Sjálvur varð undirritaði ein túr við Mascot - har roynt varð eftir hýsu í Íslandi (Jøklagrunninum). 

Og eru tað fleiri línubátar í Føroyum, sum royna eftir hýsu o.a. í Íslandi hesa ársins tíð.

Fyri línubátar, so er tað neyðugt við kvotuni í Íslandi, tá sera oftað er nærum ongin fiskur, at fáa í Føroyum. Nógvir túrar í Íslandi kann gera tað toluligt hjá einum línumanni, at liva av lívsins gongd.

Sjá sjálv/ur kvotur HER hjá línubátum, sum royna í Íslandi.

JáH (y) 29.04.2015

Løgmaður vil hava kanadiskar myndugleikar at seta havnastongsulin úr gildi. Tað gjørdi hann greitt á fundi í Ottawa í gjár við Gail Shea, kanadiska fiskimálaráðharran. Fundurin varð fingin í lag í sambandi við, at løgmaður var í Kanada á ráðharrafundi í Arktiska Ráðnum. Endamálið við fundinum var at taka upp havnastongsulin hjá Kanada móti føroyskum fiskiskipum.

“Vit høvdu ein góðan og gevandi fund, har eg nýtti høvið at vísa á góða samstarvið við Kanada, serliga á fiskivinnuøkinum. Kanada og Føroyar hava nógv til felags og eru samd um rættin at gagnnýta havtilfeingið á burðardyggan hátt”, sigur løgmaður.

Kanadiskar havnir hava í stóran mun verið stongdar fyri føroyskum fiskiskipum seinastu 13 árini. Orsøkin til stongsulin er, at Føroyar hava mótmælt rækjubýtinum á Grand Bank og ásett egna kvotu. Løgmaður heitti á fundinum á kanadiska fiskimálaráðharran um at lata kanadisku havnirnar upp aftur fyri føroyskum skipum. Gail Shea gav løgmanni lyfti um at taka málið upp til nýggja viðgerð.

Løgmaður nýtti eisini høvið at bjóða ráðharranum til Føroyar til altjóða ráðstevnu um vøkstur í bláa tilfeingisbúskapinum, sum Fiskimálaráðið saman við Norðurlendska Ráðharraráðnum skipar fyri í juni.    

Løgmaður fór víðari úr Ottawa til London, har hann í dag heldur røðu á flaggdagshaldinum, sum føroyska sendistovan í London skipar fyri. 

Avreiðingarnar tilsamans fyrsta ársfjórðing í ár vóru í nøgd eitt vet minni enn sama tíðarskeið í fjør og fyrra árið.
Av teimum týdningamestu fiskasløgunum vaks nøgdin av toski ein triðing, og upsin minkaði 13%. Hýsan kvinkaði eitt vet uppeftir, men seinastu árini hevur hýsunøgdin verið serliga lág.
Av øðrum botnfiski, eitt nú brosmu og longu, er nøgdin minni í ár enn í fjør – ávikavist 43% og 30% minni.

Les meira HER

JáH (y) 28.04.2015 (Kelda: Hagstovan)

Næraberg sum hevur ligið við kaj á Kósuni nú í góðar tvær vikur - er loksins farin út aftur.

Men talan er um ein royndartúr - og loyst bleiv úr kaj áleið kl. 09.00 í morgun. 

Næraberg hevur havt ein maskinskaða í einum av høvuðsmotor'inum og fara teir at royndarsigla skipi, áðrenn teir skula bunkra í Fuglafirði nú kl. 13.00

Sjá fleiri myndir niðanfyri:

JáH (y) 28.04.2015

Hvat fyri trupuleikar frystiskipi Næraberg hevur, vita vit á Norðoya Portali ikki uppá núverandi tíðspunkt - men frystiskipi, sum tekur yvir 3.000 tons hevur ligið í góðar 10 dagar við kaj á Kósuni.

Annars so kann sigast, at Næraberg hevur gjørt nakrar góðar túrar og eru túrarnir áleið 2 - 3 vikur langir.

JáH (y) 28.04.2015

Skipanin skal gera tað lættari at seta seg inn í, nær, hvar og hvørjum leiðum innan fyri føroyska fiskimarkið ið stongdar eru fyri vinnuligum fiskiskapi.

Stongdu leiðirnar kunnu vísast fyri hvønn skipabólk ella við at áseta eginleikar hjá skipi, t.d. reiðskap. Við at velja ávíst skip verður skipabólkurin eisini ásettur.

Skipanin vísir allar stongdar leiðir undantikið tær sum koma í s.v. bráðfeingis veiðibann.

Leinkjan til síðuna Stongdar leiðir, klikk á myndina ella klikk her "Stongdar leiðir".

Kelda: Vørn

SáH

Vøkur sjón at síggja Slættaberg fullfermdan við svartkjafti, við bryggju í Klaksvík og sum hann hevur fiska sunnast í føroyskum sjógvi. 

Slættaberg skal landa í Fuglafirði, men har er kø og hann sleppur ikki framat, fyrrenn einaferð íkvøld.  

Sjúrðaberg liggur longri suðuri á vesturi kaj og teir eru lidnar at landa hann. Har skulu gerast onkrar ábøtur á honum og so ferð hann væntandi túr aftur.

SáH