News.fo og Norðoya Portalurin vóru ein biltúr, tá ið tað leikaði harðast á í morgun. Landsverk boðaði frá á teirra heimasíðu, at í hvirlunum var upp til 44 m/s á Gerðabøi.

Fór ein biltúr til Gerðabø og rætt hevði Landsverk, har kom ein sera hørð hvirla, sum var heilt sikkurt omanfyri 44 m/s, eg stoppaði bilin og krokaði við húsini hjá Karl Hera og tað stóð nógv á, so tað var best at venda bilin og so inn aftur til Klaksvíkar.

Løtu seinni komu Fuglberg og Skoraberg aftur av túri, teir høvdu brotið túrin av vegna veður.

Her ein hvirla tikin upp á Stongunum beint eftir klokkan 8, sjá filmsklipp.

​SáH

BREAKING NEWS:Aarhus Universitethospital kann nú staðfesta, at ein maður hevur fingið Coronavirus í Aarhus.

Hesin maðurin hevði verið á einari ráðstevnu í Munchen, har hann væntandi hevur fingið sær smittuna.

Nú eru tríggir danir smittaðir, ein frá TV2, ein á Ríkissjúkrahúsinum í Keypmannahavn og nú í morgun ein í Aarhus.

Les meira, klikk her, “Tredie danske person bekræftet smittet med COVID-19”

Sjá filmsklikk herundir, mín meining í løtuni.

Her kunnu tit fylgja við, hvussu nógv eru smittaði av Coronavirussinum runt heimin, klikk her; "Coronavirus COVID-19"

SáH

Av tí, at kikhosta farsóttin í Danmark ikki er av, hevur landsstýrismaðurin í heilsumálum, Kaj Leo Holm Johannesen gjørt av at leingja tilboðið um ókeypis koppseting ímóti kikhosta til barnakonur. Tilboðið verður longt til tann 30. apríl 2020.

Kikhosta farsóttin hevur verið verri at basa, enn fyrst hildið, tí hava donsku heilsumyndugleikarnir mælt til at leingja tilboðið um koppseting til barnakonur móti kikhosta. Landsstýrismaðurin hevur fylgt tilmælinum frá donsku heilsumyndugleikunum og longt tilboðið.

Tá barnakonur verða koppsettar, verða nýfødd børn vard teir fyrstu mánaðirnar, áðrenn tey sjálvi kunnu verða koppsett. Harvið verður byrgt fyri, at børnini gerast sjúk við kikhosta.  

​Tær barnakonur, sum ynskja at verða koppsettar ímóti kikhosta, skulu venda sær til egnan kommunulækna.

Landsstýrismaðurin gleðist um, at barnakonur framhaldandi kunnu hava møguleikan at koppsetast móti kighosta.

Heilsu- og Innlendismálaráðið