Mentamálaráðið  hevur hetta skúlaárið sett í verk sálarfrøðiliga tænastu til miðnámsskúlaøki.

Í august mánaða í ár eru tveir sálarfrøðingar settir í hálvtíðarstarv til at veita samrøður til næmingar í miðnámsskúlunum kring landið. Tilboðið er eitt samstarv millum Mentamálaráðið, Sernám og miðnámsskúlarnar, og er ein royndarskipan, ið skal virka fyrbils skúlaárið 2015-2016.

Hetta gevur nú øllum miðnámsskúlanæmingum atgongd til ókeypis sálarfrøðiligar samrøður, tá tørvur er á tí.

Royndir aðrastaðni vísa, at ung  fólk, ið stríðast við eitthvørt sálarligt, eitt nú einsemi, avriksótta, tunglyndi ella annað, kunnu fáa gagn av sálarfrøðiligum samrøðum.

Til ber hjá næmingunum at venda sær til lestrarvegleiðingina í skúlunum fyri at fáa meiri kunning um tilboðið.   
​    
Mynd: Súsanna Skaale og Annika Helgadóttir Davidsen røkja sálarfrøðiligu tænastuna í miðnámsskúlunum

Sjónvarpstøðin TV2 Norra hevur eina áhugaverda grein og eitt filmsklipp um krabbamein, les greinina her "Kreftsvulster forsvinner: -Det største gjennombruddet på 40 år"

SáH