Meira enn helvtin av føroyingum vigar ov nógv, vísir ein kanning hjá Fólkaheilsuráðnum

Kanningin visir, at støðan er versnað nógv seinastu árini. Í 2003 vóru tað 44 prosent av fólkinum, sum vigaðu ov nógv.

Magni Mohr, formaður í Fólkaheilsuráðnum, sum var gestur í Degi og Viku, sigur, at gongdin í Føroyum er tann sama sum aðrastaðni í heiminum.

Sjá innslag HER

Uha da da - so má ein vist fara at taka seg saman, men mín erfaring vísur seg - at tað eitt ávorligt spark í reyvuna á einum, tá ið mann er komin har-til, at ein hevur trupuleikan, at ein nevniliga "vigar ov nógv". Spurningurin er so eisini - um tað ger nakað, at man vigar eitt sindur ov nógv ..? Hvat halda tit ?

​JáH (y) 31.10.2018
Kelda: KVF

​Í dag er seinasti arbeiðsdagurin hjá Magnus Magnussen, kommunulækna í Klaksvík og eftir sum hann er mín lækni, tók eg myndatólið við og tók nakrar myndir.

Spurdi hann, hvat hann nú fór at gera? segði hann, at nú trongdi hann til at sleppa burtur sum Kommunulækni og taka sær av løttum. Hetta er ein gleðisdagur og eg havi glett meg til hendan dagin.

Eg bleiv hansara seinasti sjúklingur, sum fekk viðgerð frá honum, tað var at lata meg koppseta fyri influensu.

Ikki var nógv gjørt burtur úr, nú Magnus Magnussen gavst. Klokkan var eitt sindur yvir eitt, tá ið eg kom inn í Læknamiðstøðini og fann eg øll starvsfólkini inni í kaffistovuni, har  tey hugnaði sær við kaffi og rundstykkum, winerbreyði og okkurt sunnum. Tað var tað heila og 20. min. gingu, so vóru øll aftur til arbeiðis.

Eg vil takka Magnus Magnussun fyri sera góða tænastu, øll hesi árini, hann hevur  verið mín lækni. Betur lækna fær man ikki.
​
Símun á Høvdanum

”Virkin eldri” er vorðið eitt afturvendandi og vælkent hugtak, og sæst tað aftur í býarmyndini, at fólkapensjónistar í Norðoyggjum hava fjølbroyttar møguleikar, tá ið tað kemur til hugna, venjing og samveru.

Alex Sólstein er ein av teimum 40-50 pensjónistunum, sum dúgliga møta til eginvenjing í venjingarhølunum hjá Ven og virka á Kjalarvegnum.

Venjingarhølini eru opin hvønn týsdag og hósdag kl. 9 – 12, og eftir venjingina er altíð ein kaffimunnur at fáa í Smæruni. Hendan hugnaliga samveran eftir venjing hevur stóran týdning fyri hugin, ásannar fyrrverandi skúlastjórin.

– Eg føli so avgjørt væl, at venjingin er heilsufremjandi fyri meg, og eg eri altíð glaður fyri kensluna í kroppinum, tá eg havi rørt meg eitt sindur. Men eg má eisini viðganga, at kaffimunnurin og hugnaligu prátini, sum eru í Smæruni eftir venjingina, gera hugin at koma til eginvenjing enn betur, sigur Alex Sólstein við einum smíli. Tað er brúkararáðið fyri virkishúsið Smæruna, sum sjálvboðin skipa fyri kaffimunninum.

Eginvenjingin er eitt tilboð hjá Norðoya Bú- og Heimatænastu, men tað eru tey eldru sjálvi, sum stýra venjingini. Hóast starvsfólkini hjá NBH eisini eru til staðar og til reiðar at vegleiða teimum, sum koma til eginvenjing, so eru eldru borgararnir sjálvir óførir at leggja hvørjum øðrum lag á. Umframt at vera tøk til vegleiðing, standa hesi starvsfólkini eisini fyri ergo- og fysioterapi tænastuni hjá Norðoya Bú- og Heimatænastu.

Gerda Arge kennir eisini væl til hetta, at hugni og samvera hevur stóran týdning fyri hugin til at fara til venjing. Hon er fastur gestur í Svimjihøllini, tá eldrasvimjing er á skránni har hvønn leygarmorgun. Vanliga møta eini 20 – 30 fólk til eldrasvimjing, og eisini her verður hugnin og samveran sett í hásæti.

– Vit svimja, drekka kaffi, njóta góðu umstøðurnar í svimjihøllini og geva okkum góða tíð til sauna. Tað kennist fyribyrgjandi, tá hørðu strálurnar í baðilandinum mýkja vøddarnar, og tí eru vit eisini sera spent til nýggi vælverudepilin opnar, sigur Gerda, sum viðmælir øðrum at royna tilboðið.

Endaleysir møguleikar
Eginvenjingin í Ven og virka og eldrasvimjingin í Klaksvíkar svimjihøll eru bert tvey dømi um møguleikarnar fyri einum virknum aldurdómi. Umframt tilboðini og tænasturnar, sum Norðoya Bú- og Heimatænasta veitir, er eisini ein ørgrynna av øðrum tiltøkum og tilboðum til eldri.

Til dømis hava Klaksvíkar kvøldskúli og Handarbeiðsskúlin fyri stuttum kunngjørt vetrarskránna, har fleiri serlig tilboð eru ætlað eldri borgarum, og harumframt eru eisini fleiri afturvendandi tiltøk í Norðoyggjum, sum nógv eldri vitja og brúka javnan. Til ber at kunna seg nærri um nøkur av mongu tilboðunum her.

Um eginvenjing og eldrasvimjing
Eginvenjing er eitt ókeypis tilboð, sum Norðoya Bú- og Heimatænasta veitir øllum fólkapensjónistum í Norðoyggjum. Eginvenjingin fer fram í Ven og virka á Kjalarvegi 48, týsdagar og hósdagar kl. 9 – 12 (halgidagar og frídagar undantiknir).

Eldrasvimjing er tilboð í Klaksvíkar svimjihøll hvønn leygarmorgun kl. 9 – 10. Í hesum tíðarskeiði er svimjihøllin bert opin fyri pensjónistum, men til ber eisini at svimja, tá svimjihøllin annars er opin fyri almenninginum.

Atgongd til svimjihøllina kostar 20 kr fyri fólkapensjónistar, og til ber eisini at keypa sær 20- ella 10-túrakort til pensjónistar fyri ávíkavist 350 ella 190 kr.

Her síggja tit fleiri myndir, klikk her: "Virkin eldri seta sín dám á býrarmyndina"

Kelda: www.nbh.fo

SáH