​Í gjár vórðu 603 fólk koppsett. 162 fólk fingu fyrra prikið og 441 fólk fingu tað seinna. 

Nú hava 35.567 fólk fingið fyrru koppsetingina. 32.241 fólk hava fingið seinnu koppsetingina, og eru liðugt koppsett.

Tilsamans 67.808 koronukoppsetingar eru gjørdar í Føroyum.

Heilsumálaráðið

Hósdagin kunnu fólk aftur støkka inn á sjúkrahúsini og verða koppsett uttan at hava bókað tíð frammanundan.

Góð undirtøka hevur verið fyri at støkka inn til koppseting og tí verður hetta roynt aftur.

Støkk inn verða hesar tíðir hósdagin 5. august.

Á Suðuroyar sjúkrahúsi kl. 17-18
Á Klaksvíkar sjúkrahúsi kl. 12-13 (Umráðandi er at brúka høvuðsinngongdina, sum vendir oman móti vágni)
Á Landssjúkrahúsinum kl. 18-19