Týskvøldið 3. desembur kl. 19.30 verður Liturgisk gudstænasta í Christianskirkjuni við Marjuni Lómaklett, har leikfólk fara at lesa teir sjey lestrarnir frá boðanini um føðing Krists til vísmenninar úr Eysturlondum.
Ímeðan lisið verður, verður sjeyarmaði ljósastakin tendraður.

Løtan verður hildin við sálmasangi, stillum urgutónleiki og møguleiki er fyri at tendra ljós.

Kórið í Christianskirkjuni syngur.

​Aftaná gudstænastuna verður ein góður drekkamunnur og adventshugni í kirkjukjallaranum. Hjartaliga vælkomin øll somul!

“THE SEVEN READINGS” – IN CHRISTIANSKIRKJAN, KLAKSVÍK.
On Tuesday the 3th of December at 7.30 pm there will be “the seven readings”-service in Christianskirkjan, Klaksvík with Marjun Lómaklett.

Lay people will read the seven readings from the proclamation of the birth of Jesus to the wise men of the East.

While reading, the seven branched candlestick will be lit.

There will be quiet organ music, you can light a candle, and hymns will be sung.

​The Choir in the Christianschurch will sing.

After the service, there will be coffee and cake served. Everyone is welcome!

Christianskirkjan

So er hugnaligi jólamánaðin fyri framman og nógvu jólatiltøkini eru á skrá.
 
Vit hava gjørt eina jólaskrá sum er tøk á www.visitnorth.fo/jol 
 
Leygardagin 30. nov kl. 16 verður jólatræið í Vágstúni tendrað har Marjun Lómaklett, prestur, og Signhild Johannesen, býráðslimur, halda røðu og Klaksvíkar Hornorkestur spælir vakran jólatónleik. Vit hava eisini frætt at jólamaðurin kemur at tendra jólatræið og hevur biðið Trøllapætur og ommudidd um at hjálpa sær. Aftaná verður ein góður kaffimunnur í Varpinum har Eliana Svøðstein hevur prýtt vindeyguni við íblástri úr ævintýrinum Narnia.
 
Leygardagin kl. 17 letur «jól í gamla Klakksvígshandlinum upp. Ein sýnisgluggi inn í eina farna tíð har handilshús, apotek, stovur og tað siðsøguliga uttanfyri er endurskapað. Opið hvørt vikuskifti til jóla.
 
Sí annars jólaskránna á www.visitnorth.fo/jol

VisitNorth

Fríggjamorgunin, 29. november -, og tað er komandi fríggjadag -, er Vøggusangur kl. 10:00 fyri pinkubørn 0-1 ár.

Nýggjur bólkur er upprættaður til Vøggusangin í ár "Vøggusangur í Christianskirkjuni 2024" har nærri kunning v.m. er um Vøggusangin. 

Øll pinkubørn 0-1 ár eru hjartaliga vælkomin.

Aftaná Vøggusangin er hugni og drekkamunnur í kirkjukjallaranum.

CRADLE SINGING ON FRIDAY 29TH' OF NOVEMBER AT 10 AM
Cradle singing in the church in Klaksvík is going to be this Friday 29th' of November at 10 am for babies 0-1 year.

All parents of children 0-1 years old can bee members of the facebook group "Vøggusangur í Christianskirkjuni 2024", where there is more information. All babies 0-1 years old, and their parents are welcome.

After the Craddle singing we have a cozy moment with coffee, tea and bread in the church's basement.

Christianskirkjan

Nýggj Bíbliulesiætlan fyri kirkjuárið 2024-2025 er nú komin. Hon er at fáa runt alt landið í kirkjum, fríkirkjum og samkomum. Bíbliulesiætlanin í ár byrjar nú sunnudagin 1. sunnudag í advent, sum í ár er 1. desembur.

Hví bíbliulesiætlan?
Tað er ein avbjóðing hjá teimum flestu at lesa skipað í Bíbliuni. Men við bíbliulesiætlanini hava vit eitt hent amboð, sum kann lætta um dagligu avbjóðingia. Lesiætlanin er ein kalendari við útvaldum skriftstøðum til hvønn dag í árinum, og sunnudagar fylgja tekstarøðini í Fólkakirkjuni. Endamálið er at geva føroya fólki eitt amboð til skipaðan lestur í bíbliuni.

Øll hava gagn av at lesa Bíbliuna

Tað stendur øllum frítt at lesa Bíbliuna sum tær lystir. Tey flestu lesa helst einsamøll, meðan onnur lesa saman. Summi lesa frá byrjan til enda, og onnur í brotum. Í øllum førum er bíbliulestur ein kelda til lív, íblástur og uggan í tungum sum góðum døgum.

Føroyska Bíbliufelagið
www.biblia.fo

​Vita tit at tað er mentanarnátt í Klaksvík nú leygardagin 19. okt? 🤎🧡💛

Stór skrá har Klaksvíkin spennir seg út. Skráin sæst her: https://visitnorth.fo/heystglod/#skra ( psst minst til at klikka á leygardag í skránni)

Um tað er okkurt lekkurt tilboð í handlunum, ein túr til djórini í Kunoy, ein túr í brummina, síggja tyrlu, brandbilar ella politibilar, ella á super konsertirnar sum eru um kvøldið við Heiðrikki og Frændum so ætla vit at njóta dagin 🧡🤎💛

Eitt sindur av hátíðardámi verður eisini við setan av mentanarnáttini í Varpinum kl. 14, har forkvinnan í mentanarnevndini, Johanna Christiansen, fer at halda røðu og aftaná verður ein tónleikaframførsla v/ Guðrun Sólju og Janus Kampmann og uttan iva verður okkurt heitt at drekka við onkrum søtum afturvið.

Norðoya Kunningarstova

Tann 20. september kom Klaksvík tónleikabólkurin Adrenaline út við nýggjum staklagi "Sólin".

Eitt gott kærleikslag og við Go í.☀️🔥
Stórt tillukku Adrenaline.

SáH

Hetta skrivar Tórður Sóleyarson, sum spælir guitar hjá Adrenaline á sín Facebook vanga:

Endiliga var tað her!🤩
Nýggjasta staklagið hjá okkum “Sólin” er úti nú!☀️🔥
Tað er at hoyra á Spotify, Apple Music, YouTube og allastaðni har tú lurtar eftir tónleiki!🎶🥳
Lurta eftir Sólin á Spotify her⬇️🙌🏽
https://open.spotify.com/track/5QB1bV9USEL7JeJPU4ZLST
Her á YouTube, klikk herundir⬇️​

Í samband við Virkið Heyst skránna, har Klaksvíkar kommuna setir sjóneykuna á tiltøk, sum eru góð fyri sálarheilsuna, verður skipað fyri tveimum áhugaverdum konsertum.

Fyrra konsertin verður við Daniu O. Tausen í Nólsoyar-Pálshúsinum. Konsertin verður hóskvøldið 26. sep. Kl. 21.00. Atgongumerki á 150 kr. kunnu keypast á atgongumerki.fo.

Seinna konsertin er ein øðrvísi konsert við systkjunum Guðrið Hansdóttir og Bjarka Hansen. Konsertin verður í Svimjihøllini í Klaksvík, leygardagin 28. sep. kl. 21.00.

​Atgongumerki á 150 kr kunnu keypast á atgongumerki.fo.

Klaksvíkar Kommuna

Hóskvøldið 26. septembur kl. 19.30 verður ungdómsgudstænasta í Christianskirkjuni við Ann Hermansdóttir, studentapresti.

Undir gudstænastuni verður nógv spennandi á skránni. Tað verður góður sangur, og møguleiki verður eisini at tendra ljós, og at fáa eina samtalu ella forbøn.

Eftir gudstænastuna verður ein drekkamunnur at fáa.

Øll eru hjartaliga vælkomin – ung sum eldri.

YOUTH SERVICE ON THURSDAY EVENING 26TH' OF SEPTEMBER AT 7.30PM

On Thursday evening, 26th' of September at 7.30pm, we have a Youth service with the student priest, Ann Hermansdóttir. During the service we have a lot of exciting stuff on the program. There will be good singing, and the opportunity to light a candle, as well to get a conversation and prayer.

​After the service everyone is welcome for coffee, tea and cakes in the church's basement.

Everyone is heartly welcome, young people as well as older people

Christianskirkjan

​🐟🐟🐟Fiskikappingin 2024🐟🐟🐟

​Árliga fiskikappingin í Norðoyggjum sum Skúlaskipið Dragin skipar fyri, verður leygardagin 28. september 🛥🎣🐟😃

***Góðir 𝐯𝐢𝐧𝐧𝐢𝐧𝐠𝐚𝐫***
Aftur í ár verða sera góðir vinningarnir lættnir:
Nr. 1: Tveir gávukekkar á 4.000 kr. (Stuðul: Christian í Grótinum)
Nr. 2: Tveir gávukekkar á 3.000 kr. (Stuðul: Christian í Grótinum)
Nr. 3: Tveir gávukekkar á 2.000 kr. (Stuðul: KSS )
Størsti fiskur: Gávukekkur á 2.000 kr. (Stuðul: RVtøkni  )

Harumframt verður lutakast millum allar luttakarar, ið ikki gerast millum vinnararnar - Vinningur: Ein gávukekkur á 2.000 kr. (Stuðul: KSS )

Inntøkan av søluni fyri fiskin, fer óskerd til rakstur av skúlaskipið Dragin.

Dragin

Við 30.000 krónum í vinningi skipar Nám aftur í heyst fyri stuttfilmskapping fyri flokkar og bólkar í hádeild og á miðnámi. Kappingarevnið í ár er heimsmál 6, sum snýr seg um reint vatn og reinføri.
 
Longdin á lidna filminum skal í mesta lagi vera 7 minuttir, og frásøgumátin er upp til næmingarnar í samráð við læraran. 

Skriv er sent til lærarar, har upplýst verður um smálutir í kappingini. Nevnt verður, at inspiratión er at finna á ráðstevnuni First Island Water Congress, sum Jarðfeingi skipar fyri í Norðurlandahúsinum í septembur.
 
Stuttfilmurin verður gjørdur sum partur av undirvísingini, og lidni filmurin skal eisini kunna brúkast til undirvísing.
 
Innkomnu filmarnir verða mettir eftir trimum viðurskiftum: 

    Hvussu sannførandi søgan er
    Hvussu tøknin er frágingin
    Hvussu tað hevur hepnast at brúka filmisk frásøgusnildi.

Í dómsnevndini sita Árni Øregaard, Karina Toftegaard, Birgir Kruse og Sólvá Jónsdóttir.
 
Freistin at lata lidna filmin inn er úti 12. novembur 2024 kl. 23.59. Týskvøldið 3. desembur 2024 kl 19:00 verður eitt úrval av innkomnu filmunum víst í Havnar Bio. Tá fer útgávuleiðarin í Námi at kunngera vinnaran og handa vinningin.
 
Nám