Sjálvt um tey allerflestu velja at koppseta síni børn ímóti messlingum o.a., so eru tað onnur, sum ikki vilja tað. Í Dagur & Viku ígjár fortaldi Sylvia Thomsen - at hon varð ein teirra, sum ikki vildi koppseta síni børn, tí at hon varð bangin fyri at børnini eitt nú kunna útvikla autismu. Barnalæknin Fróði Joensen er tó ikki heilt einigur við Sylviu Thomsen og sigur at onki prógv er fyri at koppseting elvir til autismu.

Men Sylvia Thomsen, sum er eisini er útlærd sjúkrasystir, gevst ikki so - tí soleiðis skrivar Sylvia Thomsen, eftir sendingina av Dagur & Viku ígjár:

Barnalæknin, Fróði Joensen, sigur, at tað ikki gevur meining at kanna MFR koppsetingina ímóti einum placebo bólki, tí so finnur man ikki útav, hvussu effektiva immunverju ein fær av koppsetingini. Hetta skilji eg, sum at hann heldur tað vera púra óneyðugt at kanna hesa koppseting fyri hjáárin, tí hesi kunnu ikki uppdagas nøktandi uttan ein 100% neutralan placebo-bólk. Sum brúkari, krevji eg onki minni enn tað, um eg skal taka av tilboðnum at koppseta mítt barn. Hetta geldur allar koppsetingarnar umframt alla koppsetingarætlanina í síni heild. Tað eru fleiri vísundaligar kanningar, sum benda á korrelatión ímillum td. autismu og koppseting. Incidencurin av autismu er hægst har flest koppsetingar eru í ætlanini, td. í USA, ímeðan incidencurin er lægst, har ongin koppseting er. Tað eru eisini aðrir faktorar. Fróði hevur møguliga rætt, at tað ikki er nøkur kanning sum greitt staðfestir, at MFR vaccinan direkta elvir til autismu. Tað er nú heldur ikki so undarligt, síðani ongin kanning er sniðgivin til at fanga hjáárini ímóti einum "saltvatns-placebo bólki".

Men hvat halda tit ..? Skula vit koppseta okkara børn ella ikki ..? Sig tína meining HER á Norðoya Portali.

JáH (y) 28.02.2015

Bert 15 % av fólkunum fáa gagn av at drekka vín í moderatum mongdum. Ein nýggja nordisk kanning vísur á, at drekka nøkur gløs av vín um dagin - bert er sunt um tú hevur eitt serligt gen.

Les meira HER

JáH (y) 02.02.2015
Kelda: Videnskab.dk