 Uppboðssøla av 2.000.000 kg av makreli hevur verið í dag, og hetta gjørdist úrslitið:
Fram fekk 500.000 kg Norðingur fekk 1.400.000 kg Næraberg fekk 100.000 kg Prísurin, ið øll skulu gjalda, er 3,60 kr/kg. Inn komu kr. 7.200.000,-. Myndin omanfyri vísir tey 5 boðini, ið komu inn. Marknaðarprísurin gjørdist 3,60 kr/kg. eftir boðnum hjá Næraberg. Minsti prísurin, ið landsstýrismaðurin hevði ásett, var 1,25 kr/kg. Kelda: Løgtingið  Í kvøld var framløga av bókini “Fiskiskapur – fjølbroyttar ásetingar” í Miðhøllini á Skúlatrøð, sum Óli Samró hevur skrivað eftir 25 ára eygleiðingar av, hvussu fiskivinnan er skrúvað saman í ymsum londum.
Jóhann Lützen, formaður í trivnaðarnevnd býráðsins bjóðaði vælkomin og gav orðið til Óla Samróð, sum greiddi frá innihadinum í bókini. Eisini varð høvi at seta fram spurningar, og varð dúgliga spurt frá áhugaðu lurtarafjøldini, har m.a. eisini landsstýrismaðurin í fiskivinnumálum, Høgni Hoydal hevði leitað sær til Klaskvíkar at lýða á. Rithøvundurin skrivar m.a. “Fjølbroytt er, hvussu londini áseta, hvørjum fiskivinnan skal tæna, og hvør tað er, ið eigur fiskin. Í Føroyum er orðingin: “... ogn Føroya fólks.” Í Norra: “... ligg til fellesskapet i Noreg”, í Íslandi: “...standi undir lífsafkomu og hagsæld þjóðarinnar”. Í øllum londum eru stríðsmál millum samfelagsbólkar. Politisku og vinnuligu áhugamálini eru ymisk og stór. Nøkur halda, at kvotur eru besta loysnin, meðan onnur halda fiskidagar. Stríð er um, hvussu loyvir eiga at útlutast, eftir søguligum fiskiskapi ella boðin út á marknaðin. Ósemja er um, annaðhvørt útlendingar kunna eiga fiskiskip og loyvir, ella ikki”. JáH (y) 05.07.2016 Kelda: Klaksvíkar Kommuna  Kunngerðin um uppboðssølu av rættindum at veiða makrel, norðhavssild, svartkjaft og botnfisk í Barentshavinum er lýst.
Í hesum sambandi verður alment boðað frá, nær einstøku sølurnar fara fram og/ella nær seinasta freist er at lata boð inn. Sølurnar av makreli, norðhavssild og botnfiski í Barentshavinum fara fram í døgunum frá 11. til 22. juli 2016. Uppboðssølan er skipað um tveir uppboðssøluhættir: Opin uppboðssøla ogafturlatin uppboðssøla. Opin uppboðssøla Dagfestingin fyri opnu uppboðssøluni ásetur, nær sølan fer fram. Fiskamarknaður Føroya stendur fyri opnu uppboðssøluni hesar dagar:
Tal og stødd á sølulinjum verða lýst á heimasíðuni hjá Fiskamarknaði Føroya í góðari tíð undan sølunum. Nærri upplýsingar um sølurnar fáast frá Fiskamarknaði Føroya, www.fmf.fo, telefon 41 41 41 ella fmf@fmf.fo. Afturlatin uppboðssøla Dagfestingin fyri afturlatnu uppboðssøluni staðfestir seinastu freist at lata boð inn. Vørn stendur fyri afturlatnu uppboðssøluni. Seinasta freist at lata boð inn er á middegi, kl. 12.00, hesar dagar:
Nærri upplýsingar um sølurnar fáast frá Vørn, www.vorn.fo, telefon 31 10 65 ellavorn@vorn.fo Svartkjaftur Rættindini til at veiða svartkjaft verða boðin út um mánaðarskiftið august-september 2016 (í viku 35 og 36). Kunnað verður nærri um hetta í øðrum tíðindaskrivi. Fiskimálaráðið, 5. juli 2016 Høgni Hoydal, landsstýrismaður |
Arkiv
November 2019
|
RSS-feed
