Vit varpa ljós á sálarliga heilsu, har greitt verður frá hvussu sálarliga heilsan kann styrkjast. Beinta Klakstein bjóðar vælkomin og Anja Olsen greiðir stutt frá ABC fyri sálarliga heilsu. Kvøldið verður skipað soleiðis, at tað vera trý ymisk upplegg. Eitt nú kemur Pól Johannensen at greiða frá hvat tað at skipa fyri tiltøkum ger við hansara sálarligu heilsu. Aftaná bjóðar kommunan kaffi/te við onkrum afturvið.

Øll eru hjartaliga vælkomin

Fyrr um dagin, frá kl 13.00 til 19.00 verður tiltak í Gloym Meg Ei

​10. Oktober er altjóða sálarheilsudagur og í tí sambandi verður stórt tiltak í Østrøm í Tórshavn. Hetta tiltakið verður stroymað og víst í hølunum hjá Gloym meg ei, á Klaksvíksvegi 57.

Øll eru hjartaliga vælkomin.

Norðoya Kunningarstova

​

Fyri triðju ferð verður ein sálarheilsuvirðisløn latin. Hon verður latin til ein einstakling ella bólk. Almenningurin, einstaklingar og feløg hava haft høvi at skjóta upp, hvør hevur hendan heiður uppibornan.

Endamálið við eini slíkari Sálarheilsuvirðisløn er, at heiðra ein ella fleiri, sum hava gjørt eitthvørt átak, tiltak ella annað, sum á serligan hátt hevur varpað ljós á sálarheilsu, og gjørt eitt arbeiði fyri at bøta um og/ella arbeiða sálarheilsu fremjandi. Høvi er til at skjóta einstaklingar og bólkar upp, vísandi til tiltøk, sum verða framd kring alt landið.

Ein óheft dómsnevnd hevur síðani gjørt av, hvør skal hava heiðurin av at fáa virðislønina, út frá innkomnu uppskotunum. Handanin av ársins sálarheilsuvirðisløn verður klokkan 18:30 á Altjóða Sálarheilsudegnum, sum verður hildin í Østrøm í Tórshavn. Virðislønin verður handað av landsstýrismanninum í Heilsumálum.