 Brennistøðin liggur still vegna umvælingar í umleið 10 vikur. Í hesum sambandi eru serstakar reglur galdandi á endurnýtsluplássunum kring landið:
Alt innsavnað rusk verður nú ballað í rusk-ballimaskinu og undir hesum umstøðum eru serstakar reglur galdandi á Brennistøðini og á endurnýtsluplássunum kring landið Burturkast at brenna má ikki vera longri enn 100 cm. Orsøkin til hetta er, at tað ikki er gjørligt at balla rusk, ið er størri enn hetta. Sum dømi kunnu nevnast rør og tílíkt. Leivdir av nótum, gørnum og líknandi má ikki latast saman við tí brennandi, tí tað fløkist í ballimaskinuni. Ynskiligt er, at tílíkt tilfeingi altíð verður latið til endurnýtslu og ikki til at brenna. (sí www.irf.fo fyri nærri kunning um hetta). Tað verður ikki tikið ímóti lívrunnum burturkasti, tí ikki ber til at balla tað. Vegna broyttar umstøður á goymsluni á Brennistøðini verður heldur ikki tikið ímóti máling, meðan umvælingarnar fara fram. IRF boðar frá, tá Brennistøðin aftur tekur ímóti burturkasti sum vanligt. Kelda: klaksvik.fo SáH  The Weinstein Company er farið á heysin, veit Reuters at siga frá.
Fyritøkan bleiv grunnløgd av Harvey Weinstein, sum stendur aftanfyri eina rúgvu av Hollywood skandalum. Les eisini: Meiri enn 40 kvinnur hava nú kært Weinstein Filmsframleiðarin fekk sekkin frá egnari fyritøku, eftir at tað kom framm, at hann hevði framt seksuellan ágang ímóti eina rúgvu av kvinnum í Hollywood í sera mong ár. JáH (y) 26.02.2018  Av teim 36.000 fólkunum í Føroyum, ið eru í aldrinum 15 til 74 ár, eru umleið 30.000 í arbeiðsfjøldini, tað vil siga eru vinnuliga virkin. Uttan fyri vinnu eru um 6.000. Sostatt er vinnutíttleikin stívliga 83%, roknað fyri bæði kyn. Hjá monnum er vinnutíttleikin 84,3%, ið er nakað størri enn hjá kvinnum við 82,0%. Men munurin er nógv minni enn í øðrum londum.
Tað eru sera stór tøl, og er vinnutíttleikin í Føroyum, t.v.s. arbeiðsfjøldin í % av fólkatalinum, tann størsti í Europa, við Íslandi eitt lítið vet aftanfyri. Les meira HER JáH (y) 26.02.2018 Kelda: Hagstovan  Páskabryggið 2018
Várið er í nánd og vit ganga ímóti ljósari tíðum. Páskabryggið 2018 er bryggjað og smakkað. -Vit hava gjørt nógv fyri at fáa tann besta smakkin og góðsku - verður sagt frá bryggjarunum á Føroya Bjór. Páskabryggj 2018 er sett saman við bestu rávøru og hóskar tað sera væl til Føroyskan mat og til páskaborðið. Í ár eru 130 ár síðani Símun í Vági av fyrsta sinni bryggjaði á Føroya Bjór. SáH 
 Tað eru tvær meginrelgur, sum Hægsti rættur hevur sligið fast, hvussu 120 sjúkradagar skulu teljast, tá ið eitt starvsfólk partvís er sjúkramelda.
Klikk grein her: "Højesteret: Sådan skal der tælles 120 sygedage ved delvis sygemelding" SáH  Høgni Hoydal, fiskimálaráðharri, hevur eftir ráðførslu við Uttanlandsnevnd Løgtingsins tikið avgerð um at áseta føroysku kvotuna av norðhavssild til 88.350 tons fyri 2018.
Hóast strandarlondini framvegis ikki eru samd um at býta norðhavssildina sínámillum, samdust tey tó í Keypmannahavn 7. desember 2017 um mest loyvdu veiðu á 435.000 tons fyri 2018, umframt onnur viðurskifti, eitt nú at endurskoða langtíðar umsitingarætlanina. Føroyski luturin av norðhavssild er hækkaður eitt vet í mun til í fjør til tess at lutfalsliga útjavna nýliga økt krøv frá øðrum pørtum. Herfyri avgjørdi Høgni Hoydal eftir ráðførslu við Uttanlandsnevnd Løgtingsins at áseta føroysku kvotuna av svartkjafti til 493.081 tons fyri 2018, eftir at strandarlondini samdust í Keypmannahavn 7. desember 2017 um mest loyvdu veiðu á 1.387.872 tons fyri 2018. Fiskiskapurin eftir svartkjafti og norðhavssild í 2018 verður skipaður í kunngerðum og verður kunngerðin um norðhavssild lýst í næstu framtíð. JáH (y) 20.02.2018 Kelda: Løgtingið 16.02.2018  Tað er nú vísindaliga staðfest, at sterkt sjóvarfalsdrivið smittusamband er millum tey ymsu aliøkini í Føroyum. Hetta er niðurstøðan í eini vísindagrein, sum júst er komin út. Tróndur J. Kragesteen, phd-lesandi á Fiskaaling, er høvuðsrithøvundi av vísindagreinini undir heitinum ’Identifying salmon lice transmission characteristics between Faroese salmon farms’. Hinir rithøvundarnir eru Knud Simonsen, granskari á Fiskaaling, og André W. Visser og Ken H. Anderseen, sum báðir eru professarar á Dannmarks Tekniske Universitet (DTU) í Lyngby.
Í greinini verður víst á, hvussu sjóvarfalsrákið millum oyggjarnar kann bera laksalús millum aliøkini í Føroyum. Kanningararbeiðið er gjørt við, at ein bitlafylgimyndil er lagdur oman á úrslitini frá áður gjørdum teldusimuleringunum av sjóvarfalsrákinum. Í telduappini, sum vísir sjóvarfalsrák á snildfon, verða nýttar somu teldusimuleringar. Les meira HER JáH (y) 16.02.2018 Kelda: Gransking.fo  © Hummarfelagid.com Vinnunevndin kann einki gera við, at hummarafelagið kennir seg til trongt til síðis av alivinnuni og hóttir við endurgjaldskravi á slakar 50 mió.
At Hummarafelagið kennir seg trongt til síðis av alivinnuni, og hóttir við at fara í rættin við einum endurgjaldskravi uppá slakar 50 milliónir kr, fyri mist rættindi, kann Vinnunevndin einki gera við, tí tað er landsstýrismaðurin í fiskivinnumálum, sum letur hummaraloyvini og landsstýrismaðurin í vinnumálum, sum umsitur alivinnuna. Tað sigur Bjørt Samuelsen, forkvinna í Vinnunevndini, sum hevur fingið eitt hvassorðað hoyringarskriv frá Hummarafelagnum, nú nevndin umrøður nýggju alilógina. Les meira HER JáH (y) 13.02.2018 Kelda: KVF  Amerikanski vápnaframleiðarin General Dynamics, har yvir 100.000 fólk arbeiða - verður enn størri, veit NTB at siga frá.
Vápnasølan hjá General Dynamics hevur ein umsetning uppá góðar 250 milliardir krónir og ætlar eftir øllum at døma at keypa CSRA og harvið økja um sínar framleiðslur av vápnum. General Dynamics er fimtstørsti vápnaframleiðarin í heiminum. JáH (y) 12.02.2018 |
Greinar
Oktober 2019
|
RSS-feed