Nú fer jólareikanin at byrja. Ein stórur spurningur hesa ársins tíð er sjálvandi, hvussu jólaborðhaldini, sum vit seta í samband við hugna og gaman, verða í ár, nú koronusmittan lúrir.

Fleiri stór arbeiðspláss hava valt at avlýsa jólaborðhaldið í ár. Onnur býta seg upp, har ymisku deildirnar hava jólaborðhaldið fyri seg. Hetta ber tíbetur boð um, at nógv eru tilvitað um koronutilmælini.

Tað er sera týdningarmikið, at øll brúka sítt vit og skil, tá ið tey annaðhvørt fyriskipa ella fara til eitt jólaborðhald. Tað er avgerandi, at bæði reinføri og frástøða verður sett fremst – eisini undir jólaborðhaldinum og í øðrum veitslulagi.

Tað eiga í mesta lagi um 20 fólk at koma saman til eitt jólaborðhald ella annað veitslulag.

Heilsumálaráðið

Í dag eru 44 kost- og føðsluserfrøðinar savnaðir til miðskeiðis fund hjá felagnum á Hotel Brandan.

Undir vælskipaðum korona-umstøðum hava vit hoyrt forkvinnuna Elisabeth Akursmørk greitt frá, hvussu nevndin arbeiðir og um ætlanirnar framyvir.

Nevndin hevur gjørt tilfar til at eggja kommunalpolitikarar at ganga rættan vegin føðsluliga. Bæði um kost til børn og ung umframt føðslutrot, sum ætlanin er at senda til tey, ið stilla upp.

Eisini er forkvinnan í danska Kost- og Ernæringsforbundet Ghita Parry komin til Føroya at greiða frá, hvat arbeitt verður við í høvuðsfelagnum í Danmark.

Hon er øgiliga hugtikin av, hvussu eldhugað vit eru í Føroyum - og ovfarin av, at yvir helvtin av limunum møta til tiltakið!

Kelda Kost- og Føðslufelagið