 Ein nýggj kanning gjørd úr Hollandi vísur nevniliga, at fysiskur aktivitetur hevur eina jaliga effekt uppá at læra nýtt og minnast betri og innlæringin er størst, um tú íðkar áleið 4 tímar eftir, at tú hevur lært okkurt nýtt. - Okkara kanning vísur á, at ein kann minnast betri við at íðka sport, eftir at ein hevur lært nakað nýtt, sigur Gullén Fernandez, sum hevur verið við at gera granskingina á Donders Institutinum, Radboud University Medival Center í Hollandi. So hevur tú lisið nakað, sum tú gjarna vilt minnast til - so eru ongar umberingar, men bert at hoppa uppá súkkluna og fara tær ein súkklutúr - ella um tú onga súkklu eigur, so RENN ..! JáH (y) 26.06.2016
0 Kommentarer
 Klaksvíkar kommuna bjóðar nú borgarum í Norðoyggjum avgreiða nøkur av sínum viðurskiftum við kommunulæknan umvegis ein nýggjan viðtaluportal, sum hevur fingið heitið www.laknarklaksvik.fo
Hósdagin 23. juni 2016 vóru Jógvan Skorheim, borgarstjóri, og Óluva Klettskarð, nevndarforkvinna, í Læknamiðstøðini við Sandin í Klaksvík og tendraðu nýggja viðtaluportalin, ið skal gera tað lættari hjá viðskiftafólkum at avgreiða nøkur av sínum kommunulæknaørindum. Í hesum umfari fer skipanin at fevna um hesi kommunulæknaørindi, sum norðoyingar nú kunnu avgreiða á www.laknarklaksvik.fo: • Bílegging av tíð hjá lækna • Umbøn um avlýsing ella broyting av tíð hjá lækna • Endurnýggjan av resept Mannagongdin er tann, at viðskiftafólk fara inn á www.laknarklaksvik.fo, og har tøppa tey neyðugu upplýsingarnar inn í eitt oyðublað, sum skipanin síðani sendir Læknamiðstøðini. Síðan taka læknaskrivarar sær av víðari viðgerð av umbønunum og senda svar aftur til viðskiftafólkið. Kann víðkast til alt landið - Hetta átakið er ein liður í stremban okkara at menna og betra tær tænastur, sum verða veittar borgarum okkara, siga Óluva Klettskarð og Jógvan Skorheim, sum eisini vísa á, at henda skipan, sum nú verður roynd í Norðoyggjum, kann víðkast til at fevna um alt landið, so hetta frambrot kann koma øllum borgarum tilgóðar. - Hetta er ein einføld skipan, sum eisini riggar á smærri eindum so sum teldlum og snildfonum, og tí vóna vit, at fólk fara at taka henda møguleika til sín. - Viðtaluportalurin kemur ikki ístaðin fyri verandi, men er ein møguleiki aftur at verandi telefonviðtalu á tlf. nr. 663300, sum vit kenna í dag, er framvegis møgulig at nýta. Trygg skipan Skipanin lýkur øll krøv um tryggleika, har allir upplýsingar verða væl vardir, og har útgerðin liggur í tryggum kørmum hjá Føroya Tele. Upplýsingar fara tí ikki út um landoddarnar, sum er eitt lógarkrav frá almennari síðu. Tað er fyritøkan Formula, sum hevur ment skipanina. Kelda: Klaksvíkar Kommuna |
Greinar
November 2019
|
RSS-feed
