Tað er ikki á hvørjum degi, at News.fo og Norðoya Portalurin sleppa at taka ímóti endanum á einum skipi, tað hendi í morgun kl. 05:00, tá ið Jákup B kom aftur.

Jákup B hevur havt ein góðan túr norðan fyri Føroyar og hava teir 125.000 pund, tað mesta er toskur og hýsa.

Jákup B fór túr týsdagin tann 12. februar, so hesin túrurin var 10 dagar íalt og landa teir nú til Kósina.

Veðrið hevur til tíðir verið vánaligt, men nú skal tað vera gott at koma heim, segði ein av manningini við meg.

Skipari hendan túrin var Helmar Lassen.

SáH

Nakað eftir miðnátt kom Pison aftur til Klaksvíkar av enn einum góðum túri norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 145.994 pund, sjá søluna herundir.

Teir fóru túr sunnukvøldið tann 10. februar og hevur túrurin verið rokaligur, har veðrið til tíðir hevur verið sera vánaligt.

Pison landar nú til Kósina.

SáH

Líðhamar landaði ígjár klokkan umleið 09:00 6.730 pund til NFCS.

Líðhamar hevði roynt við línu norðan fyri Føroyar.

Veiðan bleiv boðin út til Fiskamarknaðinum Føroyar og var tað mesta var hýsa og toskur. Sjá søluna herundir:

​SáH

​Norðsøki sum kom aftur tíðliga um náttina, landaði til NFCS ígjár kl. 08:00.

Teir høvdu roynt við línu norðan fyri Føroyar

Tað er sera harður streymur í løtuni og veðrið er einki serligt og tí er fiskiskapurin slakari.

Veiðan bleiv boðin út til Fiskamarknaðinum Føroyar og høvdu teri 6.516 pund, tað mesta var hýsa og toskur, sjá søluna herundir.

SáH

Klokkan átta í morgun kom Thor til Klaksvíkar. Teir hava roynt við gørnum norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 10.560 pund, 10.400 pund svartkalvi og 160 pund blálonga.

Thor byrjaði túr seinasta mánadag tann 11. februar.

SáH

​Klokkan 10:30 loysti Gadus frá kaj og hevur sett kósina ímóti norskum sjógvi.

Gadus kom á Klaksvík fríggjamorgunin og er longu farin avstað aftur.

Við eru 32 mans og skipari hendan túrin er Ólavur Biskopstø.

Norðoya Portalurin og News ynskja tykkum skjótan og góðan túr.

SáH

Kallanes hevur verið túr í gjárskvøldið og í nátt og komu teir fyri løtu síðani á Klaksvík og landa teir til NFCS beint nú.

Veiðan bleiv boðin út til Fiskamarknaðinum Føroyar og høvdu teir 7.460 pund, tað mesta var hýsa 4.500 pund, sjá søluna herundir.

Roynt var við línu norðan fyri Føroyar.

SáH

Tað frættist frá skipunum á Flemich Cap, at tey øll hava rokfiskiskap og í løtuni siglur Stapin inn til St. Pierre og vera væntandi inni fríggjadagin og hava fulla last og teir hava eisini fylgt tunnilin frættist.

Hetta segði ein av Flemich Cap siglarnum í morgun “her er nógvur fiskur at fáa og bara gott og stórt slag, vit rokast”.

Gott fiskarí allir samlir har yviri.

SáH

Kvikk sum kom aftur av fiskileið í nátt, hevur havt ein góðan túr, teir landar í morgun 150.000 pund til Kósina. Tað mesta av veiðuni er toskur og hýsa.

Kvikk fór túr mánadagin 28. januar og hava teir roynt vestanfyri Føroyar.

SáH

Gadus fór tíðliga í morgun at sigla heim, teir hava fiska í norskum og russiskum sjógvi og hava 707 tons av flaki.

Teir fóru av Klaksvík tann 19. november í 2018 og væntandi vera teir aftur á Klaksvík fríggjadagin.

Skipari hendan túrin er John Fuglø og við eru 32 mans.

Hetta skrivar Markus í Norðnástovu á sín Facebook vanga fyri løtu síðani:

“Leysir av kontrollinum og eru farnir at sigla heim við 707 tonsum av flaki, so nú verður 🍦 nr 7 etin við góðari samvitsku, vit verða ætlalandi á Klaksvík um miðdagsleitið fríggjadagin.
⛴⛴🇫🇴🇫🇴🐟🐟👍👍
Eg vil bara takka Harranum fyri góðan fong og varveislu á hesum baldruta túri til veður, og før tú Harri okkum trygt heim til okkara kæru, sum vit fóru frá tann 19 November í fjør ❤️
Seinast vil eg ynskja øllum á FB og øllum Føroya fólki, á sjógvi sum á landi ongin nevndur og ongin gloymdur, ein vælsignaðan mánadag og Harrans signing tykkum øll í ríkum máli av ❤️.”

Tykkum verður ynskt eina góða heimreisu.

SáH