Eg havi ongar ongar ætlanir um at flyta heilsudepilin úr Vágum. Eg ætli mær hinvegin at menna og styrkja heilsudepilin.

Verkætlanin, sum vit nú fara undir ber heitið "Heilsutænastur í nærumhvørvinum". Í hesum liggur, at tað er partur av sjálvum hugtakinum um fyribyrging at tænastan er nær borgarunum og harvið lætt atkomulig.

Í tí tilfari, sum er sent út um ætlanina, og sum vit hava kunnað allar partar um, er ætlanin at arbeiða í størri økjum, við sterkum heilsudeplum. Skotið verður upp, at tey trý læknadømini – Vága, Norðstreymoy og Eiðis læknadømi – verða løgd saman í eitt heilsuøki.

Í einum heilsuøki kunnu vera ein ella fleiri heilsudeplar. Tað framgongur eisini av tilfarinum. Og júst í hesum økinum, sum er eitt sindur spjatt landafrøðiliga, verður við vissu neyðugt við fleiri heilsudeplum til tess at veita øllum borgarum í økinum heilsutænastur.

Kommunulæknaskipanin er ein grundsúla undir okkara heilsuverki. At gera eina umskipan skal og fer at  reisa spurningar. Tað er gott. Tí á tann hátt fáa vit ta besta úrslitið. Eg vóni inniliga, at vit fáa eina uppbyggjandi og livandi viðgerð, nú arbeitt verður við at bøta um okkara kommunulæknaskipan, til frama fyri bæði fyri tey, ið hava brúk fyri tænastu og tey, ið virka í skipanini.

Sirið Stenberg, landsstýriskvinna í heilsu- og innlendismálum

Talsmaðurin hjá tí amerikanska Forsetanum, Donald J. Trump hevur sagt alment, at Obamacare fer at doyggja av sær sjálvum:

- Eg trúgvi ikki okkara heilsuætlan er deyð. Obamacare, hinvegin, fer at doyggja av sær sjálvum. Og tað fer at henda skjótt, segði Spicer við fjølmiðlarnir.

Hetta kemur í kjalarvørinum av, at uppskotið hjá tí Republikanska flokkinum um at broyta Obamacare - ikki varð til reiðar til tíðina og ikki kundi vera tikið til hoyringar. Men tey lova úr tí Hvíta Húsinum, at tað fer at vera til reiðar í august mánaði.

Eftir at heilsu-uppskotið hjá Republikanska flokkinum ikki bleiv til veruleika álíkavæl á hesum sinni - eru meiningarkanningarnir í Amerika, at einans 36 % av tí amerikanska fólkinum eru nøgd við arbeiðið hjá Donald J. Trump og tað er lægsta talið nakrantíð hjá Forsetanum.

JáH (y) 28.03.2017

Landsstýriskvinnan í heilsu- og innlendismálum, Sirið Stenberg, hevur sett Sjúklingaráðið av nýggjum. 

Uppgávan hjá Sjúklingaráðnum er at verða ráðgevandi hjá landsstýriskvinnuni í málum um viðurskifti, ið hava týdning fyri veitingar til sjúklingar í sjúkrahúsverkinum.

Landsstýriskvinnan hevur valt Sjúklingaráðið út frá innsendum uppskotum frá sjúklingafeløgum og áhugabólkum. Tey, ið manna Sjúklingaráðið, eru:

Jákup N. Olsen, Tórshavn
Kristiana Rein, Tórshavn
Trúgvi Jacobsen, Tórshavn
 
Jóna Skorheim, Klaksvík
Pauli Klakkstein, Klaksvík
Silvia Thomsen, Ánir/Klaksvík
 
Maud Benjardøgg, Vágur
Emil Michelsen, Øravík
Jeanna í Lágabø, Vágur.
Sjúklingaráðið hevur havt fund í dag og hevur skipað seg. Jákup N. Olsen heldur fram sum formaður, og Maud Benjardøgg heldur fram sum næstformaður. 

Sambært kunngerð skal landsstýriskvinnan velja eitt sjúklingaráð við níggju limum, út frá landafrøðiligum atliti, sum skal hava møguleika at viðgera øll heildarmál um viðurskifti, ið hava týdning fyri veitingar til sjúklingar.

JáH (y) 15.03.2017
Kelda: Løgtingið

​Kann tað hugsast, at tað endiliga kann lata seg gera at transplantera eitt fremmant gagn uttan at geva immunniðursetandi heilivág? 

Immunniðursetandi heilivágur hevur til endamáls at tryggja, at sjúklingurin ikki skjýtur transplanteraða gagnið frá sær. Hesin heilivágur kann við tíðini hava við sær hjáárin sum infektiónir, krabbamein o.s.fr. 

Í prinsippinum kann hetta lata seg gera.

Angelica Maria Mohr Gregoriussen hevur skrivað eina vísindaliga grein um hetta, sum er almannakunngjørd í viðurkenda online tíðarritinum “Frontiers in Immunology”. Hon hevur gjørt eitt modell, sum m.a. avdúkar eina heilt grundleggjandi immunologiska mekanismu. Modellið er mett at vera besta frágreiðing higartil, hvat hesum viðvíkur.

Les meira HER

JáH (y) 10.03.2017
Kelda: Gransking.fo