Stjørnan og Polarhav komu aftur klokkan 04:30 í morgun av roktúri, har teir hava trola við Føroyar.

Teir hava 525.000 pund av gullaksi og landa verður júst nú til Kósina.

Teir byrjaði túr tann 18. juli og við hesum báðum bátunum eru 14 mans.

Gullaksurin ferð allur til Tavuna í Leirvík til víðari viðgerðar.

SáH

Pison er komin aftur til Klaksvíkar og landar júst nú 160.000 pund til Kósina, tann nógv strøstu parturin var longa og so nakað av toski og restin annað fiskaslag.

Teir hava roynt við línu á Munkagrunninum og byrjaði túr tann 7. juli.

SáH

Í mjørkanum ígjár kom Bragd aftur kl. 14:40, teir høvdu roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 6.280 pund, tað mesta hýsa og toskur. 4.000 pund hýsa, 2.000 pund tosk og restin annað fiskaslag.

Við Bragd eru fýra mans og landa bleiv til NFCS.

Var og vitjaði á Stongunum og har var gott lag, nú fiskiskapurin hevur verið góðir í langa tíð, men nú ætla teir flestu av okkara útróðaramonnum at fáa sær nakrar dagar frí. Kallanes og Norðsøki liggja við kaj, Stakkavík er á Beding, Bjørvin hevur maskinskaða, Bragd og Líðhamar landaðu ígjár og ætla teir eisini at fáa sær nakrar frídagar og tað er hart tiltrongd, men kenni eg teir rætt, so verður ferian ikki long.

Teir kunnu ikki gera tað sama sum okkara Løgtingsfólk gera júst nú, hava feriu í 4 mánaðar og onki gera, har alt landi er í stjórnarloysið. Stór skomm av okkara fólkavaldu og nú liggja eisini allir útróðrarbátarnir í Bólki 5B og teir eru í dýrastu neyð, men ongin hjálp er at heita frá samgonguni, tey hava jú feriu.

SáH

Klokkan 05:30 komu Polarhav og Stjørnan aftur til Klaksvíkar av góðum túri.

Teir hava partrola við Føroyar.

Veiðan bleiv boðin út til Fiskamarknaðin Føroyar og landa parið júst nú 443.400 pund av gullaski til Kósina.

Teir byrjaði túr tann 11. juli og við hesum báðum bátunum eru 14 mans.

Gullaksurin ferð allur til Tavuna í Leirvík til víðari viðgerðar.

SáH

Beint fyri klokkan 05:00 í morgun kom Fiskaklettur aftur. Teir hava trola á landleiðini/eystanfyri.

Teir byrjaði túr tann 13. juli og landa júst nú 34.000 pund til NFCS. Tað mesta er Tunga, 14.260 pund, toskur 11.500 pund, 6.000 pund havtaska og restin annað fiskaslag.

SáH

Líðhamar hevur havt fleiri góðar túrar norðan fyri Føroyar í seinastu og í dag var eisini ein góður dagur.

Líðhamar kom aftur klokkan 16:15 og landa bleiv til NFCS.

Veiðan bleiv boðin út til Fiskamarknaðin Føroya og høvdu teir 12.230 pund, tað mesta hýsa og toskur, sjá søluna herundir.

Tað eru fýra mans við Líðhamar.

SáH

Kvikk sum hevur roynt við línu sunnafyri og so vestanfyri Føroyar kom aftur til Klaksvíkar beint eftir miðnátt og hava teir 140.000 pund. Tað mesta var toskur og longa.

Landa verður júst nú til Kósina.

Tað vóru 14 mans við Kvikk og skipari var Mikkjal.

SáH

Búgvin sum kom aftur í nátt av góðum túri og sum hevur trola á landleiðini/eystanfyri landar nú til NFCS.

Veiðan bleiv boðin út til Fiskamarknaðinum Føroyar og høvdu teir 44.100 pund, tað mesta var tunga 14.000 pund, 9.800 pund havtaska, 9.700 pund toskur, 7.400 pund reyðsprøka og restin annað fiskaslag.

Búgvin byrjaði túr tann 12. juli og vóru fýra mans við hendan túrin.

SáH

Líðhamar hevur rokast í tveir dagar.

Ígjár høvdu teir heili 13.120 pund og í dag høvdu teir 10.100, so íalt í tveir dagar 23.220 pund. Tað mesta var toskur og hýsa og tað kann sigast at vera sera gott.

Veiðan bleiv boðin út til Fiskamarknaðin Føroyar og landa bleiv til NFCS.

Teir eru fýra mans við Líðhamar.

SáH

Bragd kom aftur klokkan 15:00 í dag. Teir høvdu 8.522 pund og veiðan bleiv boðin út til Fiskamarknaðin Føroyar. Tað mesta var toskur og hýsa og við vóru fýra mans.

Landa bleiv til NFCS.

Ígjár hevði Bragd 9.230 pund.

SáH