​Hjartaliga takki eg øllum tykkum, ið vóru við til at gera 80 ára dagin hjá mær so stak hugnaligan og ógloymandi.

Takki fyri gávur, blómur, talur og heilsanir.

​Ein serlig heilsan til børnini við familju, ið gjørdu alt so hugnaligt.
 
Vit ynskja øllum eini gleðilig jól og eitt gott nýggjár.
 
Elsuba og Jógvan á Høvdanum 

​Hevur tú nógv at lesa í jólafrítíðini, so er møguleiki at brúka góðu umstøðurnar í Íverksetarahúsinum.

Aftur í ár eru lesandi, sum koma heim at halda jól, vælkomin at brúka hølini á Fjarnám í Íverksetarahúsinum. Her eru góðar umstøður at lesa og møguleiki er at hitta onnur lesandi og íverksetar, so tú kanst netverka og knýta nýggj sambond.

Lestrarvegleiðarin er at hitta eftir avtalu. Ring og fá eina avtalu á tlf. 239501 ella á tlf. 288743 ella send ein teldupost til deirdre.hansen@outlook.com  ella iverksetan@iverksetan.fo

Kelda: Klaksvíkar Kommuna

​Leygardagin 15. desembur kl 14:30 verður føroysk jólagudstænasta í Skt. Johannes Kirke, á Trøjborg i Aarhus. 

Prestur verður Borgny Susanna Brünings-Hansen, sum er føroyskur prestur í Keypmannahavn. Organistur verður Jóannes Nólsøe. 
Áarljóð, tað føroyska kórið hjá okkum í Aarhus, vil framføra fyri okkum og syrgja fyri at vit koma í jólahýri. 

Aftaná jólagudstænastuna bjóðar felagið til jólaveitslu í kirkjuhúsinum, har vit fara at hugna okkum við felagssangi, dansa um jólatræið og kaffi, the og køkum. 
Umframt hetta kemur føroyski jólamaðurin eisini at heilsa uppá børnini.

Møguleiki verður eisini at senda jólaheilsanir heim til familju og vinir í føroyum, sum verða sendar í Kringvarpið Føroyar. 

Vinarliga gevið boð um, hvussu nógv børn koma, so vit kunnu boða jólamanninum frá 😁

Øll eru so hjartaliga vælkomin ♥ 

Meira um tiltakið, klikk her, "Føroysk jólagudstænasta í Aarhus".

Adressan til kirkjuna er: Peter Sabroes Gade 20, 8000 Aarhus C
Adressan til kirkjuhúsið, sum liggur 100 m. frá kirkjuni er: Sankt Johannes Allé 1, 8000 Aarhus C

Vinarliga
Føroyingafelagið í Aarhus og Føroysk Møtir í Aarhus.