Sambært skrivi frá Marjun Hanusardóttir, so hevur løgmaður tikið avgerð um at lýsa av nýggjum eftir aðalstjóra til Vinnumálaráðið sambært § 5 stk. 5 í tænastumannalógini. Í Tænastumannalógini stendur: Stk. 5. Heldur landsstýrið, at eingin av umsøkjarunum, ið søkt hava lýst starv innan ásettu tíðarfreist, er nóg væl skikkaður til starvið, ella at nýggj lýsing kann elva duguligari monnum at søkja, skal starvið verða lýst av nýggjum.

Á heimasiðuni hjá Løgmanni, www.tinganes.fo, stendur: 
​
Hóast skikkaðir umsøkjarar eru til starvið, eri eg, út frá einari heildarmeting, komin til ta niðurstøðu, at best er at lýsa starvið av nýggjum.
 http://www.lms.fo/kunning/tidindi/adalstjorastarv-verdur-lyst-av-nyggjum/

Tað skal meira enn góður vilji til at meta hetta sum sakligt.

Annars kann samrøða við John Rajani, sum leggur dent á tað sakliga ella manglandi sakligheit, hoyrast her: https://r7.fo/savn/

Eivind Jacobsen
Strendur

Nú er stressi um at vera av - og fólk hava fingið keypt sær gávur, sum tey nú settu sær fyri at gera.  Nú skal skjótt etast & pakkast upp fyri allar pengarnir.

Jú, gaman í - nú er so tann 24. indi Desember, og um skamma stund, so fara vit øll at skræða í okkum dunnir, jólagreyt og mangt mangt annað. Hetta er also tíðin, at tað er sera ringt at vera uppá slanki kur (ikki tað, at eg havi brúk fyri tí, hehe) men hetta er eisini tíðin, har vit so smátt fara at minnast aftur á - hvønn vit hava mist ella hvønn vit hava fingið.

Hetta er ein myrk & buldrutt tíð fyri summi. Og tað eru heldur ikki øll í Føroyum, sum síggja so ljóst uppá jólini heldur. Mong eru tey, sum fara svong til songar í kvøld og uppaftur onnur ynskja gjarna, at ongin jól vóru.

Men fyri meg, so taki eg bert dagin sum hann kemur. Jólaaftan verður nokk ein túr í kirkjuna, har sungið verur nakrar jólasálmar - ímeðan dunnan bíðar heima í ovninum. Eftir at ein hevur verið sær í kirkju, so fer ein heim at eta dunnuna og hava hugna saman við familjuni. Soleiðis er tað nú einaferð og í tonkunum hjá mær í ár - eru tey, sum ikki eru so eydnusom, sum eg nú einaferð eri.

Tey eru mong, sum ikki hava ráð at tað eru Jól hvørt ár og ikki øll síggja slíkan hugna í jólunum. Nei, tað eru fátøk menniskjur verðina runt (eisini í Føroyum) sum absalutt ikki hava ráð til gávur. Fyri mong av hesum menniskjunum er lívið ein gáva álíkavæl - sjálvt um tey børnini ikki fingu ein Playstation 4 í jólagávu. Jólagávan hjá teim menniskjunum er samanhald - og tað gevur styrki - og tá eru tey brádliga ikki so fátøk longur.

Eg fari at takka fyri dagin í dag og samstundis ynskja øllum fátøkum menniskjum í verðini, at skútan verður vend og at tit einaferð í framtíðini - fara at sigla ímóti einari vónríkari & bjartari framtíð, tí tað hava tit so sanniliga uppiborið. Eg fari at biðja til, at tykkara jól (eins míni) vera Gleðilig - at kríggj fer at enda - og at vit menniskjur elska hvørt annað - óansæð hvat fyri trúgv ella húðalit vit hava.

Sangurin niðanfyri kann seta tínar tankar í gongd - og saman við tínum tonkum um, at einaferð fer verðin at vera eitt betri stað at liva í - fyri ØLL menniskjur, har vit einans eiga kærleikan at bjóða hvørjum øðrum. Hetta er bert ein dreymur, men sum John Lennon (sáli) sjálvur segði: Kríggj er liðugt - um vit vilja tað!

JáH (y) 24.12.2015

Samb. tølum sum Tjaldurs Apotek hevur lati innlit í, fáa 3250 Føroyingar útflýggja morfin uppá resept hvønn einasta dag. Samb. tølum sum lond rundan um okkum nýta, eru 70% av hesum brúkarum, 2275 Føroyingar avhengiðir narkomanar, sum sproyta seg og/ella eta sterkar Ketogan morfin tablettir hvønn einasta dag í árinum. 

Flestu av hesum narkomanum eru komnir so langt út í sínum misbrúki, baði fysisk og psykisk, at teir mugu taka meira pínudoyvandi morfin fyri abstinensir og ikki bara fyri pínu. 

Hesir narkomanar eru vanligir Føroyingar summir hava fingið ymiskar skurðviðgerðir og aðrir hava varandi pína av td rygginum, kroniskum sjúkum osv. Felags fyri hesar narkomanarnir er at tey fáa sproytur og Ketogan uppá resept frá lækna og apoteki sum bomm og vera ongantíð niðurtrappað. Nógvir av hesum narkomaninum koyra bil og liva eitt vanligt lív uttantil, men innanveggja hava hesar familjur tað alt annað enn gott og hava stórar trupulleikar at stríðast við.

 Eitt sum kundi hjálp nógvum av hesum sum brúka morfinsproytuna og morfintablettir , er niðurtrapping og heilivág Hampur(medisinskt Cannabis). Hetta hava td Ísraelsku, Amerikansku og Hollendsku myndugleikarnir langt síðani hava funnið útav og geva heilivág Hamp til hesar neyðstøddu fólk. Nógv av hesum fólkum høvdu fingið eitt gott lív, uttan sproytu og morfin, við heilivág Hamp. Tølini fyri tey seinastu árini, sum Apotekið hevur útflýggja, vísur tíverri eisini, at tølini eru vaksandi, og at myndugleikin má taka hesi tøl í stórsta álvara, annars er vandi fyri at enn størri partur av Føroyingum enda sum resept narkomanar.

Les meira her: http://www.dr.dk/nyheder/indland/laeger-advarer-sundhedssystemet-goer-smertepatienter-til-misbrugere

Og her: http://www.dm.dk/FagligtForum/NaturvidenskabSundhedMiljoe/Artikler/SmerterProevKroppensEgenHash

Arnfinn á Birtuni
420Hampafólk

Mangar forðingar kunna vera fyri, at ein bert sær tað svarta frammanfyri ljósið. Um tú leitar í myrki, so kann tað vera skjótt at smekka seg í - og bannað yvir, at lívið spælir tær eitt puss, isje sannheit ..?

Eg sjálvur havi alt ov leingi leita í myrki og roynt at funnið svarið uppá lívsins herligheitir. Men svarið havi eg tó ikki funnið enn - sjálvt um eg havi funnið nakað sum er minst líka gott. Eg havi funnið fleiri góðar grundir yvir - hví eg skal liva tað edrúa lívið ... ein dag í senn.

Tá ið eg eri edrúir, so kann eg so mangt - og tá kann eg eisini velja, at eg ikki skal drekka. Men felli eg til fløskuna - so tykist tað (fyri mær) at eg bert hugsi um fløskuna og gloymi at liva í nú'inum og tað er absalutt ikki gott fyri ein persón sum meg - ið gjarna vil liva lívið so einkult, sum møguligt.

Fleiri góðar grundir eru hjá mær fyri at vera edúir. Eitt nú - havi eg eina deiliga konu, ein deiligan son og eitt deiligt arbeiðið. Men hvat nú um eg bert gekk eina og onki átti av hasum ..? Tann spurningi havi eg eisini oftað sett mær sjálvum - og svarið er tað sama, sum omanfyri. Eg livi ikki í nú'inum, tá eg drekki og ergo so megni eg ikki at liva. Tað er so strævið, at finna uppá umberingar, at ein skal fella til fløskuna og fakta er, at eg havi tað onki stuttligt - tá eg ikki eingong minnist hvussu eg kom heim aftur. Mítt drykkimynstur er so extremt, at eg fái "black-out" hvørja ferð eg drekki - so júst tað, ræðir meg eisini. At fáa eitt "black-out" er heldur ikki heilt ófarligt - og tá er heldur ikki stuttligt longur, at drekka.

Men at drekka, sum ein alkoholikari er fyri meg nokkso nemt. Eg velji tá at leggja allar kenslur í dvala og lati tá fløskuna stýra lívinum. Men leggja av, at drekka er (hinvegin) meira innvikla. Tó sum tíðin gongur - so verður tað lættari & lættari, at halda seg frá fløskuni og læra at liva lívið í nú'inum. Eg sleppi jú eisini frá, at koma við umberingum longur - tí allar umberingar eru longu brúktar.

Eg elski tað edrúa lívið og gleðist yvir, at eg kann liva lívið ein dag í senn. Ongar umberingar og bert ein sonn njótan yvir, at eg sjálvur stýri hvussu lívið skal livast - og ikki tann forpulaða fløskan !!!

Havi ein góðan & gevandi dag víðari, tit.

JáH (y) 22.03.2015

Ein søguligur bygningur er nú farin í søguna í Klaksvík - og talan er um bygningin Reyðhús.

Tað tók ikki langa tíð, at fjerna bygningin, sum hevur verið góður fyri mong menniskjur. Og spurningurin er so - hvat fer at koma ístaðin fyri tey søguligu Reyðhúsini ..?

Men hvør er tað, sum bestemmar hvat fyri bygningur skal vekk í Klaksvík ..? Og hvussu er so við bygningum, sum stendur beint við síðurnar Harley ..? Er tann bygningurin so nógv tespiligari í útsjónd enn hvat húsini Reyðhús vóru ..? Mær tykist - at "something is rotten in Denmark" - men døm tú bert sjálv/ur eftir myndini niðanfyri ...

JáH (y) 10.01.2015

Í samband við happing - sum dagliga fer fram í øllum skúlum kring knøttin - havi eg skrivað eina yrking, sum eg eisini atli mær at gera eitt lag til. Yrkingin lýsir hvussu óreint tað er at happa. Vónandi fortelja foreldur sínu børn, at tað er ikki íordan at gera tað og tað kann fáa ávarligsligar fylgir fyri tí barni, sum happa verður. 

Kanningar vísa annars - at 11 % av øllum skúlabørnum vera happaði í skúlunum í Danmark.

- 7 % uppliva at vera happaði hvørja tí einastu viku av øllum skúlaárinum.
- Ímiðal vera 2 børn í hvørjum flokki vera happaði
- 41 % hava hug at blanda seg uppí, tá onnur vera happaði - men gera tað tó ikki.
- Flest vera happaði í 4., 5., 6., og 7. flokki.
- Tað er minst happing í skúlum - har lærarar og næmingar gera ein aktivan insats ímóti happing (Kelda: DCUM). 

Nåmen - vónandi setur niðanfyristandandi yrkingini okkurt í sving hjá tí sum happar ...

Pætur

Orð: Jógvan á Høvdanum (yngri)

1. Nei - tað er ongin í verðini, sum kennast vil við Pætur
Ið situr heilt áleinaður í skúlanum og grætur
Hvørki mamma, faðir føldu hansar' sár
Og ongin lærari turkaðu hansar' tár.

Niðurlag: Øll børnini í skúlanum um Pætur renna
Øll børnini spotta, arga og flenna

2. Klæðini hjá Pætur vóru ongantíð fín
Og oftað tey luktaðu av brennivín
Tá so Pætur til skúla ongan matpakka fekk
Øll í skúlanum vendi sær við og hugdu vekk.

Niðurlag: Øll børnini í skúlanum um Pætur renna
Øll børnini spotta, arga og flenna

3. Ei heldur har heima Pætur kærleikan fann
Í køkinum sá Pætur ein avdottnan mann
Til endans tímdi Pætur at liva meir
Ja - hetta varð so endin - har Pætur doyr.

Niðurlag: Øll børnini um grøvina hjá Pætur gráta
Slutt við at spotta, arga og láta. 

JáH (y) 21.10.2014

So nemt kann tað gerast at skrella eitt egg uppá 3. sekund, klikk á myndina til vinstru ella klikk á link herundir og sjá:
http://www.dagens.dk/opskrifter/s%C3%A5dan-piller-du-et-%C3%A6g-p%C3%A5-bare-3-sekunder

Tað er ikki altíð lætt at fara á "date" við einari damu, sum klárar seg sjálvan. Klikk mynd til vinstru ella link niðanfyri og blív eitt sindur klókari uppá hetta:

http://www.dagens.dk/underholdning/11-ting-du-skal-vide-hvis-du-dater-en-selvst%C3%A6ndig-kvinde 

Tá eg varð "ungur" (og tað eri eg enn, sum 34 ára gamal)

Tá eg varð yngri, varð tað ikki heilt óvanligt, at vit sum óvitar spældu úti dagin langan. Tá varð tað ei heldur nøkur fartelefon og ei heldur nakað internet. Men vit vóru glaðir, at renna runt eftir einum bólti dagin langan.

Jólagávan, sum ein fekk sum barn varð kanska ein Action Force maður, ella ein He-Man og tað varð ein eisini heilt ávorliga glaður fyri. Kanska kravdi ein ikki so nógv fyrr, sum samfelagið krevur av okkum í dag ?!? Í dag vera børn jú ikki nøgd fyrr enn tey fáa eitt PS3 spæl, sum hevur virðið uppá góðar 600 kr, og sjálvt tá spælið er keypt - so gongur ikki long tíð, so er tann gleðin uppi.

Tá man so bleiv eitt sindur eldri ...

So fór ein í dans, og gjarna varð tað bert ein Diskjockey, sum vendi plátum í Lognbrá og onkuntíð so varð tað stórdansur í KÍ høllini, har sjálvt Dynamit ella Frændur spældu. Og tað varð eisini gott nokk fyri okkara viðkomandi. Men soleiðis er tað heldur ikki í dag. Í dag eru tað festivalar omaná festivalar - og tað virkar sum sum, at tey ungu eru ikki glað álíkavæl. Kravdi vit minni, tá vit vóru ung - ella hevur tíðin gjørt sítt til, at vit sum eldri krevja meira av okkara yngri ættarliði ?!? Tað eru jú ikki tey ungu, sum skipa fyri festivalum & tiltøkum - men vit "eldru" sum skipa fyri tiltøkum kring Føroya knøtt, isje sannheit ?!? 

Nú skal tað ikki ljóða sum um, at eg eri ímóti Festivalum, tí tað eri eg als ikki og eg haldi, at Steintór Rasmussen og Jón Tyril hava gjørt eitt megnararbeiðið fyri bæði G! og Summarfestivalin - men eg geri bert eina samanmeting av fyrr og nú - og fyri mær virkar tað sum um, at vit vóru meira nøgd fyri minni, enn hvat tey ungu eru í dag. Kann gott vera, at soleiðis er tað ikki ...

Og so er man 34 ára gamal í dag, og hvat so ?!?

Ja, kanska ein hyggur ikki sørt bilsin at, hvussu verðin hevur útfoldað seg. Meg minnist, hvussu laaaaanga tíð tað í fyrstani tók, at "upp-loada" eina mynd uppá 1 mb á netinum fyrr og hvussu stutta tíð tað tekur í dag. Men eru vit meira nøgd ella krevja vit allatíðina, at tað skal vera okkurt betri ?!?

Onkuntíð so eri eg glaður yvir, at eg vaks upp við tí smáa, sum ein vaks upp við - har onki internet ella telefon skapaði óró í sinninum. Tað virkar sum um, at ein allatíð skal vera "on" í dag, og fylgir tú ikki við hvat hendir rundanum teg, so dettur tú skjótt burtur og veit ikki hvønn veg tú vendir. Kanska skula vit steðga her og hugsa okkum um, hvønn veg vit fara ?!? Kanska er tað nú vorðið gott nokk, og vit ikki hava brúk fyri, at tað blívur betri ?!? Ja, hvør veit - um vit ikki eiga, at vera nøgd við tað, sum vit hava og ikki krevja meira. 

Hetta vóru nú bert nakrar hugleiðingar eg hevði kring lívið, nú eg ein sunnumorgun siti eina og njóti mær sjálvum ein góðan kaffimunn. Muga tit hava ein super góðan sunnudag víðari, tit (bæði tit á G! og uttanfyri G!) og forrestin kom endiliga við TYKKARA meining um fyrr og nú ... tað hevði verið stuttligt, at lisið TYKKARU meining eisini.

JáH (y) 20.07.2014