Hvat er hetta fyri mismunir? sum okkara fólk innan Koronakanningar gera. Er tað virkuliga so galið, at vit skulu testast og gjalda fyri koronokanningar og íslendingar sleppa frá, sjá vegleiðing herundir.

Personer, der er blevet smittet med COVID-19 eller er blevet vaccineret og 14 dage skal have bestået fra den anden dosis, behøver ikke en test.

Also er einki sum helst skil á okkara fólkavaldu. Hetta eigur slett ikki at lata seg gera, at vit skulu testast og gjalda og útlendingar sleppa frá.

Eri byrjaður at trúgva at hetta er bara ein pengamaskina, sum ongan enda fær. Higartil hava vit goldið 30 milliónir til koronukanningar, Heilsufrøðinga Starvsstovan hevur fingið 16.5 milliónir, Tetis 12.6 milliónir og Smyril Line fingið 900.000,00 kr.

Mín spurningurin til okkara fólkavaldu er, hví skulu vit testast og íslendingar sleppa frá? Les vegleiðing frá
Smyril Line herundir.

Símun á Høvdanum

GG! BÍLEGG OG RINDA FYRI TÍNA COVID-19 KANNING, ÁÐRENN FRÁFERÐ. KOSTNAÐUR FYRI KANNINGINA ER 390 DKK FYRI HVØNN OG SKAL GJALDAST ÁÐRENN CHECK-IN!
VIÐV. KANNING TÁ FERÐAST VERÐUR ÚR DANMARK TIL FØROYAR

Føroyskir myndugleikar krevja, at øll ferðandi 12 ár og eldri skulu kannast fyri Covid-19, áðrenn komu til Føroyar.
Kanningin fer fram á havnaøkinum í Hirtshals áðrenn fráferð. Tá ið ferðast verður úr Hirthals til Føroyar kemur svarið uppá Covid-19 testina, ímeðan tú ert umborð. Um testin er negativ, fært tú ongi boð.

RINDA FYRI TÍNA COVID-19 KANNING HER

Fylg leiðbeiningum frá heilsumyndugleikum.

Fylgjandi leinkur vísa tær vegleiðingar frá hvørjum einstøkum marknaði, har Smyril Line virkar:
Ísland: https://www.covid.is/
Danmark: https://um.dk/
Føroyar: https://corona.fo/
Norröna: https://www.smyrilline.fo/covid-19

Les meira um serliga kunning viðvíkjandi siglingini hjá Norrönu á www.smyrilline.fo

Bestu heilsanir,

vit á Smyril Line

COVID-19 TEST OG BETALING
REJSER TIL FÆRØERNE:
Passagerer på 12 år og derover, der rejser med Norröna til Færøerne, skal testes for Covid-19. Testen finder sted på havnen i Hirtshals, når du rejser fra Danmark.

Hvis du rejser fra Island til Færøerne, bliver du testet om bord.

REJSER TIL ISLAND
Testen finder sted på havnen i Hirtshals, når du rejser fra Danmark. Rejser du fra Færøerne, foregår testen i Tórshavn.
Personer, der er blevet smittet med COVID-19 eller er blevet vaccineret og 14 dage skal have bestået fra den anden dosis, behøver ikke en test.
Børn født i 2005 eller senere behøver ikke at blive testet ved grænsen.
Alle andre passagerer har brug for en test.

Testresultaterne sendes direkte til Smyril Line og vil være klar under overfarten. Kun passagerer, der er testet positive, vil blive kontaktet om testresultatet.

Betaling
Prisen for testen er 390 kr. per person og skal betales online med kreditkort. Udfyld felterne, og fuldfør betalingen, før du ankommer til check-in. Når du har betalt, sender vi dig en kvittering til den e-mail, du registrerer nedenfor. Vær klar til at fremvise denne kvittering ved indtjekning. Hvis du har problemer med at gennemføre din online betaling, bedes du kontakte vores kontor.

Tað stendur í svarinum, ið Elsebeth Mercedis Gunnleygsdóttur hevur givið Brandi Sandoy uppá fyrispurning.

Brandur Sandoy spurdi millum annað hví umlættingar- og dagtilboð til børn og ung við autismu, fjølbreki og øðrum, skuldi steingjast tríggjar vikur hvørt summar. Eisini var spurt um kostnaðin av at hava hesi tilboð opin alt árið.

Landsstýriskvinnan sigur m.a. í svarinum, at orsøkinar til, at tilboðini steingja nakrar vikur um árið, eru bæði fíggjarligar, fakligar og viðvíkja starvsfólkaorku.

​Skuldu tilboðini verði opin alt árið, hevði tað kostað fimm milliónir afturat um árið.

Alt svarið kann lesast her: https://www.logting.fo/mal/mal/?id=9696

Fólkaflokkurin

Brandur Sandoy

Ein rammuavtala millum partarnar skal tryggja samstarv um sáttmálar og eitt javnt lønarlag innan almenna og kommunala geiran.

Kommunala Arbeiðsgevarafelagið (KAF) og Fíggjarmálaráðið (FMR) hava gjørt rammuavtalu, har staðfest verður, at partarnir í mest møguligan mun samstarva um sáttmálasamráðingar og sáttmálar á almenna arbeiðsmarknaðinum.

Rammuavtalan, sum varð undirskrivað í gjár, leggur upp til leypandi kunning og samstarv um lønarsamráðingar.

Avtalan inniber, at miðað verður eftir felags sáttmálum, har tað ber til. Har annar parturin bert hevur fá starvsfólk innan økið, ger størri parturin sáttmála, og hin parturin tekur undir við honum.

Hittast regluliga
Partarnir eru samdir um at samráðast saman um fyrsta sáttmálan fyri eitt nýtt sáttmálaskeið. Á tann hátt áseta partarnir í felag fíggjarligu karmarnar fyri skeiðið.

Landsstýrismaðurin og nevndin í KAF fara at hava hálvárligar fundir. Eisini fara partarnir regluliga at hava status/evaluering av samráðingunum og at sparra um faklig mál.

Tá nýggjar semjur og sáttmálar hava beinleiðis ávirkan á sáttmálaøkið hjá ávikavist KAF ella FMR, fara partarnir at umrøða støðuna saman, áðrenn semja ella sáttmáli verður undirskrivaður.

Javnari arbeiðstreytir
Fyrimunirnir við rammuavtaluni eru, at partarnir tryggja eitt javnt lønarlag innan almenna og kommunala geiran.

Ein annar ágóði er, at sáttmálaásetingar og arbeiðstreytir eru so eins sum til ber. Hetta soleiðis, at ein alment settur innan eitt ávíst sáttmálaøki og ein kommunalt settur innan sama øki hava eins treytir, og at frávik bert eru í serligum førum, har hetta er neyðugt.

Kommunala Arbeiðsgevarafelagið og Fíggjarmálaráðið

Løgmaður hevur gjørt av at tilnevna Magnus Rasmussen sum landsstýrismann í umhvørvis- og vinnumálum. Hann loysir Helga Abrahamsen av.

Magnus Rasmussen varð fyrstu ferð valdur á Føroya løgting í 2015. Hetta samgonguskeiðið hevur hann verið formaður í Løgtingsins fíggjarnevnd.

Hann var borgarstjóri í Runavíkar kommunu frá 2009 til 2015.

Nýggi landsstýrismaðurin er 58 ára gamal, hann er giftur Eydnu Rasmussen og tey eiga tvey børn.

Magnus Rasmussen hevur sín fyrsta arbeiðsdag í dag.

Løgmansskrivstovan

Føroyar. Eitt væl útbygt land við barnagørðum, skúlum, universiteti, vegum, tunlum, undirsjóvartunlum, sjúkrahúsum, almennum stovnum, almennum veitingum, sterkum vinnulívi, hægsta BTÚ pr. íbúgva í danska kongaríkinum og einum Løgtingi sum lóggevur í yvirtiknum málsøkjum.

Føroyingar. Eitt fólk sum arbeiðir hart, er væl útbúgvið, hugsar sjálvt, hjálpir teimum sum eru illa fyri og velur borgararnar sum skulu sessast í Løgtinginum.

Hetta fólk – Løgtingið – hevur ikki loyvt fríari fosturtøku í Føroyum, men tað hava danir og danska Fólkatingið. Altso, tvær ymiskar hugsanir um hvussu vit skulu fara við tí ófødda barninum og kvinnuni.

Tað er hetta sum fær Enhedslisten og De Radikale at trýsta føroyingar til fría fosturtøku. Samstundis sum at Charlotte, danskur yvirlækni, kallar okkum fyri tað svartasta u-landið.

“Det er uacceptabelt, at vi er i rigsfællesskab med et land, som på det her område opfører sig som det sorteste uland” – Charlotte Wilken-Jensen

Vit kunnu lættliga staðfesta at miðal føroyingurin ikki hugsar og meinar tað sama sum ein miðal danskari. Men at kalla okkum fyri “det sorteste uland”, av tí at vit hugsa øðrvísini, er at fara langt yvir mark.

Hvørji eru hesi at kalla okkum slíkt? Vit sum hava eitt so sterkt fólk og væl útbygt samfelag. Og hvørjir halda hesir donsku politikararnir seg vera, tá teir blanda seg uppí lóggávu sum liggur í føroyskum hondum?

Hesum útsøgnum og trýsti vísi eg harðliga aftur! Samstundis sum eg gleðist um at Kaj Leo og onnur longu hava verið úti og átala hesum.

Fosturtøkumálið er okkara. Tað eru vit føroyingar, eitt væl upplýst fólk, sum tekur avgerð um, um vit loyva fríari fosturtøku ella ikki.

Steffan Klein Poulsen, løgtingsmaður

Her er eitt lesarabræv sum aftursvar uppá m.a. hesar greinarnar:

• https://www.bt.dk/politik/politikere-vil-presse-faeroeerne-aborten-skal-saettes-fri?fbclid=IwAR2H9yYa6cbfMFtOyjCnrNQj2w3QWQcxk6kcyaTXjc3KAyDeJJrOwaMjUA8
• https://www.in.fo/news-detail/vilja-bjoda-foeroyskum-gentum-til-danmarkar-at-faa-fosturtoeku
• https://www.in.fo/news-detail/oserioest-at-danir-bjoda-foeroyskum-kvinnum-fosturtoeku

Eg mundi dottið av stólinum, tá eg í gjárkvøldið sá innslag í Degi og Viku um undangóðkenning av byggifyritøkum, sum kunnu sleppa at bjóða uppá Fámjins tunnulin.

Innslagið var m.a. ein roynd misteinkiliggera undirritaða og umstøðurnar kring tað avgerð, sum Fíggjarmálaráðið hevur tikið.

Lat meg fyrst siga, at eg ongan sum helst leiklut havi havt í málsviðgerðini av hesum máli. Mín leiklutur í málinum er, at eg eri nevndarformaður í JK Petersen og havi verið tað seinastu 30 árini. Eg eigi ikki eina krónu í partapeningi í felagnum.

Avgerðin í Fíggjarmálaráðnum – sum í mínari verð er ein rein fyrisitingarlig avgerð – er tikin av einum løgfrøðingi í Fíggjarmálaráðnum. Eg kenni ikki viðkomandi løgfrøðing, sum eg heldur ongantíð havi tosað við.

Hóast innslagið vardi einar 10 minuttir, fekk hyggjarin ongantíð nakað sum helst at vita um, hvørjar grundgevingar Fíggjarmálaráðið hevði fyri sínari avgerð.
Fyrst skal sigast, at tað er púra vanligt, at avgerðir, sum stovnar undir einum aðalráðið taka, verða kærdar. Sum oftast er kærumyndugleikin lagdur til Føroya

Kærustovn, men í onkrum føri er tað yvirskipaða aðalráðið, sum er kærumyndugleiki.

Eg havi ongantíð áður hoyrt ein stovnsleiðara pástanda, at tað skal skiljast sum at trýst verður lagt á hann, tá hann hevur tapt eitt kærumál. Tað vanliga er, at viðkomandi stovnsleiðari tekur avgerðina hjá yvirskipaða myndugleikanum til eftirtektar og avgreiðir málið samsvarandi hesum.

Men eftir øllum at døma er hetta ikki galdandi fyri stjóran á Landsverk.

Málið snýr seg um heilt banala løgfrøði: Kann ein myndugleiki síggja burtur frá eini freist, tá serligar umstøður gera seg galdandi?
Fíggjarmálaráðið sigur í síni niðurstøðu, at ein undangóðkenning ikki er lógar regulerað og at ein myndugleiki tí hevur heimild til at víkja frá eini tíðarfreist.

Kjarnan í málinum er, at JK Petersen sendi síni skjøl 2 tímar ov seint til Landsverk.

Fíggjarmálaráðið sigur í síni niðurstøðu, at Landsverk sambært ítøkiligu umstøðunum í málinum hevur verið beinleiðis orsøk til misskiljingar, hetta tí Landsverk av sínum eintingum broytti freistina, frá einum hósdegi kl. 14.00 til mánamorgunin kl. 9.

Fíggjarmálaráðið sigur í niðurstøðuni, at broytta freistin førdi til misskiljingar, og at Landsverk tí skal bera váðan av hesum misskiljingum.

At Landsverk tykist vilja berjast við hond og fót ímóti, at ein av størstu byggifyritøkunum í landinum ikki skal sleppa at bjóða uppá eina so stóra verkætlan, tykist mær heilt margháttligt.

Landsverk umboðar byggiharran, sum sanniliga má sigast at hava ein avgjørdan áhuga í, at so nógvar fyritøkur sum gjørligt sleppa at bjóða uppá eina verkætlan. Jú fleiri fyritøkur sleppa at bjóða, størri eru sannlíkindini fyri, at byggikostnaðurin verður lægri!!

Eg havi verið í føroysku byggivinnuni seinastu 30 árini og kenni yvir høvur ikki til nakað “heilagt princip” um tíðarfreistir í samband við undangóðkenning, og at ein “undangóðkenning er ein integreraður partur av útbjóðingini”.

Øll sum eru partur í byggivinnuni vita, at freistir sera ofta verða broyttar, at licitatiónir verða útsettar, at licitatiónir verða avlýstar og hvat veit eg.

Tað er eftir míni metan púra vanligt, at ein myndugleiki undir konkretum umstøðum kann víkja frá eini tíðarfreist. Til dømis kann Landsrætturin viðgera eitt kærumál hóast kærufreistin er farin, og tað sama kann ein kærunevnd.

Tað er tað eingin grund til at spyrja Kamaradvokatin um, skal eg heilsa og siga.

Christian Andreasen

Skotgrøvspolitikkurin má enda! Tað kemur alt ov ofta fyri, at andstøðuflokkarnir reingja veruleikan.

Seinasta dømi um tað er skrivið hjá Javnaðarflokkinum, har tey siga seg ikki taka undir við ætlanunum hjá samgonguna at privatisera SEV.

Tykkum nýtast ikki at stúra – SEV verður ikki privatiserað. Tað hevur ongantíð verið ætlanin!

Eins og nú, fer SEV framhaldandi at framleiða streym burtur úr orkuverkum og vatnorku. Tí er tað skeivt, tá Javnaðarflokkurin sigur, at vit missa ræði á grundleggjandi samfelagsligum økjum. Tað gera vit ikki.

Men framyvir kunna privat feløg framleiða streym inn á netið hjá SEV, sum vunnin burtur úr vindorku.

SEV kann eisini gjøgnum onnur felag bjóða uppá verkætlanir viðvíkjandi framleiðslu av streymi burtur úr vindorku.

Vit hava skilt, at SEV longu hevur stovnað eitt interkommunalt felag til endamálið. Tað gjørdi Kári Johansen, nevndarformaður í SEV, greitt í útvarpinum. Also eingin privatisering. Tað verður ongin ognarlutur í SEV privatiseraður.

Nýggja kommunala felagið, sum skal arbeiða eftir marknaðartreytum, skal arbeiða sjálvstøðugt av SEV, og tí slepst undan illgitinugum um armslongd og manglandi gjøgnumskygni, og at SEV hevur buktina og báðar endarnar í samband við útboð av vindmyllum.

«Landsstýrið ætlar, at privatar fyritøkur, ofta við útlendskum eigarum, nú skulu einsamallar og uttan kapping frá SEV at leggja seg á alla vindframleiðsluna í Føroyum» – sigur Javnarflokkurin í skrivinum.

Hetta eru somu illgitingar og reingjan av veruleikanum, sum vit tíverri síggja alt ov ofta. Tað einasta vit vilja er at fáa eina gjøgnumskygda kapping millum javnt stillaðar partar, so besti prísurin fæst fyri brúkaran.

Vit tí leisti, sum nú er avtalaður, verður gjørligt at náa málsetninginum um, at el-framleiðslan í Føroyum í nógv størri mun skal koma frá grønum orkukeldum.

At Javnaðarflokkurin er ímóti ætlanunum hjá samgonguni er sín sak, men brúkið sakligar grundgevingar í kjakinum.

Christian Andreasen

Á ólavsøku byrjaði ein nýggj tingseta. Hetta er tann triðja í hesum valskeiði, ið eisini vitnar um, at nú byrjar hetta skeiðið so smátt at halla. Nú skeiðið er hálvrunnið, kann mann hyggja aftureftir og síggja hvat er framt hagartil.

Nógv er longu framt og nevnast kann:
-       Nýggja fiskivinnulóggávu, ið hevur skapt støðugari karmar

-       Nýggja veiðugjaldslóg, ið leggur upp fyri sveiggjum í fiskaprísi og fiskiskapi

-       Føroysk veðurtænasta sett á stovn

-       Fólkapensjonistar hava kr. 1.250,- meira at liva fyri um mánaðin

-       Lærlingafrádráttur settur á stovn, ið ger tað liviligari og áhugaverdari at vera lærlingur

-       Frádráttur til tey, ið virka innan ítrótt hækkaður

-       Tunlarnir norður um fjall farnir í gongd

-       Fleiri serlæknar settir og fleiri útbúgvingarpláss til yngri læknar

-     Játtanin á øllum sjúkrahúsum økt og vera ábøtur og dagføringar gjørdar á øllum trimum sjúkrahúsum

-       Barsilsfarloyvi longt 4 vikur, so tað nú er 52 vikur

-   Bústaðarpakki á 450 milliónir samtyktur, ið skal nýtast til leiguíbúðir, lestraríbúðir og búfelagsskapir til fólk við serligum tørvi.

Bert fyri at nevna nøkur mál úr rúgvuni.

Nú eru so aðrir málsetningar, ið skulu røkkast og eru fleiri nevndir í frágreiðing løgmans á ólavsøku.

Samgongan hevur sett sær fyri, at vit skulu stremba eftir at útbúgva eftir tørvinum hjá samfelagnum. Tí er tað gott, at ein alaraútbúgving og ein handverkmeistaraútbúgving verður sett á stovn. Tørvurin á fólkið, ið útbúgva seg sum námsfrøðing, sjúkrarøktarfrøðing, heilsurøktara og hjálpara er stórur. Men áhugin er ikki lítil – tvørturímóti. Tað eru langir bíðilistar at sleppa inn á hesar útbúgvingar og er grundarlag fyri at hava fleiri flokkar, enn man hevur í dag.

Í ískoytispartinum til røðu løgmans verður nevnt, at man miðar ímóti at útbúgva fleiri á hesum økjum – tað er gott, men hvussu gera vit tað? Skulu vit bara játta fleiri pengar? Ella skulu vit umraðfesta, tá tað kemur til útbúgvingar, og velja okkurt frá? Eg haldi tað seinna.

Vit bjóða nógvar útbúgvingar út á Setrinum. Men í hvønn mun vera hesar veittar út, tí tað er tørvur á teimum í samfelagnum? Er stórur eftirspurningur eftir hesum, ímun til nógv annað? Eru tær alneyðugar at hava, ímun til nógv annað? Eg loyvi mær at ivast, og er neyðugt at fáa svar uppá hetta.

Nógv annað gott og spennandi verður nevnt í løgmansrøðuni. Broytingar viðvíkjandi fólkaskúlanum, broyingar í kringvarpsgjaldinum, broytingar í dagpeningaskipanini so hon fevnir um sjálvstøðug vinnurekandi, fyrisitingarbygningur til Klaksvíkar Sjúkrahús, einskiljingar og nógv annað.

Verður ein spennandi tingseta, har tøk skulu takast, Føroya fólki at frama.

Beinir Johannesen

Fólkaflokkurin

​So verður tað ikki gjørt, men so lætt sleppur mín flokkur ikki.

Vit høvdu eitt vallyftið til seinasta val og tað var, at tað skuldi vera ókeypist at koyra ígjøgnum Norðoya Tunnilin og tað vallyftið skulu vit halda nú.

Norðoya Tunnilin kostaði 395 milliónir tá ið vit lótu hann upp tann 29. apríl 2006 og bara teir seinastu mánaðanir hevur Heðin Mortensen borgmeistarin í Tórshavnar Kommunu fingið omanfyri 200 milliónir til vegakervið har suðuri, 110 milliónir til uttara ringvegin, nakað nógvar milliónir til innkomuvegin, avtalu um grót o.a., so samlað umleið helvtina av kostnaðinum av Norðoya Tunnilinum og har vit skulu gjalda í áravís til Norðoya Tunnilin, sum er útgoldin og nú er blivin til eina mjólkimaskinu og tey har suðuri sleppa undan at gjalda nakað sum helst fyri teirra vegakerv og vil Heðin Mortensen hava meira, so fær hann tað, man skuldi trúð at Javnaðarflokkurin var í samgonguni.

Soleiðis er politikkur nú á døgum, 100tals milliónir vera brúktar í høvuðsstaðnum, ongin sigur nakað. Nakrar milliónir vera brúktar í útjarðarnum og tað verður gjørt til nakað heilt stórt, men sum eitt ein lítil dropi í havinum, tá vit samanbera okkum við Tórshavnar Kommunu.

Her mín meining um Norðoya Tunnilin dags dato 04.08.2021, sjá filmsklipp herundir.

SO VERÐUR TAÐ GJØRT.

Símun á Høvdanum, Trustrup

Samgongan hevur higartil avgreitt fleiri mál hesi bæði árini hon hevur sitið.

Enn eru fleiri mál eftir at loysa. Millum annað gongd í haga, einskiljingar og útveitingar av almennum virksemi, ferð skal setast á grøna orkuskiftið og almenni útreiðsluvøksturin skal tálmast. Tað fara vit undir nú!

Christian Andreasen var framsøgumaður Fólkafloksins, tá løgtingið fór undir viðgerina av ólavsøkurøðu løgmans.

Fólkaflokkurin

Christian Andreasen