Í morgun skrivaði ein av manningini umborð Gadus, at teir hava fingið 500 tons, so nú nærkast í stórum, at teir seta skútuna til Klaksvíkar aftur, Gadus tekur umleið 750 tons.

Gadus fór avstað tann 11. juni og við eru 32 mans.

Vit ynskja Gadus gott fiskarí.

Her nakrar myndir, tá ið hann fór avstað, klikk her: "Gadus fór avstað kl. 15.30 ígjár"

SáH

Í morgun klokkan 06:35 kom Olga Maria á Klaksvík við 52.600 pundum.

Teir byrjaði fiskiskapin tann 14. juli og tað mesta er toskur og hýsa. Olga Maria hevur roynt vestan fyri Føroyar.

Veiðan varð boðin út á Fiskimarknaðinum Føroya.

Sum sagt, so hevði Olga Maria 52.600 pund.
​
Her myndir frá í morgun, tá ið hon kom inn eftir vágni.

SáH

Partrolarin Jaspis hevur rent á land sunnanfyri vitan við Syradali á Kalsoynni. Tað hendi umleið klokkan tvey í nátt, men ongin fólkaskaði hendi og alt veit væl við.

Jaspis var á veg til fiskiskap. Smb. Útvarpinum kl. 10.00, so hevur skipið ikki fingið skaða og roynt verður at toga Jaspis av aftur á miðdegi, tá flóðin væntandi verður nóg høg, so hann kann togast av.

Brimil og Ametyst liggja hjá skipinum, kavari hevur verið niðrið og kannað botnin á Jaspis, men ongin lekið er at síggja.

SáH