Í gjár vórðu 804 fólk koppsett. 84 fólk fingu fyrra prikið og 720 fólk fingu tað seinna.

Nú hava 25.952 fólk fingið fyrru koppsetingina, hetta svarar til 48,7% av fólkatalinum. 16.505 fólk hava fingið seinnu koppsetingina, og eru liðugt koppsett, hetta svarar til 31% av fólkatalinum.

Tilsamans 42.457 kopppsetingar eru gjørdar í Føroyum.

Heilsumálaráðið

Tveir nýggir smittutilburðir vórðu staðfestir í gjár. Tað vísa nýggjastu tølini hjá landslæknanum.

Báðir tilburðir eru partur av kendari smittuketu.

706 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 298.641 kanningar.

768 persónar hava fingið staðfest smittuna í Føroyum. 755 persónar eru staðfestir frískir aftur. Higartil er ein persónur deyður við koronu í Føroyum.

Í løtuni eru 12 persónar smittaðir við koronu.

Heilsumálaráðið 

Seinastu vikurnar hevur ymiskt verið á skránni í samband við Virkið vár, har eitt av endamálunum hevur verið at varpa ljós á tiltøk í býnum, sum eru heilsufremjandi kropsliga og sálarliga.

8. mai skipaði Fólkaheilsuráðið fyri heilsukanningum. Nógv fólk tóku av tilboðnum, og fingu eisini tilboð um, at koma til uppfylgjandi heilsukanning 2. juni. Hetta er tó flutt til 5. juni millum kl. 11:15 og 14:15. 

Øll eru hjartaliga vælkomin at gera heilsukanningarnar, sum vera á Skúlatrøð, í hugnakrókinum ið vendir niðan ímóti skúlagarðinum. Til ber at kanna BMI, feittprosent og vødda mongd. Kaffi, te og frukt verður eisini at fáa. 

Klaksvíkar Kommuna