Valevnir í Suðurstreymi

Annika Olsen var tann stóri stemmurslúgarin hjá Fólkaflokkinum seinasta løgtingsval og hon er sjálvandi á Fólkaflokslistanum.

Havnar Framburðsfelag hevði seinasta uppstillingarfund í gjár, 10. august. Higartil eru níggju fólk komin á listan. 
 
-Annika Olsen, Tórshavn. 
-Janus Rein, Tórshavn. 
-Hanus Samró, Tórshavn. 
-Sólvit E. Nolsø, Tórshavn. 
-Ingvør Justinussen, Tórshavn. 
-Jógvan Kristin Olsen, Tórshavn. 
-Joan Neshamar, Tórshavn. 
-Fróði Ó. Olsen, Argir. 
-Poul Adrian í Homrum, Kollafjørður. 
 
Annika Olsen varð vald á ting fyrstu ferð í 2008. Annika hevur verið landsstýriskvinna í Innlendisráð og Almannaráð. Annika hevur eisini sitið í Tórshavnar Býráð frá 2004-2008. 
Janus Rein hevur sitið á tingi í farna valskeiði og hevur umboðað Fólkaflokkin síðani 2013. Janus hevur sitið í Fíggjar- og Vinnunevndini farna valskeið. Janus er útbúgvin løgfrøðingur og flogskipari. 
Hanus Samró hevur sitið á tingi farna valskeið. Hanus hevur sitið í Trivnaðar- og Vinnunevndini. Hann er útbúgvin stjórnmálafrøðingur, er rithøvundur og vinnurekandi. 
 
Sólvit E. Nolsø stillaði upp til fólkatingsvalið fyrr í ár og er uppstillaður aftur til løgtingsvalið. Sólvit er útbúgvin stjórnmálafrøðingur og starvast sum vinnukundiráðgevi. 
 
Ingvør Justinussen og Fróði Ó. Olsen hava bæði stillað upp fyri Fólkaflokkin til býráðsval í Havn og stilla upp fyri fyrstu ferð til løgtingsval. 
Ingvør starvast dagliga sum heilsufrøðingur. Fróði starvast dagliga sum sølumaður. 
 
Jógvan Kristin Olsen, Joan Neshamar og Poul Adrian í Homrum bjóða seg fram fyri fyrstu ferð. Jógvan Kristin er skipsførari og lesur í løtuni løgfrøði. Joan Neshamar starvast dagliga sum skúlaleiðari á Velbastaðar Skúla. Poul Adrian starvast dagliga, sum sløkkiliðsmaður 
 
Fundurin gav nevndini heimild at finna nøkur valevnir áðrenn listin skal vera latin inn. 
 
Havnar Framburðsfelag

---