Er onki skil á hvussu okkara pengar vera brúktir í Klaksvíkar Kommunu og skulu eykajáttan til hvørja fer ein verkætlan skal gerast liðug í býnum.

Er tað veruliga so galið, at man ikki biður um tilboð, tá ið arbeiðið og viðlíkahald skulu gerast á bygningar hjá Klaksvíkar Kommunu? 

Her eitt grovt dømi, enn ein eykajáttan uppá heili 300.000,00 kr. til eitt gólv í KÍ høllini, sum eg vóni at Klaksvíkar Kommuna bað tilboð uppá og at veitarin kom við einum endaligum tilboðið uppá alt arbeiðið og eina fasta upphædd við øllum?

Usitingin av málinum dugir sera væl, tað er ikki bara gólvið sum skal hava eykajáttan, nei, nú er tað eisini skiftinarrúmini og so skal Svimjihøllin eiosini hava pengar, ikki til felagshølir til Ægir, men ymiskt annað og sjúkrapengar,  so eykajáttanin verður næstan eina millión, 700.000,00 kr.?

Klaksvíkar Kommuna er tann kommunan í Føroyum sum skyldar mest upp á hvønn innbúgva og Karl og hansara harkalið blíva við at brúka pengar og onki eftirlit er við játtanum, har eru eykajáttan eftir eykajáttna á hvørjum Býráðsfundi, í kvøld er heldur onki undantak.

Har mest pengar skulu brúkast, tá letur samgongan hurðarnar aftur og málini vera viðgjørd og samtykt aftanfyri læstar dyr, eitt nú tá ið eyka lántøka verður tikin og umfíggjan av lánum, men tað fáa borgarnir ikki innlit í, tí tað er fyri afturlatnum hurðum.

Bløðingin av almennum pengum má steðga í Klaksvíkar Kommunu og hvussu nógv hevur Teldumálið kosta okkum borgarnum, er upphæddin farin upp um 6 milliónir? og nær kemur tað málið fyri aftur í Býraðnum og skal eisini ein eykajáttan til tað og eru telduskipanirnir hjá Klaksvíkar Kommunu nú tryggjaðar móti teldusníkunum.

Hetta kemur fyri á almennum Býráðsfundi í kvøld:

76/25
25/01115-1 Eykajáttan til ítróttarøkið – eykajáttan, fyrra viðgerð
Viðgjørt av Fundardagur Málnr.
1 Mentanarnevndin 16.09.2025 54/25
2 Fíggjarnevndin 23.09.2025 97/25
3 Klaksvíkar Býráð 25.09.2025 76/25
4 Klaksvíkar Býráð 30.10.2025

25/01115-1 Eykajáttan til ítróttarøkið

Frágreiðing um málið:

Nógv er hent á ítróttarøkinum í ár, bæði tilætlað og óvæntað.

Gólvið í KÍ-høllini er skift, sum hevði avleiddar útreiðslur við sær á tilsamans 300.000 kr. Harafturat
vórðu ymsar broytingar gjørdar við skiftingarrúmunum, nú allur hondbólturin verður savnaður í KÍhøllini.

Fleiri avbjóðingar hava verið í svimjihøllini m.a. við dúkinum í baðilandinum, sandfiltrinum í
innanduraspa og klorrúminum, umframt meirnýtslu á lønarposti orsakað av sjúkramelding.
Hesar meirútreiðslur góvu tilsamans uml. 400.000 kr.

Tvs. at vit hava óvæntaðar meirútreiðslur á ítróttarøkinum á tilsamans 700.000 kr.

Burðardygd og heimsmálini:
Hetta málið stuðlar undir 3. heimsmáli, sum er at tryggja øllum heilsugott lív og virka fyri trivnaði fyri øll
í øllum aldri.

Lógargrundarlag:
Kommunufulltrúin

Fíggjarligar avleiðingar:
Meirnýtsla á ítróttarøkinum á 700.000 kr., sum tørvur er á at meirjátta av tøkum peningi.

Tilmæli:
Mælt verður til, at nevndin tekur undir við at meirjátta 700.000 kr. til ítróttarøkið.
Mentanarnevndin 16. september 2025:

Nevndin tekur undir við tilmælinum, dagf. 04-09-2025
Fíggjarnevndin 23. september 2025:

Ein meiriluti, KHJ, AíT og SVJ, tekur undir við MeN 16-09-2025.
OáL og JS taka støðu í býráðnum.

Eg góðtaki als ikki at Tórshavnar Kommuna fær betri sømdir enn aðrar kommunur í Føroyum viðvíkandi uppskotinum um viðtøkubroytingar hjá SEV til eykaaðalfundin í dag.

Sylvia, tú hevur rætt í onkrum, men hví kemur Karl Johansen borgmeistari við broytingaruppskotum beint áðrenn lukkitíð? og er tað ikki hansara uppskot vit skuldi stemma um í gjár?

Haldi tað er eitt krav at almenningurin fær at vita um broytingarnar hjá Karl Johansen áðrenn eykaaðalfundin í dag, sá allar broytingarnar festar á blað, tað sá út sum eitt blóðbað, har var alt skriva við reyðum?

Sera løgin framfaringarháttir, at leggja eitt uppskot viðvíkjandi SEV fram á almennan fund í Klaksvíkar Býráð og so koma við hópin av broytingum beint áðrenn lukkitíð? Har ruggar ikki alt rætt?

Símun á Høvdanum

​Eg var til ein fund hjá SEV í seinastu setu:

Øll vita vit at tey í Tórshavn duga sera væl at klippa sær sjálvum og tað eru tey verðinsmeistarar til.

Eisini vita vit, at tú mást vera í einari kliku "nevnd" fyri at fáa hendur á almennum pengum og hetta eru ovurhonds stórar upphæddir, tey burturluta til hvønn annan, fleiri 10tals milliónir um árið.

Hetta geldur bæði fyri list, filmlist, miðlar, grannsking, ferðavinnu og ein kundi blivi við at nevnt økir, har 10tals milliónir av olmussi verið latin til hesu fólkini, feløg og felagskapir um árið. 

Stuðulsupphæddirnar eru farnar til himmals og mest sum allar milliónirnar enda í Tórshavn, har sigast kann at vinar og kenningarpolitikkurin blomstrar í besta blóma.

Men hvør betalur hesar risa upphæddir til hesar persónar, felagsskapir og feløg og tað er vit í útjaðarnum og vit fáa onki afturfyri og hvar eru útjaðarpolitikkarnir, teir snorksova. 

Tað grovasta til hetta Sirkusi er at har er næstan onki eftirlit við hesar stuðulsjáttanir, hvat hesi fólkini brúka pengarnar til? og er nakað eftirlit aftaná?, tá ið pengarnir eru brúktir, eru teir brúktir rætt ella er teir bara farnir til forbrúk?

Nei, latið hesi fólkini klára seg sjálvi, klára tey ikki tað, so eigur kassin at latast aftur og tey kunnu finna sær aðrar inntøkukeldur at fíggja sítt virksemi uppá, tað gera vit onnur og hví skulu tey fáa stuðul og vit onnur onki fáa?

Seinasta dømi er Miðlastuðulin fyri 2024, stór skomm og tey øll skuldi skamma seg, ríka seg upp fyri stuðul frá okkum. 

Tað kann ikki vera uppgávan hjá okkum, at vit geva teimum stuðul fyri at halda teirra forbrúk uppi, har tey liva í sús og dús fyri okkara pengum.

Seinastu mongu milliónir vóru latnar í vikuni, har frágreiðing um virksemi hjá Miðlastuðulsnevnini í 2024 bleiv løgd fram og hon sigur okkum at tað er sjón fyri søgn við klippingini í Tórshavn, sjá grein niðanfyri:

Símun á Høvdanum

Frágreiðing um virksemi hjá Miðlastuðulsnevndini í 2024

Sambært § 7, stk. 3, í miðlastuðulslógini skal Miðlastuðulsnevndin við árslok á hvørjum ári lata landsstýrisfólkinum hesa skrivligu frágreiðing um virksemi sítt. Landsstýrisfólkið leggur frágreiðingina alment fram á netið og kann hon heintast her.

Almanna- og mentamálaráðið

Samgongan sum hevur økt landssýrisumsitingin við 32,6 milliónir síðani 2022, eru nú farin við spariknívinum eftir okkara lærarum, her grein í Skúlablaðnum, klikk link her: "Útlit fyri at 15 lærarar færri vera í fólkaskúlanum komandi skúlaár".

Men hvussu samsvarar tað við, at sama samgonga samtykti eitt uppskot tann 21. mai 2024, at tað skuldi vera færri næmingar í flokkunum, klikk link her "Færri næmingar í flokkinum".

Samanumtikið kann sigast um hesa samgonguna, at hon er ein stór FIASKO, eisini fyri okkara børn.

SáH

Hetta samtykti tey í 2023:
Jólagávan frá samgonguni, sum verður samtykt áðrenn jól. Gud nái okkum 🤔☹️☹️
❌ Hækka bensin-og dieselavgjald
❌ Hækka brennioljugjald
❌ Hækka el-prísin
❌ Hækka kringvarpsgjaldið
❌ Minka stuðulin til avlamisbil
❌ Hækka egingjaldið á heilivág
❌ Tey allar lægstløntu fáa hópin av avgjaldrokningum, men ongan skattalætta. Harafturat velur samgongan at lækka teirra orkustuðul úr 12.000 kr.í ár niður í 5.000 kr.næsta ár
❌ Sum einasti bólkur er samtykt, at lestrarstuðulin ikki skal prístalsjavnast í 2024+2025
❌ Útvald siglandi skulu,sum tey einastu,ið arbeiða heimanífrá, missa frádráttir.
❌ Sjómannafrádrátturin skal skerjast og frádráttir hjá útisiglarum skulu takast burtur

Hugdi eftir sendingini "Kanst tú siga farvæl?", har umrøtt var um at sera nógvir føroyingar ikki venda aftur til Føroyar eftir loknað útbúgving í Danmark.
​
Ein faktorur bleiv ikki umrøddur og tað eru konufólk, sum hava fingið børn saman við einum danskara ella útlendingi og sum hava fødd teirra børn í Danmark. Tær hava ongan møguleika at koma heim til Føroyar aftur við teirra børnum, um tær blíva skyldar ella fara frá sambúgvanum, tí sigur maðurin ella sambúgving Nei, so sigur lógin, at tey ikki hava loyvið at flyta til annað land við børnunum og gera tær tað, so blíva børnini tikin frá teimum, tí so kemur tað undir at tær hava burturflutt børnini.

Hetta átti Fólkatingslimirnir Anna og Sjúrður tikið upp í Fólkatinginum, tí sjálvandi skulu føroysku mammurnar sleppa til Føroyar, vit hoyra jú undir Danmark og eru í Ríkisfelagskapi við Danmark og hví skal ein útlendingur í Danmark bestemma, hvar ein danskari/føroyingur skal búgva við sínum børnum innan Ríkisfelagsskapinum og er Føroyar eitt útland í Danmark?

Veit fleiri dømir har mammur vera tvingaðar at liva í Danmark við teirra børnum, tí fyrrverandi maðurin/sambúgving sigur Nei til at føroyska mamman og børnini skulu til Føroyar og tískil vera tey noydd at búgva í Danmark uttan sína familju í Føroyum og tað endar við at øll familjan flytir niður fyri at familjan skal vera saman.

Hetta má broytast skjótast gjørligt, sjálvandi skulu føroyskar mammur hava loyvið til at búgva, har tær hava hug til í Ríkisfelagskapinum og tað skal so undir ongum umstøðum henda, at ein útlendingur í Danmark bestemmar hvar ein danskari/føroyingur skal búgva.

Símun á Høvdanum

​​Mál 23/01320-32 Byggisamtyktarbroyting fyri sølutorg, almenn vesi o.a. E5

Hetta er økið har Norðoya Bátafelag skal hava sínu felagshølir og har vera eisini íbúðir, sølutorg, almenn vesi, men tá ið atkvøttt bleiv bleiv og uppskotið bleiv samtykt, manglaðu stemmurnar hjá Signhild V. Johannesen og Anniku S. Biskopstø.

Annika S. Biskopstø fór enn longur og hon var einasti Býráðslimur sum stemmaði ímóti uppskotinum. Fái ikki ordiliga skil á, hvat Annika vil við sínum politikki í Klaksvíkar Býráð, hon hevur verið í samgonguni og tá stemmaði hon fyri øllum málum og nú hon er í andstøðu, so stemmur hon NEI, sjálvt um hon hevur verið við til at stemma JA áðrenn hon fór úr samgonguni.
 
Eg var sjálvir við til at avseta 500.000,00 kr. til Norðoya Bátafelag í 2022, har vit umrøddi fíggjarlógina fyri 2023 og har stemmaði hon JA og nú NEI?

Veit bara at fólk í Klaksvík fara at vera sera glað fyri hatta økið og hevur Klaksvíkar Býráð tikið hædd fyri grannunum, har komu inn tvær viðmerkingar/kærur inn og mælt var til at taka viðmerkingina frá Klaksvíkar kappróðrarfelag um bátabrúgvarnar og Føgruvík til eftirtektar. Áheitan frá R.B. um býartætting og liðugtgerð av verandi býrúmum/verkætlanum varð eisini tikin til eftirtektar, so skuldi øll verið nøgd, men tað vóru Annika S. Biskopstø og Signhild V. Johannesen ikki.

Tá ið hatta økið er gjørt, so manglar lítið í liðugtgerð av eystursíðuni og komandi Býráð kann tá fara í gongd við vestursíðuna, frá Føroya Bjór til Heimið við Vágna, so alt verður samanbundið og tá kann ein fara ein gongutúr heilt frá Stongunum til Heimið við Vágna fram við sjóvarmálanum.

Tað er soleiðis Fólkaflokkurin arbeiðir, lata tey privatu og feløgini koma vit hugskotum og so skulu vit føra tað út í ljósið,

Spennandi verður og vónandi fái eg tykkara stemmur 12. november, tí SO VERÐUR TAÐ GJØRT.

X við Símun á Høvdanum
Fólkaflokkurin

​Tey flestu sum kenna meg persónliga vita hvør Símun á Høvdanum er, eg elski okkara bý Klaksvík og vil gera alt fyri at vit øll skulu hava tað gott og at vit eru best á øllum økjum.

Eri sera lokalur og skal nokk gera alt fyri at vit fáa so nógv arbeiðspláss til Klaksvíkar sum gjørligt, alt skal ikki vera í Tórshavn, men alt skal vera í Klaksvík, Klaksvík fyrst.

Eri ikki bangin at tala tykkara søk og vil hjálpa tykkum, um tit hava ella fáa trupuleikar við Klaksvíkar Kommunu. Øll skulu vera líka fyri lógina og opinleikin skal inn aftur í Býráðsins gátt. Eru rossahandlar gjørdir, so skal tað fáa fylgjur fyri tey sum hava gjørt rossahandlarnar, tann tíðin er farin.

Eri ímillum tykkum hvønn dag og øll kunnu tosað við meg, bæði høg og lág, rík og fátæk, tjúkk og kløn, soleiðis eri eg bara.

Eri stoltir og errin av okkara ítróttarfólkum, har eg í gott 40 ár havi tikið 100túsundstals myndir av okkara hetjum, minnist til "vit standa øll saman og rópa á KÍ, Ægir, KRF, Stjørnuna, Team Klaksvík, Stjørnuna, Mjølnir, Talvfelagið, Judo, Fimleikarafelagið, Dart, Kurvabóltsfelagið, Billardfelagið...." og ein kundi blivi við at nemt fleiri feløg og okkara fantastisku ítróttarfólk, vit eru øll frá Klaksvík og tað eru vit øll stolt av. Mentan og ítróttur hevur verið raðfest høgt í hesari setuni, eitt nú hava vit fingið nýtt Mentanaðarhús, Kappróðrarneyst, Rennibreyt, nýtt skýlið, nýggjan fótbóltsvøll, men enn manglar nakað, eitt nú skjótibreyt, felagshølir til Ægir, Fimleikarahøll og annað, tað má og skal gerast um pengar eru tøkir til tað. Lat okkum geva okkara ungdómi eitt FRÍKORT, so øll hava ráð at íðka og velja tað ítróttargrein tey hava hug til.

Eri stoltir av okkara ungdómi, okkara tónleikarum, eitt nú Adrenaline, Straight Ahead, Hjarnar, Frændur, Dynamit.....Ungdómur okkara skal hava bestu sømdir, hann er okkara framtíð. 

Eri stoltir av okkara vinnu og serstakliga okkara fiskivinnu, hon skal hava allerbestu sømdir. Vit skulu fáa Klaksvíkar Havn at virka enn betur og so skulu bryggjukantarnir gerast tryggir, eisini teir á Stongunum, á Kósini, á Vestursíðuni, á Kalsoynni, í Svínoy, á Norðoyri, Borðoyavík, Árnafirði, Ánunum, á Strond.... har trongir til at gera ein stóran innsats, vit liva fiskivinnuni og alivinnuni, SO ER TAÐ SAGT. Ferðavinnan skal mennast, har vit skulu gera eitt Campingpláss til okkara gestir og so skal Norðoya Bátafelag fáa síni felagshús, 500.000,00 kr. eru avsettur til tað verkætlanina og hon skal í gongd nú, nokk tosað, lat okkum gera økið, staðsetingin er við Effo støðina og tað fer eisini at hjálpa ferðavinnuni, har smábátar og seglskip koma á vitjan, hetta fara eg ígongd við um eg fái tykkara stemmur tann 12. november.

Eri ikki stoltir av okkara fíggjarligu støðu. Sjálvir eri eg innarliga í fíggjarligu viðurskiftum og nú má skil fáast á fíggjarligu støðuni í Klaksvíkar Kommunu, tað er stór skomm at vit eru og koma undir fíggjarligt eftirlit og tað má ikki henda aftur. Vit mugi klára okkum sjálvi við teimum skattakrónum sum koma inn í Kommunukassan og so byggja býin upp eftir hvat vit hava ráð til og gera íløgur innan tað húsarrúminum, raðfesting SKAL til. Tá fíggjarligan støðan er komin uppá pláss, so SKAL kommunuskatturin niður á sama skattaprosent sum Tórshavnar Kommunu hevur, tað er jú Tórshavn vit kappast við og tá í skatturin er farin niður, gerst tað bíðligari at vera borgari í Klaksvíkar Kommunu.

Eri ikki stoltir av okkara ferðsluviðurskiftum og parkeringsviðurskiftum, har skal skil fáast á tað skjótast gjørligt, har vegir møguliga skulu gerast einvegis og fleiri parkeringsøkir skulu gerast runt í býnum. Eisini skulu vit fáa skil á liðugtgerð á vegum, gonguteigum og at parkeringspláss skulu vera kravd til hvørja størri bygging í býnum, eisini skal tað vera kravt at vera eini sethús bygt, so skulu minst 2 parkeringsøkir fylgja við bústaðurin verður bygdur.

Eri ikki stoltir av at okkara eldruøkið, har eldru ikki sleppa inn á okkara Røktarheim, bíðilistin SKAL burtur skjótast gjørligt og okkara eldru og tey sum taka sær av okkara eldru skulu hava munandi betri sømdir, hetta skal bara vera ein sjálvflygja verið eg valdur tann 12. november. Vit hava ansingartrygd til okkara børn og tað skal eisini vera til okkara eldru, Akutlistin SKAL burtur.

Eri ikki stoltir av at bygningum hjá Klaksvíkar Kommunu sum eru í órøkt og eru við at detta niður og tað verður ikki góðtikið, um eg verið valdur inn tann 12. november, eitt dømi er Ídni. Eisini skulu økini sum Klaksvíkar Kommuna eigur runt í býnum fáast skil á, har órudd hevur ligið og sløðist í áravís, eitt nú har egningarskurðarnir eru, Norðoyri, Borðoyarvík, Norðhavnin, gamla Buchwald og økið á vestursíðuni. Rokni eisini við at økir aðrastaðni eru í órøkt og órudd liggur og sløðist, eitt nú í Svínoy, Kalsoynni, á Strond og aðrastaðni við, hetta farið eg undir at fáa skil á um eg fái tykkara stemmur, nokk bíða, nú skal handlast.

Eri ikki stóltir av okkara íbúðarpolitikki, tað skal gerast bíðligari at búgva í egnum húsum ella íbúð í Klaksvíkar Kommunu og útboðið má gerast størri og bíðligari. Ungdómurin og fólki mugi hava ráð at búgva í egnum húsum og íbúðum. Lat okkum gera meira eldruíbúðir, so mítt ættarlið, vit sum nærkast teimum 60 árunum kunnu flyta í ein minni búðstað, so næsta ættarlið kann yvirtaka okkara hús, men kostar ein íbúð 10-15.000,00 kr. at búgva í um mánaðin, so hava vit ikki møguleikan at flyta, men kosta ein íbúð umleið 5-6.000,00 kr. at búgva í, so er lítil ivi um at fleiri hava hug at flyta í minni bústað, so okkara stóru hús kunnu seljast til onnur at búgva í ella næsta ættarlið tekur við húsunum. Kundi gjørt 50+ økir og 60+ økir og tann hátt samlað tey gomlu saman, so tey fáa ein góðan aldurdóm saman við teimum sum man er javngomul við, hevði tað ikki verið well fyri tey gomlu?

Samanumtikið so skulu vit raðfesta betri, skil skal fáast á tað fíggjarliga, ferðsluna, tey eldru og øll skulu vera líka fyri lógina, gjøgnumskygni og opinleikin skal aftur inn í Býráðsins gátt, SO ER TAÐ SAGT.

Lat okkum velja ein sterkan Símun á Høvdanum inn tann 12. november, SO VERÐUR TAÐ GJØRT.

X við Símun á Høvdanum
Fólkaflokkurin

Teir báðir hava so diggiliga prógva, at teir duga ikki at stýra einari Kommunu, les greinina hjá Jógvan Skorheim í Norðlýsinum, so síggja tit muruna í hasum manninum og FAKTA um Karl og Jógvan, har skuldin í Klaksvíkar Kommunu bara veksur og veksur, takka teimum báðum. Einasta alternativ er at velja Símun á Høvdanum inn, tí hann hevur skil á tí fíggjarliga og er ikki bangin fyri at kallað ein spaka fyri ein spaka.

Jógvan Skorheim hevur eisini prógva, at hann heldur ikki dugir at stýra einum flokki og hevur hann einsamallir klára at koyrt ein heila flokk á heysin, nevnliga Sjálvstýrisflokkin og tá ið hann ikki megnaði at stýra meira, so rýmdi hann av søkkandi skutini og teknaði seg úr flokkinum, so onnur kundi taka hansara vána verk upp, næstan á sama hátt sum hevur gjørt við Klaksvíkar Kommunu.

Sjálvstýrisflokkurin hevur nú ongin tingfólk á Løgtinginum og ongar Býráðslimur í Klaksvíkar Býráð og fíggjarliga á knøðunum, men nú Jógvan Skorheim er rýmdir, so er flokkurin spakuliga á veg uppaftur, men tað fer at taka langa tíð til hann verður tann sami flokkur, sum áðrenn Jógvan Skorheim tók yvir leiðsluni, men hann yvirlivdi.

Hetta fer eisini at henda í Norðoya Fólkafloksfelag, Jógvan Skorheim er ein EGOIST, tonkir bara uppá seg sjálvan og so fjandan á hinu og tað kann fáa óbøtaligar skaðar fyri Norðoya Fólkafloksfelag. Okkara felag hevur altíð staðið saman, sjálvt um vit eru ósamd í fleiri málum, men innanflokka hava vit altíð arbeitt sum ein flokkur, men nú er væntandi at tað verður einaráðandi á sama hátt sum Sjálvstýrisflokkur bleiv stýrdur av Jógvan Skorheim og fólk fara at rýma úr flokkinum, tí er tað sera týdningarmikið at Símun á Høvdanum verður sera sterkur tann 12. november, tí eg eri ikki bangin fyri at taka kampin upp móti Jógvan Skorheim, hann skal ikki sleppa at oyðileggja Norðoya Fólkafloksfelag, saman standa vit sterk og tað skal JS bara góðtaka.

Greinin í Norðlýsinum prógvar hvat Jógvan Skorheim ætlar, nú hann er komin inn í Norðoya Fólkafloksfelag, tað fyrsta hann gerð, tað er at skriva sera niðurgerandi grein um samgonguna í Klaksvíkar Býráð, har Fólkaflokkurin hevur 5 Býráðslimur og fer so langt at hann gevur hesari samgonguni alla skyldina fyri fíggjarligu støðuni og av ørvitis projektunum frá undanfarna samgongu, sum als ikki vóru fíggjaði og sum vit skuldi gera liðug og gjalda, tí er lánibyran ovurhonds stór og vaksin til himmals.

Nøkur projekt eru gjørd liðug og tey eru vit glað fyri, eitt nú Metanaðarhúsið Varpið, Rennibreytin, Kappróðraneystið, Ídnaðarøkið á Borðoyavík, á Fossum, Barnagarðurin í Norðoyri, Bollafabrikkin, nýggjan fótbóltsvøll og ein kundi blivu við, men alt hevur havt sín prís og tað er tað Fólkaflokkurin hevur gjørt, vit hava ruddað upp eftir Jógvan Skorheim og hansara harkaliðið, men JS er snildur, bert tríggjar mánaðar áðrenn Býráðsvalið, so teknaði hann seg sum lim í Norðoya Fólkafloksfelag og nú heldur hann at hann kann halda áfram, har hann slepti sum Sjálvstýrismaður og andstøðupolitikkari, men so væl spælir klaveri ikki og vónandi eru fólk vaknaði, tí hatta er tað sama sum, at Árni Frederiksberg og Páll Klettskarð melda seg inn í Víking tann síðsta dystin í árinum og á tann hátt kunnu kallað seg Føroymeistarar í 2024.

Hvussu frekur kann ein vera og eru fólk so pill býtt, at tey ætla at velja ein persón, sum hevur koyrt Klaksvíkar Kommunu næstan á heysin, hevur koyrt ein heilan flokk á heysin og nú ígongd við at rakka hesa samgonguna niður í sand og øsku, har hann upplýsir borgarnar í Klaksvíkar Kommunu, at okkara samgongu slett ikki hava skil á nøkrum sum helst og slett ikki tí fíggjarliga.

Havi ikki fylgt við hvussu tað gongur í vinnulívinum hjá Jógvan Skorheim, men har má ganga serstakliga gott fíggjarliga, tí hann hevur heilt sikkurt skil á hansara mongu feløgunum, eins og hann hevur havt tað í Sjálvstýrisflokkinum og Klaksvíkar Kommunu, hann er jú best í øllum og hevur ongan feil.

Forstóð ongantíð hví hann slapp at tekna seg sum lim í Norðoya Fólkafloksfelag og var eg tann fyrsti sum mótmælti, har eg segði í einum Live klippi á Facebook, at um man hevði loyvið at kallað ein persón "Judas", so var hann eitt gott boð.

Nei Klaksvíkar Kommuna hevur uppiborið betri, vit skulu í felag menna Klaksvíkar Kommunu enn meira, raðfesta betri og fáa skil á tí fíggjarligu støðuni. 

Vit hava knasandi góð fólk og knasandi góðar vinnulívsmenn og vinnulívskvinnur, so tað skal nokk ganga. Vit hava bara ikki havt góðar borgmeistarar tær seinastu seturnar, men tað kunnu tit rættað upp á tann 12. november og velja Símun á Høvdanum inn, eg tori at taka kampin upp móti hasum báðum, SO VERÐUR TAÐ GJØRT.

Gev mær stemmuna, so verður skil á.

Símun á Høvdanum,
Valevni hjá Fólkaflokkinum 

Tað er valár til Býráðið í ár, so nú er at senda mær tykkara trupuleikar við Klaksvíkar Býráð, so eg kann loysa teir um eg sleppi framat,  mítt slogan verður tað sama sum til seinasta Býráðsval SO VERÐUR TAÐ GJØRT.

Havi fingið fyrstu uppgávuna og hon verður allerhelst loyst áðrenn valið í November, men verður hon ikki tað, so skal eg gera tað eftir Býráðsvalið, um eg fái tykkara stemmur og verið valdur inn.

Her uppgávan sum skal loysast skjótast gjørligt:
"Hettar er tað fyrsta ið fólk møta tá tey eru komin úr Norðoyarunnlinum. Fyrst skeltið, vælkomin til Klaksvíkar, men fyrsta busstoppistaðið er eitt stórt runudýki 
Møguleikin hjá koyristólabrúkarum eru heldur ikki nóg góðir, hjólini smokka niður í rununa, tá farast skal uppá gongubreytina 
Hattar fixar tú vinurin... SO VERÐUR TAÐ GJØRT "

Takk fyri uppgávuna, eg eri fyrst eykavaldur á Fólkaflokslistanum, komi eg inn fyri onkran í hesari setuni, so skal eg taka tað upp í samgonguni. Hetta skal og má loysast skjótast gjørligt.

Líkist ongum at hetta ikki langt síðani er gjørt, vit skulu sjálvandi tonkja uppá fólkini sum hava brek og skil skal vera á okkara bussstoppistøðum.
​
Símun á Høvdanum
SO VERÐUR TAÐ GJØRT