Kvikk loystið fyri løtu síðani og eru nú á veg til Eysturgrønlands.

Vit vóna at tit fáa ein skjótan og góðan túr og tit umborð á Kvikki eru vælkomin at senda okkum á News.fo og Nordportal.net myndir frá túrinum, so vit í Føroyum kunna fylgja við tykkara fiskiskapi.

SáH

Í dag kom nýggja parið í býnum inn til Klaksvíkar. Tað er Grønanes og Safir.

Tað hevði 200.000 pund av upsa og landa júst nú til Kósina.

Smaragd er í ólagi og tískil partrola Grønanes og Safir í løtuni.

SáH

Seinni í dag ella í nátt kemur Jákup B aftur úr Íslandi. Teir byrjaði fiskiskap tann 11. mai og hava havt ein góðan túr.

Veiðan bleiv boðin út til Fiskamarknaðin Føroyar og høvdu teir 171.820 pund, tað mesta toskur, sjá søluna herundir.

Landa blívur til Kósina.

SáH

Stakkavík landaði klokkan 08:00 í morgun. Teir høvdu roynt við línu norðan fyri Føroyar.

Veiðan bleiv út á Fiskamarknaðinum Føroyar og høvdu teir 3.280 pund í dag, tað mesta toskur og hýsa.

Landa bleiv til NFCS.

SáH

Gudrun er komin inn í morgun og landar nú 6.000 pund av havtasku til NFCS.

Teir byrjaði túr tann 17. mai  og hava teir roynt við gørnum norðan fyri Føroyar.

SáH

Polarhav og Stjørnan eru komin inn og landa nú 480.000 pund av gullaksi til Kósina.

Teir hava partrola við Føroyar og ikki er upplýst nær veiðan byrjaði.

Allur gullaksurin ferð til Tavuna í Leirvík til víðari viðgerðar.

SáH

Klokkan 06:00 í morgun kom Núpur aftur til Klaksvíkar, har teir løgdu at á Kósini. Teir hava roynt norðan fyri Føroyar og hava 130.000 pund, tað mesta er hýsa og toskur.

Núpur byrjaði túr tann 07. mai og landa teir til Kósina í morgin.

SáH

Kallanes kom aftur kl. 16:00 í dag. Teir høvdu roynt við línu norðann fyri Føroyar.

Veiðan bleiv boðin út til Fiskamarkanðin Føroyar og tað mesta var hýsa og toskur, sjá søluna herundir.

Landa bleiv til NFCS.

SáH

Í morgun eru Eysturbúgvin og Vesturbúgvin komnir inn, teir hava 430.000 pund av gullaksi og sum verður landaður á Toftum júst nú.

Teir byrjaði túr tann 8. mai og hava teir partrola við Føroyar.

Veiðan bleiv boðin út til Fiskamarknaðin Føroyar og ferð allur gullaksurin til Tavanu í Leirvík, har hann verður liðugt viðgjørdur.

SáH

Grønanes landar til Kósina í morgun. Teir hava trola við Føroyar og byrjaði túr tann 05. mai.

Veiðan bleiv boðin út til Fiskamarknaðin Føroyar og hava teir 33.600 pund, tað mesta hýsa og toskur, sjá søluna herundir.

SáH