor Dam, skommin hjá løgtingsformanninum er fullkomin.

Nú kann so ongin líta á Páll á Reynatúgvu í framtíðini, klikk link herundir og hoyr taluna, hon er heili 9:40 minuttir og í mínum eygum gerð Páll á Reynatúgvu eitt klokkureint sjálvmál ella sjálvmorð við hesari taluni, um man hevur loyvið at siga tað her:

SáH

Sirið Stenberg, landsstýriskvinna í orkumálum, hevur fingið undirtøku fyri at góðkenna serligan elprís til hitapumpur og elbilar. Hetta fyri at eggja til at flyta orkunýtsluna frá olju og bensin til el.

Samgongan setti í samgonguskjalinum framsøkin mál á orkuøkinum fram ímóti størri gagnnýtslu av varandi orkukeldum.

Hesi mál eru til fyrimuns á fleiri økjum: Við at minka oljunýtsluna munandi fylgja vit alheimsgongdini móti at minka um útlátið av veðurlagsgassum, sum hava so vanlukkuligar fylgjur fyri umhvørvið. Gagnnýtsla av okkara egna orkutilfeingi sleppur okkum undan stórum upphæddum til innflutning av olju. Haraftrat verða sveiggini í orkuútreiðslum munandi minni við at brúka okkara egnu orkukeldur.

Skiftið er í tveimum sporum.

Tað eina er, at orkunýtslan á landi, har upphiting av húsum og bygningum skal grundast á varandi orku. Tað sama skal ferðslan.

Hitt sporið er, at elframleiðslan bara skal grundast á varandi orku.

Nøkur stig eru tikin til, at tað skal vera lættari at fáa sær grønar loysnir, eitt nú við afturbering av meirvirðisgjaldi fyri hitapumpur og fyri el- og vetnisbilar. Broytingin í elveitingarlógini, sum nú er samtykt, gevur møguleika fyri, at streymprísurin lækkar fyri hitapumpur og elbilar, so raksturin verður bíligari.

Vónandi fer hetta at skunda undir orkuskiftið. Tess meira verður skift frá olju til el, tess størri grundarlag er fyri at útbyggja framleiðsluna úr varandi orku. Næstu útbyggingarnar av elframleiðsluni verða uppseting av fleiri vindmyllum og pumpuskipan at gagnnýta vatnorkuna meira. Eisini hevur eitt størri kundagrundarlag við sær betri gagnnýtslu av elkervinum og er tí við til at tálma øllum elprísunum.

Sirið Stenberg, landsstýriskvinna,

• Tað er gleðiligt, at ferð er við at koma á orkuskiftið. Hetta er ein leið, sum vit eru noydd at ganga, til frama fyri umhvørvið og okkara eftirkomarar. Tað góða er haraftrat, at hetta er fíggjarliga skilagott, bæði fyri landsbúskapin og tann einstaka.

JáH (y) 19.12.2018
Kelda: Løgtingið

​Í gjárskvøldið, 18. desember, skipaði Demokratia fyri bókaframløgu í sambandi við, at bókin "Kvinnur í kommunupolitikki 1918-2018" er komin út. Tiltakið var í Mettustovu, har millum aðrar Eyðgunn Samuelsen landsstýriskvinna helt røðu. Landsstýriskvinnan hugleiddi um tey fyrstu árini hjá sær í kommunalpolitikki, og segði millum annað:

"Hesi bæði dømini frá míni tíð í kommunalpolitikki lærdu meg tvey ting: at summi mál koma ikki veruliga á skrá, fyrr enn kvinnurnar fara í politikk, og at skalt tú útrætta nakað, so skalt tú fara eftir sessunum, har valdið er. Tað hava vit kvinnur ikki so lætt við, men tað er neyðugt!"

Til ber at lesa alla røðuna her.

JáH (y) 19.12.2018
Kelda: Løgtingið

Obamacare er kanska ikki so gott, sum alskins demokratar vilja vera við til - at so er.

Ein dómari í Texas hevur avgjørt, at The Affordable Care Act, betri kent sum Obamacare er í stríð ímóti Grundlógini, tí at teirra umboð krevja av fólkum, at tey skula keypa sær heilsutrygging.

Reuters skrivar - at avgerðin saktans kann enda í Hægstarætti.

JáH (y) 15.12.2018

Forsetisráðharrin í Bretlandi, Theresa May hevði eina misálitsváttan hangandi á sær ígjár - har stemmast skuldi um hana í bretska Parlamentinum.

May vann við 200 stemmum - ímóti teim 117, sum vóru ímóti henni.

Og tað merkir so eisini, at ein triðingur av hennara egna flokki - hevur stemmað ímóti henni og eitt nú siga onkrir politikarar í Parlamentinum, at hetta átti forsætisráðharrin tikið í álvara og lagt frá sær.

May sjálv er fegin um úrslitið og sigur, at nú kann arbeiðast víðari við Brexit avtaluni og møguliga eisini fáa eina enn betri avtalu í lag við ES. Um tað so fer at eydnast henni - nú hennara egni flokkur, so at siga hevur vent henni bakið - er so ein heilt annar spurningur.

JáH (y) 13.12.2018

Umframt at tað hevur gingið sera illa við samráðingum hjá Theresu May viðvíkjandi Brexit - so er eisini ein misálitsváttan kærd ímóti henni.

Men møguliga megnar May at skera í skorini í kvøld - tí ein nýggj veljarakanning boðar frá, at minst 158 av teim konservativu ætla sær at stuðla forsætisráðharranum - sum er nokk til, at hon yvirlivir misálitsváttanina.

Brexit hinvegin hevur ongantíð sæð verri út enn tað sama - og tað sær út til Bretland fer at gera heimsins vánaligastu avtalu við ES - sum hetta endaliga kemur ígjøgnum. So yvirlivur hon tað í kvøld, so kann vælsaktans roknast við, at hennara politiska karriera er liðug eftir Brexit næsta ár.

Fylg við "live" niðanfyri:

JáH (y) 12.12.2018