Í gjár var Eyðgunn Samuelsen, landsstýriskvinna og vitjaði Dugna.

Hedvig Jóhansdóttir, stjóri í Dugna greiddi landsstýriskvinnuni frá um virksemi á Dugna, og vísti runt á Verkskúlanum á Hjalla, har arbeitt verður við at finna og at menna førleikarnar hjá hvørjum einstøkum, samstundis sum stórur dentur er lagdur á endurnýtslu og góðsku.

Á Verkskúlanum á Hjalla er teldustova, matstova, træverkstaður og Tinghúsið.

Eyðgunn Samuelsen, landsstýriskvinna var væl nøgd við vitjanina:

“Tað er áhugavert og gleðligt at vitja ein stovn, har tað verður hugsað øðrvísi, og har dentur er lagdur á at finna loysnir, soleiðis at tey, sum royna síni arbeiðsevni á Dugna og ganga á skúlanum við Áir, veruliga finna tað, sum tey eru dugnalig til, og har tey blóma” segði Eyðgunn eftir vitjanina.

Ása Olsen, forkvinna í stýrinum og Jóhan Samuelsen, næstformaður, vóru eisini við, eins og Allan Mørkøre, leiðari fyri Verkskúlanum á Hjalla eisini var við á vitjanini.

JáH (y) 23.09.2015
Kelda: Almannamálaráðið

Sig Frá! er við á Fólkafundinum, ið er í dag og í morgin í Ítróttarhøllini á Hálsi í Havn.

Kl. 14.30 báðar dagarnar fer Poula Lervig, løgfrøðingur í Almannamálaráðnum at hava framløgu: "Fráboðanarskylda og tagnarskylda á barnaverndarøkinum", og leygardagin fer Oddbjørg Balle, sálarfrøðingur og leiðari á Barnaverndarstovu Føroya og í Barnahúsinum at greiða frá "Barnahúsið - lýsing av virkseminum".

Til ber at vitja básin hjá Sig Frá! báðar dagarnar, har høvi verður at fáa eitt prát við samskiparan av Sig Frá! verkætlanini, Elin Winther Poulsen.

Fólkafundurin byrjar kl. 11.00 alment í dag 18. september og endar leygardagin 19. september, tá seinasta tiltakið hevur verið. Tað er ókeypis at vitja Fólkafundin.

Eyðgunn Samuelsen, landsstýriskvinna hevur í morgun havt sína fyrstu almennu uppgávu sum landsstýriskvinna í almannamálum, tá hon setti Autismaráðstevna 2015 í Norðurlandahúsinum. Nærum 400 fólk hava meldað seg til ráðstevnuna, sum verður í dag og í morgin við eini røð av fyrilestrum og verkstovum. 

Les meira HER

JáH (y) 18.09.2015
Kelda: Almannamálaráðið

Fólk sum vilja minkað um vandan við kreft - eru farin til E-sigaretturnar. Men nú vísur tað seg, at tær heldur ikki eru heilt ófarligar.

Ein 23 ára gamal maður skuldi fara at fáa sær ein guv í steðginum. Men tað næsta hann minnist er at hann er endaður á skaðastovuni. E-sigarettin eksploderaði nemliga, tá ið hann skuldi pumpa sær ein guvara.

Sí video niðanfyri:

JáH (y) 17.09.2015