Leygarkvøldið, 23.november kl. 19.30 verđur Syngið við kvøld við Harmonikuvinum.

Vit syngja nógvar góðar sangir, og sálmar saman Stutt andakt verur við Marjun Lómaklett.

Hjartaliga vælkomin!

Christianskirkjan

​Fríggjadagin, 22.november, er Vøggusangur kl. 10.00 fyri pinkubørn 0-1 ár.

Nærri kunning um Vøggusang er á facebookbólki “Vøggusangur í Christianskirkjuni 2019/2020”.

Aftaná Vøggusangin er ein góður drekkamuður í kirkjukjallaranum.

Christianskirkjan

Í dag verður ein góður møguleiki at keypa góðar hondgjørdar jólagávur í Klaksvík.

Mikudagin 20. november frá kl. 14 hava vit í ”Gloym meg ei” nevniliga árligu jólasøluna í hølum okkara á Klaksvíksvegi 57.
Her ber til at keypa ein hóp av handgjørdum jólagávum – so sum: jólaprýði, jólakort, smúkkur, teppi, lappar og mangt annað.
Eitt tombola er sjálvandi eisini á skránni.

Afturvið øllum hesum fæst eisini ein drekkamunnur við nýbakaðum vaflum afturvið.

Jólasølan mikudagin 20. november byrjar klokkan 14 og endar klokkan 18.

Mikukvøldiđ, 13.november, er Skrúvugudstænasta kl. 17.30 v/Marjun Lómaklett.

Elsa Maria Johannesdóttir Poulsen, urgunæmingur, luttekur viđ urguspæli.

Aftaná gudstænastuna eru øll vælkomin í kirkjukjallarin til skrùvur og kjøtsós.

Christianskirkjan

Í gjár var móttøka fyri Elini R. Planck í sambandi við at hon hevur verið leiðari í Kvinnuhúsinum í 25 ár. Elsebeth Mercedis Gunnleygsdóttur, landsstýriskvinna helt røðu fyri Elini.

Hon segði m.a.: “Elin Reinert Planck, sum vit hátíðarhalda í dag, hevur framum onnur myndað hetta økið og virksemið í Kvinnuhúsinum í 25 ár. Elin, tú ert álitisvekjandi, rólig og behagilig. Tú hevur rættiliga fingið Kvinnuhúsið og tørvin á húsinum og Kreppumiðstøðini inn í tilvitskuna hjá okkum øllum. Tú ert ímyndin av stuðli og av onkrum tryggum. Tín rødd hevur ivaleyst ljóðað í høvdinum á mangari kvinnu, sum hevur verið sligin, illa viðfarin, og hevur havt tørv á hjálp:

” Eg eiti Elin Reinert Planck…” … Mynduga og róliga røddin tykist siga: Tú kanst koma inn til okkara, og vit gera tað vit kunnu at hjálpa tær.

Hon vil mær tað væl, munnu mangar kvinnur hava hugsað.”

Røðan kann lesast her.

​Klaksvíkar kommuna skipar fyri minningarhaldum teirra sjólátnu í Klaksvik, Syðradali og Svínoy fríggjadagin 1. november

KLAKSVÍK:
Fríggjadagin 1. november kl. 15.00 í Vágstúni

Osmund Justinussen, reiðari heldur røðu

Minningarhald teirra sjólatnu í dag

Skráin fyri haldið í Klaksvík sæst her.

SYÐRADALUR:
Fríggjadagin 1. november kl. 13.30 við minnisvarðan

Markus í Norðnastovu heldur røðu

SAM siglur av Klaksvík kl. 13.00 og av Syðradali kl. 15.50. Bussur koyrur til og frá ferjuleguni

SVÍNOY:
Fríggjadagin 1. november kl. 12.00 við minnisvarðan

Pól Johannesen, trúboðari heldur røðu

Ritan siglur úr Hvannasundi kl. 08.45 og innaftur kl. 14.45