Ted Cruz nærkast heilt ávorliga Donald Trump - nú hann eisini hevur vunnið í Wyoming. Republikanarin Ted Cruz fekk øll 14 umboðini (delegatini) í Wyomin ígjár og so skal sigast, at hesin statur ikki heldur Undanval. Ístaðin velja teir 475 limini í flokkinum hvønn teir vilja hava inn og tað endaði also við einari atkvøðu - og hana vann Cruz.

Cruz hevur nú 559 umboð og kappingarneytin Donald Trump hevur 744 umboð - og fyri at vinna, so hevur ein brúk 1.237 umboðum, um ein ynskir at enda sum Forsetavalevni hjá tí Rupublikanska Flokkinum.

Og Týsdagin verður tað heilt spennandi, tí tá verður Undanval í New York og tað fer heilt sikkurt, at ganga vilt fyri seg.

JáH (y) 17.04.2016

Kl. 10:30. Hilary Clinton og Bernie Sanders kjakast beint nú - og tað gongur vilt fyri seg.

Sjá LIVE kjak niðanfyri:

JáH (y) 15.04.2016

Hvussu nógv rinda akfør?

Fyrispurningur um, hvat akfør rinda og hvat veganetið kostar, settur landsstýrismanninum í fíggjarmálum, Kristinu Háfoss (at svara skrivliga eftir TS § 52a)

1. Hvussu nógv rinda akfør í skrásetingargjaldi, vegskatti, bensin- og dieselgjaldi og MVG av brennievni? Best um svarið varð útgreinað.

2. Hvussu nógv brúkar landsstýrið til viðlíkahald og íløgur í veganetið í ár.

3. Ætlar landsstýrismaðurin í fíggjarmálum at fáa javnvág millum hesar inntøkur og útreiðslur.

Viðmerkingar:
Mangan verður sagt, at akfør skulu rinda fyri vegir, tunnlar og brýr. Tí er hesin spurningur ætlaður at lýsa, hvat akfør rinda og hvat veganetið kostar.

Akfør rinda skrásetingargjald, sum gevur landskassanum stórar upphæddir hvørt ár. Eisini rinda akfør vegskatt, sum kann kallast atgongumerkið til at brúka vegakervið. Í 3. lagi rinda akfør bensin og dieselavgjald, hvørja fer tangin verður fyltur. Eisini verður rinda MVG inn í landskassan fyri brennievni.

Hesin spurningur er at vita, hvussu nógv akfør rinda inn í landskassan.

Landskassin hevur eisini útreiðslur til veganetið. Tí verður spurt, hvussu nógv landskassin brúkar til viðlíkahald og nýíløgur í vegir, tunnlar og brýr. Undirsjóvartunnlar liggja enn uttan fyri hetta roknstykkið.

Akfør rinda munandi meira inn í landskassan í mun til, hvat veganetið kostar í viðlíkahaldi og íløgum. Her eigur at verða samsvar, og tí verður landsstýrismaðurin í fíggjarmálum spurdur, um hann ætlar broytingar, so samsvar verður millum gjald og kostnað.

Á Løgtingi, 11. apríl 2016

Jørgen Niclasen

Eins og Forsætismálaráð-harrin í Íslandi varð noyddur at siga seg úr starvi, so kann tað vera at Forsetin úr Argentina, Mauricio Macri eisini verður noyddur at siga seg úr starvi - nú tað er komið framm, at bróður og pápi hansara hava havt brøv í Panama.

Sjálvur segði Mauricio Macri ígjár í beinleiðis sjónvarpi, at hann hevur reint mjøl í posanum og at hann onki hevur at fjala sjálvur - men Macri verður nú kannaður av serkønisdeildini hjá Tollvaldinum og vísur tað seg, at eisini hann hevur vilja sloppið undan, at gjalda skatt - so kann hann eisini vera noyddir at siga seg úr starvi.

JáH (y) 08.04.2016

Tað brennur kanska undir føtrunum hjá Borgarstjóranum og Løgtingsliminum fyri Javnaðarflokkinum - og tískil so hevur Heðin boða frá, at verður hann valdur sum Borgar-stjóri aftur fyri Havnina, so tekur hann seg úr Løgtinginum.

Men tað er eitt men við tí heila - tí sjálvur sigur Heðin við KVF, at hann ikki ætlar sær at taka seg úr Løgtinginum - um hann nú ikki endar sum Borgarstjóri fyri Tórshavnina. Hetta er jú eitt upplagt valagn hjá Heðini Mortensen, tí sum øllum kunnugt so er Kommunuval í November í ár.

Í Klaksvík fer nokk hinvegin, at standa væl til hjá Jógvani Skorheim, sum hóast tær mongu stemmurnar - ikki slapp í Løgtingi at sita, tí Klaksvíkar Býráð vildi ikki hava tað soleiðis, at ein kundi vera Løgtingslimur og Borgarstjóri samstundis. Tískil kemur Skorheim sikkurt at hava eitt serstakiliga gott Kommunuval í ár.

JáH (y) 06.04.2016 

Ted Cruz vann á Donald Trump ígjár, har teir kappaðust um statin Wisconsin.

Nøkur undanval hava nú verið og sigurin ígjár hjá Cruz - ger tað, at hesir báðir fara at berjast nakað væl afturat.

Donald Trump hevur nú 737 umboð og Ted Cruz hevur 481 umboð - og skal Trump nú vinna 500 umboð afturat fyri at sleppa at vera valevni hjá Republikanska flokkinum til veruliga Forsetavali, ífylgi tíðarritinum Aljazeera.

Bernie Sanders vann annars eisini og styttist eisini ímillum hann og Hilary Clinton - men tó er tað alt, sum týðir uppá, at Clinton verður valevni hjá Demokratiska flokkinum.

JáH (y) 06.04.2016

Næsta ár hækkar barnafrádrátturin fyri børn millum 0 og 6 ár við 2.700 kr. Úr 6.500 upp í 9.200 kr. árliga. Samgongan hevur sett sær sum mál at gera tað fíggjarliga lættari fyri smábarnafamiljur. Tí eru 12 mió. kr. settar av í játtanarkarminum fyri 2017 til endamálið.

Við hækkingini verður samlaði miðal barnafrádrátturin fyri børn yngri enn 7 ár 15.550 kr. árliga, fyri hvørt barnið. Hetta er grundað á, at miðalbarnafrádrátturin hjá kommununum er 6.350 kr. í 2016, og afturat hesum kemur barnafrádrátturin hjá landinum í 2017 á 9.200 kr. árliga.

“Vit hava sett okkum fyri at fremja fleiri átøk, sum tryggja varandi fólkavøkstur og vaksandi trivnað í Føroyum. Smábarnafamiljurnar eru millum tey, ið ofta eru fíggjarliga sperd. Við hesum hækkaða barnafrádráttinum lætta vit um gerandisdagin hjá barnafamiljunum í Føroyum.  Vit hava longu longt barsilstíðarskeiðið við 6 vikum, hava sett í verk ískoyti til barnafamiljur í trongum fíggjarligum korum, og hava veitt lág- og miðaløntum ein skattalætta á 137 mió. kr. í 2016.  Nú taka vit enn eitt stig við økta barnafrádráttinum, sigur Kristina Háfoss, landsstýriskvinna í fíggjarmálum.

Í 2014 fingu foreldur barnafrádrátt í skattinum fyri samanlagt 13.400 børn (0-17 ár).  Av hesum var frádrátturin í landsskattinum samanlagt 84 mió. kr. og barnafrádrátturin í kommunuskattinum 81 mió. kr.  Umleið 4.500 børn eru millum 0 og 6 ár.  Sambært Manntalsgrunninum hjá Hagstovuni vóru tað 3.200 húski, sum høvdu børn yngri enn 5 ár í 2011.

Fíggjarmálaráðið 04.04.2016